រាជធានីភ្នំពេញ ៖ បន្ទាប់ពីស្ងប់ស្ងាត់អស់រយៈពេលប៉ុន្មានឆ្នាំចុងក្រោយនេះ តារាសម្តែងព្រះកាយច័ន្ទ បានបង្ហើបដំរួយពីការវិលមកចាប់អាជីពសម្តែងភាពយន្តជាថ្មីឡើងវិញ ប្រសិនបើទស្សនិកជននៅតែនឹករលឹក និងបន្តការគាំទ្រមកដល់រូបនាង ។ តារាសម្តែងរូបនេះក៏បានបញ្ជាក់ថា ប្រសិនបើមានការគាំទ្រ…
រាជធានីភ្នំពេញ ៖ បន្ទាប់ពីស្ងប់ស្ងាត់អស់រយៈពេលប៉ុន្មានឆ្នាំចុងក្រោយនេះ តារាសម្តែងព្រះកាយច័ន្ទ បានបង្ហើបដំរួយពីការវិលមកចាប់អាជីពសម្តែងភាពយន្តជាថ្មីឡើងវិញ ប្រសិនបើទស្សនិកជននៅតែនឹករលឹក និងបន្តការគាំទ្រមកដល់រូបនាង ។
តារាសម្តែងរូបនេះក៏បានបញ្ជាក់ថា ប្រសិនបើមានការគាំទ្រ រូបនាងអាចនឹងចេញសម្តែងឆាប់ៗនេះ ខណៈពេលដែលមហាជន ជាពិសេស បណ្តាអ្នកគាំទ្ររូបនាងជាច្រើនក៏បង្ហាញអារម្មណ៍ចង់ឃើញពីការវិលត្រឡប់ជាថ្មីនៃការសម្តែងភាពយន្តរបស់នាងផងដែរ ។
ជាមួយរូបភាព Poster ផ្សព្វផ្សាយភាពយន្តមួយចំនួនដែលធ្លាប់សម្តែងនាពេលកន្លងមកនោះ តារាសម្តែងនាង ព្រះកាយច័ន្ទ បានភ្ជាប់ជាមួយនឹងសំណេរខ្លីបង្ហោះលើបណ្តាញសង្គមថា ដូចជាបាត់មុខពីភាពយន្តច្រើនឆ្នាំហើយខ្ញុំ😒🎥 បងប្អូនណាខ្លះនៅចូលចិត្តនឹងនឹករលឹកកាសម្តែងរបស់ខ្ញុំខ្លះ? បើខ្ញុំថតភាពយន្តវិញបងប្អូននៅគ្រាំទ្រនឹងចង់ទស្សនា ឬអត់ ។
យ៉ាងណា ការវិលត្រឡប់របស់ ព្រះកាយ ច័ន្ទ នាពេលនេះ អាចចាត់ទុកថា ជាដំណឹងដ៏រីករាយមួយសម្រាប់ប្រិយមិត្តគាំទ្រ ព្រោះពួកគេបានរង់ចាំយ៉ាងអន្ទះសារចង់ឃើញនាងថតភាពយន្តជាថ្មីឡើងវិញ ដោយសារតារាស្រីរូបនេះ ពោរពេញដោយទេពកោសល្យ ។
ជាការកត់សម្គាល់ មួយរយៈក្រោយនេះ តារាសម្តែង ព្រះកាយច័ន្ទ ហាក់មិនសូវបង្ហាញមុខក្នុងសិល្បៈ ជាពិសេស ការថតភាពយន្តថ្មីៗដូចមុនឡើយ ដោយនាងងាកមកទុកពេលវេលាជាមួយការងារនៅក្នុងក្លឹប ដែលបង្ហាត់បង្រៀនក្មេងៗជំនាន់ក្រោយឱ្យចេះទៅលើជំនាញសិល្បៈផ្សេងៗដូចជា របាំបុរាណ របាំប្រពៃណី សម្តែង ច្រៀង រាំ និងពិធីករ ពិធីការិនី ជាដើម ។
តារាស្រីរូបនេះ បានខិតខំយ៉ាងខ្លាំង ដើម្បីដំណើរការក្លឹបបង្ហាត់បង្រៀងផ្នែកសិល្បៈនេះមានភាពរឹងម៉ាំ និងជោគជ័យ ព្រោះវាជាកេរ្តិ៍មរតកដែលឪពុកនាងដែលបន្សល់ទុកមុនទទួលមរណភាព ក្នុងពេលដែលបច្ចុច្បន្នក្លឹបសិល្បៈរបស់នាងក៏ទទួលបានជោគជ័យផងដែរ ពោលគឺមានសិស្សចូលច្រើន ។
ព្រះកាយ ច័ន្ទ ធ្លាប់បានលើកឡើងថា ការបង្កើត ក្លឹបបង្រៀនសិល្បៈផ្ទាល់ខ្លួននេះ គឺនាងបានតស៊ូយ៉ាងខ្លាំងជាមួយគ្រួសារ ជាពិសេស ឪពុករបស់នាង តែខណៈក្លឹបរបស់នាងជោគជ័យ ឪពុករបស់នាងបានអនិច្ចកម្មកាលពីឆ្នាំ ប៉ុន្តែទោះយ៉ាងណា នាងនឹងបន្តដំណើរជំនួសឪពុករបស់នាង។
តាមរយៈក្លឹបបង្ហាត់សិល្បៈមួយនេះ ព្រះកាយច័ន្ទជឿជាក់ថា រាល់ការខិតខំប្រឹងប្រែង ការតស៊ូ នឹងក្លាយជាផ្កាយបំភ្លឺផ្លូវដល់ក្លឹបរបស់នាងបន្តដំណើរទៅមុខ ដើម្បីសិល្បៈវប្បធម៌ខ្មែរ ក៏ដូចជាដើម្បីទំពាំងស្នងឫស្សីខ្មែរផងដែរ ៕
ចែករំលែកព័តមាននេះ