នៅថ្ងៃទី២៧ ខែមីនា ឆ្នាំ២០២៣ថ្មីៗនេះ គ្រប់គ្នាហាក់សម្ដែងការនឹកស្មានមិនដល់ បន្ទាប់ពីក្រឡេកឃើញអ្នកច្នៃម៉ូដដ៏ល្បីឈ្មោះមួយរូប ដែលត្រូវបានគេស្គាល់យ៉ាងច្បាស់ដូចថ្ងៃ នោះគឺ
រាជធានីភ្នំពេញ ៖ នៅថ្ងៃទី២៧ ខែមីនា ឆ្នាំ២០២៣ថ្មីៗនេះ គ្រប់គ្នាហាក់សម្ដែងការនឹកស្មានមិនដល់ បន្ទាប់ពីក្រឡេកឃើញអ្នកច្នៃម៉ូដដ៏ល្បីឈ្មោះមួយរូប ដែលត្រូវបានគេស្គាល់យ៉ាងច្បាស់ដូចថ្ងៃ នោះគឺលោក ឯម រៀម មាឌធំខ្ពស់ ដែលបានសាងនៅការចាប់អារម្មណ៍ពាសពេញបណ្ដាញសង្គមនៅគំនិតច្នៃប្រឌិតដ៏ប៉ិនប្រសព្វពូកែ បានចេញមុខមកបបង្ហោះរូបមួយសន្លឹក ថែមទាំងបានភ្ជាប់ជាមួយសារដ៏គួរអោយចាប់អារម្មណ៍មួយ ដោយបាននិយាយរៀបរាប់ប៉ុន្មានឃ្លាយ៉ាងមានន័យ។
ក្រោយស្ងប់ស្ងាត់រឿងគេរិះគន់បានប៉ុន្មានថ្ងៃ ស្រាប់តែភ្លេចខ្លួន អ្នកច្នៃម៉ូដល្បីឈ្មោះលោក ឯម រៀម រូបនេះ ក៏បានបង្ហើបសំណេរប៉ុន្មានម៉ាត់អោយគ្រប់គ្នាបានដឹង និងបានយល់តាមរយៈនៅលើគណនីហ្វេសប៊ុកផផេកផ្ទាល់ខ្លួនរបស់លោកបែបនេះថា «អោយតែនរណាម្នាក់មិនពេញចិត្តការច្នៃម៉ូដរបស់យើង គឺគេតែងតែចោទយើងថា អាបំផ្លាញវប្បធម៌ អាបំពុលសង្គម ជះឥទ្ធិពលមិនល្អដល់ប្អូន តាមជេរដល់អ្នកគាំទ្រការពារយើងថែមទៀត, តែអត់គិតខ្លួនឯង រិះគន់ជេរគេកប់ៗមាត់ ចង់តែសើច ព្រះអង្គអើយ»។
យ៉ាងណាមិញ បើយើងនាំគ្នាក្រឡេកមកដឹងឃើញថា ក្រោយខ្លួនត្រូវបានរងនូវការរិះគន់យ៉ាងខ្លាំងពីសំណាក់មហាជនដែលនិយមលេងនៅក្នុងបណ្ដាញទំនាក់ទំនងសង្គមហ្វេសប៊ុកមិនឈប់ ពាក់ព័ន្ធទៅនឹងអ្នកច្នៃម៉ូដលោក ឯម រៀប បានស្លៀកសម្លៀកបំពាក់មើលទៅវាហាក់បីដូចជាជ្រុសហួសហេតុពេក ក្រោយពេលលោកបានទៅចូលរួមនៅក្នុងកម្មវិធីដ៏ធំមួយនៅក្នុងប្រទេសកម្ពុជា ដោយមានសុទ្ធតែតារាប្រុសស្រីល្បីៗជាច្រើនដួងបានលេចវត្តមានចូលរួមយ៉ាងច្រើនកុះករផងដែរ។
ដូច្នេះហើយ ទើបធ្វើអោយលោកត្រូវបានពុកម៉ែបងប្អូននាំគ្នាសម្ដែងការមិនពេលចិត្ត និងខឹងសម្បារជាខ្លាំង រហូតធ្វើអោយនាំគ្នាទ្រាំមិនបានក៏ផ្ទុះប្រតិកម្មរិះគន់យ៉ាងពេញទំហឹងទៅលើការស្លៀកពាក់លេចលើលេចក្រោយរបស់លោកដូច្នេះ។ ហើយក៏បានឃើញថា លោកមិនបានចេញមុខមកតប.តអ្វីនោះឡើយ គ្រាន់តែលោកង្ហោះសារពន្យល់និយាយបកស្រាយនៅរឿងទាំងអស់នេះ បែបចិត្តត្រជាក់ មិនថាគេចង់និយាយថាអោយអាក្រក់ប៉ុណ្ណាក៏ដោយ ក៏លោកនៅតែរក្សាលំនឹងដដែល។
ស្របពេលបានឃើញអ្នកច្នៃម៉ូដ លោក ឯម រៀម បង្ហោះសារនិយាយពាក្យបែបនេះឡើងមក មិនទាន់បានប៉ុន្មានផង ក៏ស្រាប់តែមានមហាជនមិនតិចនាក់នោះទេ បាននាំគ្នាចូលទៅបញ្ចេញមតិម្នាក់មួយម៉ាត់ៗថា «សរសើរការខំប្រឹងប្រែង តស៊ូរបស់បងកន្លងមក ខ្ញុំគិតថា អ្នកដែលជេរប្រមា.ថថា បងបំផ្លាញសង្គម បំពុលសង្គម គឺប្រហែលជាពួកគាត់មិនយល់ពីបងច្បាស់ថា បងកំពុងធ្វើអ្វី ឬចង់បង្ហាញអ្វីថ្មីទៅពួកគាត់។ មនុស្សមួយចំនួនខ្លះទៀត ជោរតាមគ្នា ប៉ុន្តែចំពោះខ្ញុំគឺគាំទ្រការងារ និងការបង្រៀនរបស់បង។ ចូរបងកុំអស់សង្ឃឹមអី បន្តការងារដែលជួយដល់ក្មេងៗជំនាន់ក្រោយបន្តទៀត អាចថានៅថ្ងៃណាមួយពួកអ្នកដែលជេរប្រមា.ថបងនឹងយល់ ព្រោះថា ពួកគាត់នឹងក្លាយជាអ្នកគាំទ្របងវិញ ជាមិនខាន ។ សូមអគុណដែលអានដល់ចប់»។ «អ្នកដែលជេរប្រមា.ថអ្នកដទៃធ្វើអោយគេដឹងពីសន្ដានរបស់មនុស្សទាំងនោះ កុំខ្វល់បង»។
អ្នកខ្លះក៏បានលើកឡើងថា «ស្រុកយើងដល់ពូកែជេរបានលើកតម្កើងវប្បធម៌ ព្រោះវប្បធម៌នៃការជេរតាមគ្នាលើបណ្តាញសង្គមនេះ វាល្បីសុះសាយតែម្តង ស្រឡាញ់វប្បធម៌ តែគ្មានសីលធម៌»។ ចំណែកឯអ្នកនិយមលេងនៅក្នុងបណ្ដាញសង្គមឯទៀត ក៏បានតបទៅវិញគ្មានទុកមុខអោយថា «គំនិតច្នៃប្រឌិតមិនខុសទេ គ្រាន់តែច្នៃខុសកន្លែង ចំកន្លែងចូលចិត្តរិះគន់ជាន់កប់ផុក ច្នៃចុះហើយបិទបាំងរាងកាយអោយច្រើនជាងនឹងល្អណាស់ ព្រោះមុខ ឯម រៀម មុខគេទើស»។
មួយចំនួនទៀតក៏បានដាក់ទៅវិញចំៗបែបនេះថា «បើលោកយកមហាជនជាមេប្រយោគ ជាកញ្ចក់ ដើម្បីឆ្លុះបញ្ចាំងអំពីទង្វើរបស់លោកនោះ ពេលនេះលោកល្មមដឹងខុសដឹងត្រូវ ដឹងខ្លួនថា វាយ៉ាងម៉េចហើយ។ លោកក៏ជាបណ្ឌិតម្នាក់ដែរ ខ្ញុំមិនជឿទេថា លោកមិនយល់នោះ បណ្ឌិតម្នាក់ដែលមិនយល់ពីអ្វីដែលហៅថាមតិមហាជននោះ គឺខួរក្បាលមានបញ្ហាហើយ។ ជាខ្មែរណា មិនមែនបរទេសទេ មុនធ្វើអ្វីមួយត្រូវគិតហេតុផល ហើយត្រូវសួរខ្មែរសិន បើខ្មែរមួយនគរគិតហេតុផលយល់ថា មិនត្រូវហើយនោះ យើងត្រូវពិនិត្យមើលមកខ្លួនឯងវិញបានត្រូវ»។ មតិឯទៀតក៏បានបញ្ចេញយោបល់យ៉ាងដូច្នេះថា «រៀមស្លៀកពាក់ដូចអាក្រាត្រ ជាគំរូមិនល្អ ខ្ញុំមិនគាំទ្រទេ បើរៀមមិនចង់អោយគេជេរ គេថា រៀមគួរតែទទួលការរិះគន់របស់គេ មកស្ថាបនាខ្លួន មិនមែនផ្គើនលើសដើមចឹងទេ»៕ ដោយ ៖ សុភា ដានេត
ចែករំលែកព័តមាននេះ