ឧត្តរមានជ័យ ៖ លំនៅឋាន៣៩ខ្នងផ្ទះទៅលើចំនួន២ស្រុក និងក្រុង១រងការខូចខាត និងបុរសម្នាក់ត្រូវរន្ទះបា.ញ់រងរបួសធ្ងន់ ខណៈកើតមានគ្រោះធម្មជាតិទឹកភ្លៀងធ្លាក់លាយឡំទៅដោយខ្យល់កន្ទ្រាក់បោកបក់ កាលពីវេលាម៉ោង១៩យប់ ថ្ងៃទី៣១ ខែមីនា ឆ្នាំ២០២៣កន្លងទៅនេះ។…
ឧត្តរមានជ័យ ៖ លំនៅឋាន៣៩ខ្នងផ្ទះទៅលើចំនួន២ស្រុក និងក្រុង១រងការខូចខាត និងបុរសម្នាក់ត្រូវរន្ទះបា.ញ់រងរបួសធ្ងន់ ខណៈកើតមានគ្រោះធម្មជាតិទឹកភ្លៀងធ្លាក់លាយឡំទៅដោយខ្យល់កន្ទ្រាក់បោកបក់ កាលពីវេលាម៉ោង១៩យប់ ថ្ងៃទី៣១ ខែមីនា ឆ្នាំ២០២៣កន្លងទៅនេះ។
ទាក់ទិនហេតុការគ្រោះធម្មជាតិនេះ យោងទៅតាមរបាយការណ៍ស្រុកត្រពាំងប្រាសាទ គ្រោះធម្មជាតិកើតឡើងទឹកភ្លៀងធ្លាក់លាយឡំខ្យល់កន្ទ្រាក់បោកបក់យ៉ាងខ្លាំង និងរន្ទះបា.ញ់បុរសម្នាក់រងរបួសធ្ងន់ឈ្មោះត្រាច រុំ ភេទប្រុស អាយុ២៦ឆ្នាំ រស់នៅភូមិសំបួ ឃុំបាក់អន្លួង ស្រុកត្រពាំងប្រាសាទបញ្ជូនទៅធ្វើសង្គ្រោះនៅក្នុងមន្ទីរពេទ្យបង្អែកស្រុកអន្លង់វែង ដោយសារស្ថានភាពធ្ងន់បញ្ជូនបន្តទៅខេត្តសៀមរាប រួមទាំងលំនៅឋានប្រជាពលរដ្ឋ១៣ខ្នង រងការខូចខាតធ្ងន់៣ មធ្យម៦ខ្នង ផ្ទះ។
លោក ស៊ុ សារឿន ប្រធានក្រុមការងារសង្កាត់សំរោងបានឲ្យដឹង នៅព្រឹកថ្ងៃទី១ ខែមេសា ឆ្នាំ២០២៣នេះថា នៅវេលាម៉ោង១៩យប់ថ្ងៃទី៣១ ខែមិនា ឆ្នាំ២០២៣ ទឹកភ្លៀងបានធ្លាក់លាយឡំ ទៅដោយខ្យល់កន្ទ្រាក់បោកបក់យ៉ាងខ្លាំង បណ្តាលឲ្យលំនៅឋានប្រជាពលរដ្ឋ១៤ខ្នងផ្ទះរងការខូចខាតដួលរលំដល់ដី២ខ្នងផ្ទះ និងលោ.តចេញពីជើងតាង១ខ្នង ផ្ទះរងកាrខូចខាតប៉ើងដំបូល១១ខ្នងផ្ទះ ស្ថិតនៅក្នុងភូមិភ្នំកូនដំរី សង្កាត់សំរោង ក្រុងសំរោង ខណៈនេះក្រុមការងារកំពង់តែរៀបចំអំណោយយកទៅជួយឧបត្ថម្ភ។
លោក ងួន ទ្ធីរិទ្ធ អភិបាល នៃគណអភិបាលស្រុកអន្លង់វែង និងជាប្រធានគណៈកម្មាធិការគ្រប់គ្រងគ្រោះមហន្តរាយស្រុកអន្លង់វែង បានឲ្យដឹងនៅរសៀលថ្ងៃទី១ ខែមេសា ឆ្នាំ២០២៣នេះគ្រោះធម្មជាតិបង្កកើតឡើងដោយទឹកភ្លៀងបានធ្លាក់លាយឡំ និងខ្យល់កន្ទ្រាក់បោកបក់ បណ្តាលឲ្យលំនៅឋានប្រជាពលរដ្ឋចំនួន១២ខ្នង ផ្ទះរងការខូចខាតដួលរលំ និងប៉ើងដំបូលផ្ទះ ស្ថិតនៅភូមិរំចេកខាងលិច ឃុំអន្លង់វែងស្រុកអន្លង់វែង កាលពីថ្ងៃទី៣០ ខែមិនា ឆ្នាំ២០២៣។
ក្រោយពីរងគ្រោះដោយធម្មជាតិនេះ នៅព្រឹកថ្ងៃទី៣១ ខែមីនា ឆ្នាំ២០២៣ ក្រុមការងារថ្នាក់ស្រុកបានចុះសាកសួរសុខទុក្ខពលរដ្ឋរងគ្រោះ និងនាំយកអំណោយរបស់ឯកឧត្តម កិត្តិសង្គហបណ្ឌិត គន់ គីម ទេសរដ្ឋមន្ត្រី និងជាប្រធានក្រុមការងារថ្នាក់កណ្តាលចុះជួយមូលដ្ឋានខេត្តឧត្តរមានជ័យអំណោយដល់គ្រួសាររងគ្រោះ៕
ចែករំលែកព័តមាននេះ