រុស្ស៊ីណែនាំពលរដ្ឋពីរបៀបរៀបចំកញ្ចប់សង្គ្រោះជីវិត ក្នុងករណីមានការវា.យប្រហារណាមួយ
រុស្ស៊ី ៖ អាជ្ញាធររុស្ស៊ីបានដាក់ផ្ទាំងប៉ាណូឌីជីថលនៅទីក្រុងមូស្គូ ដើម្បីណែនាំពលរដ្ឋខ្លួនអំពីរបៀប
រុស្ស៊ី ៖ អាជ្ញាធររុស្ស៊ីបានដាក់ផ្ទាំងប៉ាណូឌីជីថលនៅទីក្រុងមូស្គូ ដើម្បីណែនាំពលរដ្ឋខ្លួនអំពីរបៀប
រុស្ស៊ី ៖ អាជ្ញាធររុស្ស៊ីបានដាក់ផ្ទាំងប៉ាណូឌីជីថលនៅទីក្រុងមូស្គូ ដើម្បីណែនាំពលរដ្ឋខ្លួនអំពីរបៀបរៀបចំ «កញ្ចប់សង្គ្រោះជីវិត» ឬ Survival Kit ក្នុងករណីមានការវាយប្រហារណាមួយមកលើប្រទេស ដែលមានផ្ទៃដីធំបំផុតរបស់ពិភពលោកមួយនេះ។ នេះបើយោងតាមការចេញផ្សាយដោយសារព័ត៌មានក្នុងស្រុក។
ឃ្លីបនៃផ្ទាំងប៉ាណូអេឡិចត្រូនិកបានប្រាប់ពលរដ្ឋរុស្ស៊ីពីរបៀបទុកដាក់កញ្ចប់សង្គ្រោះជីវិត ដែលនេះជាការផ្សព្វផ្សាយលើកដំបូងលើប្រព័ន្ធផ្សព្វផ្សាយសង្គមកាលពីសប្តាហ៍មុន ដោយគណនី Caution និង Moscow នៅលើបណ្តាញ Telegram ដោយបានអះអាងថា វីដេអូផ្ទាំងប៉ាណូនេះ ត្រូវបានបង្ហោះជាផ្លូវការដោយក្រសួងស្ថានការណ៍គ្រាអាសន្នរបស់រុស្ស៊ី ហើយបានលើកឡើងពីអ្នកស្រុកនៅជិតឧទ្យាន Gorky នៃទីក្រុងមូស្គូ ដោយបញ្ចាក់ថា ខ្លួនកំពុងណែនាំប្រជាជនសម្រាប់ការត្រៀមខ្លួនក្នុងករណីមានការវា.យប្រហារណាមួយដោយសារធាតុគីមី ឬអាវុធនុយក្លេអ៊ែរ។ ជុំវិញសកម្មភាពនេះ សារព័ត៌មាន Newsweek បានព្យាយាមទាក់ទងអាជ្ញាធររុស្ស៊ី ដើម្បីសុំការអត្ថាធិប្បាយ តែពុំទាន់ទទួលបានការឆ្លើយតបនៅឡើយទេ។
ផ្ទាំងប៉ាណូបង្ហាញការណែនាំលម្អិតអំពីរបៀបប្រមូលផ្តុំកញ្ចប់សង្គ្រោះបន្ទាន់ ឬឧបករណ៍សង្គ្រោះ ដោយខ្លឹមសារនៃកញ្ចប់សង្គ្រោះរួមមាន ៖ ឧបករណ៍សង្គ្រោះបឋម ពិល និងថ្ម ឈើគូស អាល់កុលស្ងួត ហ្គាស ទូរស័ព្ទដៃ វិទ្យុ កាំបិត ខ្សែអំបោះ ម្ជុល។ ក្រៅពីនោះក៏មានអាហារ ទឹក ដែលបម្រុងសម្រាប់ពេលយ៉ាងតិច៣ថ្ងៃ រួមនឹងចានស្លាបព្រាក្រដាសឬជ័រ សម្ភារៈអនាម័យផ្ទាល់ខ្លួន និងខោអាវសម្រាប់ផ្លាស់ប្តូរ។
សកម្មភាពផ្សព្វផ្សាយនេះ បានកើតឡើងនៅពេលដែលមានសេចក្តីរាយការណ៍ថា វិមានក្រឹមឡាំងបានបញ្ជាឱ្យធ្វើទំនើបកម្មជម្រកគ្រាប់បែកនៅទូទាំងប្រទេសរុស្ស៊ី។ កាសែត Moscow Times បានរាយការណ៍កាលពីខែកុម្ភៈថា មន្ត្រីរុស្ស៊ីបច្ចុប្បន្ន និងអតីតបាននិយាយថា វិមានក្រឹមឡាំងបានបញ្ជាឱ្យត្រួតពិនិត្យ និងជួសជុលលើជម្រក និងលេណដ្ឋាន ចំពេលមានការកើនឡើងនៃការភ័យខ្លាចថា ប្រទេសនេះ អាចត្រូវបានកំណត់គោលដៅដោយការវា.យប្រហារ អំឡុងពេលសង្គ្រាមជាមួយអ៊ុយក្រែន។
ប្រធានាធិបតីរុស្ស៊ី លោក វ្ល៉ាឌីមៀ ពូទីន បានបង្កើនវោហាសាស្ត្រអាវុធនុយក្លេអ៊ែរជាច្រើនខែ ក្នុងការលុកលុយពេញប្រទេសអ៊ុយក្រែន បន្ទាប់ពីលោកបានប្រកាសថា នឹងបញ្ចូលតំបន់អ៊ុយក្រែនដែលគ្រប់គ្រងដោយផ្នែកចំនួន៤ ខណៈដែលមកទល់ពេលនេះ គ្មាននរណាចេញការគំរា.មកំហែងអាវុ.ធនុយក្លេអ៊ែរជាសាធារណៈប្រឆាំងនឹងរុស្ស៊ីនោះទេ ពោលគឺមានតែរុស្ស៊ីខ្លួនឯងតែប៉ុណ្ណោះ។
កាលពីថ្ងៃទី២៣ ខែមីនា កន្លងទៅ អគ្គីភ័យបានឆាបឆេះលើទឹកដីនៃរោងចក្ររុស្ស៊ី ដែលផលិតឧបករណ៍សម្រាប់កងទ័ព។ លើសពីនេះក៏មានរបាយការណ៍ជាច្រើននៃការវា.យប្រហារដោយយន្តហោះគ្មានមនុស្សបើក (ដ្រូន) មកលើប្រទេសរុស្ស៊ីក្នុងរយៈពេលប៉ុន្មានខែថ្មីៗនេះ។ លោក Sergei Shoigu ដែលជារដ្ឋមន្ត្រីការពារជាតិរុស្ស៊ី កាលពីសប្តាហ៍មុន បានបញ្ជាក់ថា ក្រសួងគ្រោងនឹងធ្វើបច្ចុប្បន្នភាពប្រព័ន្ធការពារប្រឆាំងនឹងមីស៊ីលនៅទីក្រុងមូស្គូឱ្យបញ្ចប់នៅក្នុងឆ្នាំនេះ៕ (ដកស្រង់ចេញពី Newsweek)
ចែករំលែកព័តមាននេះ