ADផ្ទាំងផ្សព្វផ្សាយពាណិជ្ជកម្ម

Picture

ល្បិច​ខ្ពស់​មែន, លាក់​គ្រឿង​ញៀន​នៅ​ក្នុង​ផ្លែ​ម្នាស់​​ដើម្បី​គេច​ពី​សមត្ថកិច្ច​

1 ឆ្នាំ មុន

​ទី​ក្រុង​វ៉ាសូវី, ប្រទេស​ប៉ូឡូញ៖ ល្បិច​ខ្ពស់​មែន​​អ្នក​រក​ស៊ី​​គ្រឿង​ញៀន​ស្រុក​គេ​! ពួក​គេ​លាក់​​បំពួន​គ្រឿង​ញៀន​នៅ​ក្នុង​ផ្លែ​ម្នាស់​ ព្រោះ​​​នឹក​ស្មាន​​ថា​អាច​បំភាន់​ភ្នែក​សមត្ថកិច្ច​បាន។ ពួក​គេ​ប្រហែល​ជា​នឹក​សង្ឃឹម​ទុក​​ជា​មុន​ថា​​តែ​ប៉ុណ្ណឹះ​គ្រប់​ទឹក​ហើយ​ នៅ​ពេល​ដឹក​ទំនិញ​ទៅ​ដល់​គោល​ដៅ​ចុង​ក្រោយ​។ ប៉ុន្តែ​នៅ​​​ទី​បំផុត, ពួក​គេ​​ត្រូវ​អស់​លក្ខណ៍​។ ​សមត្ថ​កិច្ច​នៅ​ប្រទេស​ប៉ូឡូញ​​ឆែក​ឃើញ​គ្រឿង​ញៀន​ប្រភេទ​កូ​កា​អ៊ីន​​រហូត​ដល់​​ទៅ​បី​តោន​ឯណោះ​​។…

ទី​ក្រុង​វ៉ាសូវី, ប្រទេស​ប៉ូឡូញ៖ ល្បិច​ខ្ពស់​មែន​​អ្នក​រក​ស៊ី​​គ្រឿង​ញៀន​ស្រុក​គេ​! ពួក​គេ​លាក់​​បំពួន​គ្រឿង​ញៀន​នៅ​ក្នុង​ផ្លែ​ម្នាស់​ ព្រោះ​​​នឹក​ស្មាន​​ថា​អាច​បំភាន់​ភ្នែក​សមត្ថកិច្ច​បាន។ ពួក​គេ​ប្រហែល​ជា​នឹក​សង្ឃឹម​ទុក​​ជា​មុន​ថា​​តែ​ប៉ុណ្ណឹះ​គ្រប់​ទឹក​ហើយ​ នៅ​ពេល​ដឹក​ទំនិញ​ទៅ​ដល់​គោល​ដៅ​ចុង​ក្រោយ​។ ប៉ុន្តែ​នៅ​​​ទី​បំផុត, ពួក​គេ​​ត្រូវ​អស់​លក្ខណ៍​។ ​សមត្ថ​កិច្ច​នៅ​ប្រទេស​ប៉ូឡូញ​​ឆែក​ឃើញ​គ្រឿង​ញៀន​ប្រភេទ​កូ​កា​អ៊ីន​​រហូត​ដល់​​ទៅ​បី​តោន​ឯណោះ​​។

​គ្រឿង​ញៀន​ទាំង​នេះ​គិត​ជា​ទឹក​ប្រាក់​៧៦១​លាន​ដុល្លារ​។ នេះ​ជា​ការ​ចាប់​បាន​គ្រឿង​ញៀន​ទ្រង់​ទ្រាយ​ធំ​បំផុត​នៅ​ក្នុង​ប្រវត្តិ​សាស្ត្រ​របស់​​ប្រទេស​ប៉ូឡូញ​។​ ​សមត្ថកិច្ច​អះអាង​ថា​ពួកគេ​ចាប់​ខ្លួន​ជន​សង្ស័យ​​ចំនួន​៣​នាក់​ដែល​រស់​នៅ​ប្រទេស​ប៉ូឡូញ​ភាគ​ខាង​ជើង​។ ពួកគេ​មាន​អាយុ​ចន្លោះ​ពី​៦៤​ឆ្នាំ​ដល់​៧១​ឆ្នាំ។ ​គ្រឿង​ញៀន​កូ​កាអ៊ីន​ទាំង​នេះ​ត្រូវ​បាន​​សមត្ថ​កិច្ច​ឆែក​រក​ឃើញ​នៅ​ក្នុង​ឡាំង​ធំ​ៗ​ដែល​ដាក់​ម្នាស់​ពេញ​ៗ​នៅ​ក្នុង​នោះ ហើយ​លាក​បំពួន​​នៅ​ក្នុង​ឃ្លាំង​ស្តុក​ទុក​ទំនិញ​​មួយ​កន្លែង​នៅ​​ភាគ​ខាង​ជើង​ទី​ក្រុង​ជីឌីញ៉ា (Gdynia)។ ​

គ្រឿង​ញៀន​ទាំង​នេះ​ត្រូវ​គេ​ដឹក​​ជញ្ជូន​តាម​កប៉ាល់​​​ពី​ប្រទេស​អេក្វាឌ័រ​ (ស្ថិត​នៅ​តំបន់​អាមេរិក​ខាង​ត្បូង)​​ ឆ្ពោះ​ទៅ​ទីក្រុង​ហាម​បឺក​(Hamburg) ​ប្រទេស​អាល្លឺម៉ង់​។ បន្ទាប់​មក​​ ​ពួក​គេ​ដឹក​បន្ត​ទៅ​ទី​ក្រុង​ជីឌីញ៉ា​តាម​រថ​យន្ត​ធុន​ធំ​។ ​នាយក​រដ្ឋ​មន្ត្រី​ប៉ូឡូញ​ថ្លែ​ងថា​គ្រឿង​ញៀន​ទាំង​នេះ​អាច​ប្រើ​ប្រាស់​បាន​មួយ​លាន​ដូស​។ លោក​ថា​វា​ជា​​​គ្រោះ​ថ្នាក់​សម្បើម​ណាស់​សម្រាប់​សុខ​ភាព​របស់​អ្នក​ប្រើ​ប្រាស់​ក្មេង​ៗ​។

ទោះ​បី​ជំងឺខូវីដ​១៩​អាច​នឹង​បង្ក​ការ​រំខាន​ខ្លាំង​សម្រាប់​ការ​ដឹក​ជញ្ជូន​យ៉ាង​ណា​ក្ដី, ក៏​ក្រុម​អ្នក​រក​ស៊ី​គ្រឿង​ញៀន​ធំៗ​នៅ​តែ​រក​វិធី​ដឹក​ជញ្ជូន​ទំនិញ​របស់​ខ្លួន​ដើម្បី​ផ្គត់​ផ្គង់​តម្រូវ​ការ​របស់​អ្នក​ប្រើ​ប្រាស់​។ ពួក​គេ​ដឹក​ចេញ​ពី​តំបន់​អាមេរិក​ឡាទីន​​​ឆ្ពោះ​ទៅ​ទ្វីប​​អឺរ៉ុប​តាម​មធ្យោបាយ​ផ្សេង​ៗ​តាម​ដែល​អាច​ធ្វើ​ទៅ​បាន​។ នេះ​បើ​យោង​តាម​ការ​បង្ហើប​ឱ្យ​ដឹង​ពី​សមត្ថកិច្ច​ប្រឆាំង​នឹង​គ្រឿង​ញៀន​។

ប្រភព៖ Reuters

អត្ថបទសរសេរ ដោយ

កែសម្រួលដោយ