ADផ្ទាំងផ្សព្វផ្សាយពាណិជ្ជកម្ម

Picture

ផ្ទុះ​គ្រា.ប់​បែ.ក​ក្បែរ​​ក្រសួង​ការបរ​ទេស​អាហ្វ​ហ្កានី​ស្ថាន​, ស្លា.ប់​៦​នាក់​

11 ខែ មុន

ទី​ក្រុង​កាប៊ុល, ប្រទេស​អាហ្វហ្កានីស្ថាន​៖ ​មាន​ហេតុ​ការណ៍​ផ្ទុះ​គ្រាប់​បែក​​​នៅ​ក្បែរ​ទី​ស្ដី​ការ​ក្រសួង​ការ​បរទេសអាហ្វ​ហ្កា​នីស្ថាន​​ បណ្ដាល​ឱ្យ​ស្លាប់​មនុស្ស​៦​នាក់​ សុទ្ធ​តែ​ជា​ជន​ស៊ីវិល​ទាំង​អស់​​។ ក្រៅ​ពី​នេះ​ មនុស្ស​មួយ​ចំនួន​ទៀត​ត្រូវ​របួស​ធ្ងន់​ និង​ស្រាល​។​ នេះ​បើ​យោង​តាម​ការ​​​ឱ្យ​ដឹង​ពី​ក្រសួង​មហា​ផ្ទៃ​។​ មុន​ពេល​ជន​ដៃ​ដល់​បើក​ការ​វាយ​ប្រហារ​,…

ទី​ក្រុង​កាប៊ុល, ប្រទេស​អាហ្វហ្កានីស្ថាន​៖ ​មាន​ហេតុ​ការណ៍​ផ្ទុះ​គ្រាប់​បែក​​​នៅ​ក្បែរ​ទី​ស្ដី​ការ​ក្រសួង​ការ​បរទេសអាហ្វ​ហ្កា​នីស្ថាន​​ បណ្ដាល​ឱ្យ​ស្លាប់​មនុស្ស​៦​នាក់​ សុទ្ធ​តែ​ជា​ជន​ស៊ីវិល​ទាំង​អស់​​។ ក្រៅ​ពី​នេះ​ មនុស្ស​មួយ​ចំនួន​ទៀត​ត្រូវ​របួស​ធ្ងន់​ និង​ស្រាល​។​ នេះ​បើ​យោង​តាម​ការ​​​ឱ្យ​ដឹង​ពី​ក្រសួង​មហា​ផ្ទៃ​។​ មុន​ពេល​ជន​ដៃ​ដល់​បើក​ការ​វាយ​ប្រហារ​, កង​សន្តិសុខ​ជាតិ​អាហ្វហ្កានីស្ថាន​អាច​ដឹង​តម្រុយ​មុន​។ ដូច​នេះ ពួក​គេ​ក៏​បើក​ការ​បាញ់​ប្រហារ​សំ​ដៅ​ជន​សង្ស័យ​តែ​ម្ដង​​ ដើម្បី​កុំ​ឱ្យ​ជន​នេះ​​សម្រេច​តាម​ផែន​ការ​របស់​ខ្លួន​។

​ប៉ុន្តែ ដោយ​សារ​​ជន​សង្ស័យ​​បាន​ដាក់​​គ្រាប់​បែក​ និង​សារធាតុ​ផ្ទុះ​ពេញ​ខ្លួន​​នៅ​ក្នុង​បំណង​ចុច​បំផ្ទុះ​គ្រាប់​បែក​អត្ត​ឃាត, ​ម៉្លោះ​ហើយ​នៅ​ពេល​ផ្ទុះ​​គ្រាប់​បែក​នោះ អ្នក​ដែល​ស្លាប់​មិន​មែន​តែ​គាត់​ម្នាក់​ឯង​ប៉ុណ្ណោះ​ទេ​ គឺ​ស្លាប់​ និង​របួស​​​ទាំង​​អ្នក​ដទៃ​ទៀត​ដែល​ស្ថិត​នៅ​​​ក្បែរៗ​​នោះ​​ថែម​ទៀត​។​ នេះ​បើ​តាម​បង្ហើប​ឱ្យ​ដឹង​ពី​អ្នក​នាំ​ពាក្យ​​ក្រសួង​មហា​ផ្ទៃ​តាម​បណ្ដាញ​ទ្វីត​ថឺ​។​

​អ្នក​នាំពាក្យ​​ស្នង​ការ​​ដ្ឋាន​នគរបាល​ប្រចាំ​ទី​ក្រុង​កាប៊ុល​ឱ្យ​ដឹង​ថា​ភេរវជន​ដែល​ប្រុង​ដាក់​គ្រាប់​បែក​នោះ​ធ្វើ​ដំណើរ​សរសៀរ​ៗ​​ទៅ​កៀក​នឹង​​ប៉ុស្តិ៍ឆែក​ឆេរ​មួយ​កន្លែង​។ មិន​យូរ​ប៉ុន្មាន​, កង​សន្តិសុខ​ដែល​ឈរ​យាម​នៅ​ទី​នោះ​ឃើញ​ទាន់​។ ពួក​គេ​ក៏​ទាញ​កាំភ្លើង​បាញ់​ប្រហារ​​ទៅ​លើ​ជន​សង្ស័យ​តែ​ម្ដង​​។ ​ហេតុការណ៍​​​នេះ​​កើត​ឡើង​នៅ​ក្នុង​តំបន់​ទី​ប្រជុំ​ជន​​​ដែល​ប្រមូល​ផ្ដុំ​ទៅ​ដោយ​អគារ​រដ្ឋាភិបាល​ និង​ក្រសួង​កា​របរទេស​។​ នៅ​ក្នុង​ចំណោម​អ្នក​របួស​នៅ​ក្នុ​ង​ហេតុ​ការណ៍​នេះ​ក៏​មាន​ភ្នាក់​ងារ​​សន្តិសុខ​​ចំនួន​បី​នាក់​ផង​ដែរ​។​


គ្មាន​ក្រុម​ណា​ប្រកាស​ទទួល​ខុស​ត្រូវ​ទេ​
រហូត​មក​ដល់​ពេល​នេះ​, មិន​ទាន់​មានក្រុម​ភេរវកម្ម​ណា​មួយ​​ចេញ​មុខ​ប្រកាស​ថា​នេះ​ជា​ស្នាដៃ​របស់​​ខ្លួន​នៅ​ឡើយ​ទេ​។​​ ប៉ុន្មាន​ខែ​ចុង​ក្រោយ​នេះ, គេ​ឃើញ​ថា​មាន​ការ​វាយ​ប្រហារ​បែប​ភេរវកម្ម​​ជា​ច្រើនដង​ទៅ​លើ​ទី​ក្រុង​កាប៊ុល​ និង​តំបន់ជាយ​ក្រុង​​នេះ​។ ​​ពេល​ខ្លះ​ក្រុម​​ភេរ​វ​កម្ម​​អាយស៊ីល​(ISIL)​ប្រកាស​ថា​ជា​ស្នា​ដៃ​របស់​ខ្លួន​។​ ក្រុម​តាលីបង់​ដែល​កំពុង​ដឹក​នាំ​ប្រទេស​អាហ្វ​ហ្កា​នី​ស្ថាន​​សព្វ​ថ្ងៃ​​ថ្លែង​ថា​ខ្លួន​ចង់​ធ្វើ​ឱ្យ​ប្រទេស​ជាតិ​មាន​សន្តិសុខ​គ្រប់​គ្រាន់​ និង​ទើប​តែ​បាន​​​បើក​​យុទ្ធ​​នា​ការ​វាយ​ប្រហារ​​ក្រុម​​​អាយ​ស៊ីល​កាល​ពី​ប៉ុន្មាន​អាទិត្យ​មុន​៕​​

ប្រភព៖ Aljazeera

អត្ថបទសរសេរ ដោយ

កែសម្រួលដោយ