ខេត្តព្រៃវែង ៖ ដើមរាំងទឹកមួយដើមត្រូវបានមន្ត្រីជំនាញជលផល សហការជាមួយកំលាំងកងរាជអាវុធហត្ថស្រុកពាមរក៍ចាប់ឃាត់បាន ខណៈពេលដែលក្រុមឈ្មួញកំពុងដឹកជញ្ជូននៅតាមផ្លូវ ។
![](https://kohsantepheapdaily.com.kh/wp-content/uploads/2023/04/e29f64a9022113f59b6903847a64d79c.jpg)
ការចាប់ឃាត់នេះ បានធ្វើឡើងកាលពីវេលាម៉ោង១០និង៣០នាទីយប់ថ្ងៃទី០២ មេសា ស្ថិតនៅលើកំណាត់ផ្លូវជាតិលេខ១១ ក្នុងភូមិគជ័យ ឃុំបាបោង ស្រុកពាមរក៍ ខេត្តព្រៃវែង ដោយឃាត់បានដើមរាំងទឹកមួយដើមធំ និងរថយន្តប្រភេទស្ទូចដឹកចំនួន២គ្រឿងផងដែរ ហើយបច្ចុប្បន្ន វត្ថុតាងទាំងអស់ត្រូវបានរក្សាទុកនៅស្នាក់ការសង្កាត់រដ្ឋបាលជលផលអ្នកលឿង។
![](https://kohsantepheapdaily.com.kh/wp-content/uploads/2023/04/f68e77897af696399fa245634ac422db.jpg)
លោក អូន ស៊ីណាត នាយខណ្ឌរដ្ឋបាលជលផលខេត្តព្រៃវែងបានអោយដឹងថា ដើមរាំងទឹកគឺជាប្រភេទរុក្ខជាតិដែលត្រូវបានហាមឃាត់ដោយច្បាប់លើការកាប់គាស់ដឹកជញ្ជូន និងជួញដូរ ហើយអ្នកប្រព្រឹត្តល្មើសក៏ត្រូវមានទោសផងដែរ ។
![](https://kohsantepheapdaily.com.kh/wp-content/uploads/2023/04/f1e4616d55c5dea60498d078612ae422.jpg)
លោក អូន ស៊ីណាត បានបញ្ជាក់ថា ដើមរាំងដែលចាប់ឃាត់បាននេះ លោកកំពុងស្នើសុំគោលការណ៍ពីលោកប្រធានមន្ទីរកសិកម្មខេត្ត ដើម្បីរកទីតាំងយកដើមរាំងនេះ ទៅដាំឡើងវិញ។ ចំណែករថយន្តទាំង2គ្រឿង លោកកំពុងទាក់ទងហៅម្ចាស់អោយចូលខ្លួន ទទួលបង់ផាកពិន័យទៅតាមផ្លូវច្បាប់។
![](https://kohsantepheapdaily.com.kh/wp-content/uploads/2023/04/6e8aa59f946dd75eb84520bab7401e1f.jpg)
![](https://kohsantepheapdaily.com.kh/wp-content/uploads/2023/04/a1e8bd00b7674cdeebc8de32d99b3160.jpg)
![](https://kohsantepheapdaily.com.kh/wp-content/uploads/2023/04/9219fdd5faa0e1cb11fda8e6daca3025.jpg)
![](https://kohsantepheapdaily.com.kh/wp-content/uploads/2023/04/17cc876a1171132d513f03c16d152c48.jpg)
ចែករំលែកព័តមាននេះ