ADផ្ទាំងផ្សព្វផ្សាយពាណិជ្ជកម្ម

Picture

សង្វៀនមាន់​ជល់ «​តា​ខុ​ច​» ត្រូវ​សមត្ថកិច្ច​បង្ខំចិត្ត​ចុះ​ទៅ​អប់រំ​ទាំង​ទើសទាល់ ក្រោយ​មានការ​រិះគន់​ខ្លាំង​ៗ

1 ឆ្នាំ មុន
  • បាត់ដំបង

ក្រោយ​ពី​មានការ​រិះគន់​ខ្លាំង​ៗ​ពី​មហាជន​តាម​បណ្ដាញ​សង្គម​ផង និង​តាម​ប្រព័ន្ធ​ផ្សព្វផ្សាយ​នានា​ផង អំពី​សង្វៀន​បញ្ជល់មាន់​ដ៏​ខ្លាំង​មហិមា​របស់ «​តា​ខុ​ច​» នៅ​ភូមិ​បល្ល័ង្ក សង្កាត់​វត្ត​គរ ក្រុង​បាត់ដំបង កាលពី​ព្រឹក​ថ្ងៃ​ទី​២៥ ខែមីនា ឆ្នាំ​២០២៣ គេ​បានឃើញ​កម្លាំង​នគរបាល​ក្រុង​បាត់ដំបង​មួយ​ក្រុម បាន​បង្ខំចិត្ត​ចុះ​ទៅ

ខេត្តបាត់ដំបង ៖ ក្រោយ​ពី​មានការ​រិះគន់​ខ្លាំង​ៗ​ពី​មហាជន​តាម​បណ្ដាញ​សង្គម​ផង និង​តាម​ប្រព័ន្ធ​ផ្សព្វផ្សាយ​នានា​ផង អំពី​សង្វៀន​បញ្ជល់មាន់​ដ៏​ខ្លាំង​មហិមា​របស់ «​តា​ខុ​ច​» នៅ​ភូមិ​បល្ល័ង្ក សង្កាត់​វត្ត​គរ ក្រុង​បាត់ដំបង កាលពី​ព្រឹក​ថ្ងៃ​ទី​២៥ ខែមីនា ឆ្នាំ​២០២៣ គេ​បានឃើញ​កម្លាំង​នគរបាល​ក្រុង​បាត់ដំបង​មួយ​ក្រុម បាន​បង្ខំចិត្ត​ចុះ​ទៅ​ធ្វើការ​អប់រំ​ម្ចាស់​សង្វៀនមាន់​នេះ​ទាំង​ទើសទាល់ និង​ហាក់​ជួយ​និយាយ​សម្រាល​កំហុស​ម្ចាស់​សង្វៀនមាន់​នេះ​ថា «​ជា​ការ​ជល់​វ៉ាង​ជើង​លេង​» តែ​បែរជា​ព្យាយាម​ដាក់បន្ទុក​ទៅ​លើ​អ្នកកាសែត​ទៅ​វិញ​ថា «​សុំ​លុយ​ម្ចាស់​សង្វៀន​មិន​បាន រួច​ថត​ផ្សាយ​ដោយ​គ្មាន​ការ​អនុញ្ញាត​»​។

ក្រុមការងារ​ប្រតិកម្ម​រហ័ស​របស់​ស្នងការ​ខេត្តបាត់ដំបង បាន​ស្រាយ​បំភ្លឺ​អំពី​សកម្មភាព​សង្វៀនមាន់​ជល់​របស់​បុរស​វ័យ​៦៨​ឆ្នាំ​ម្នាក់ ដែល​មានឈ្មោះ ថ្លាង សា​ហាក់ ដែល​អ្នកស្រុក និង​អ្នក​និយម​ជល់​មាន់​ហៅ​គាត់​ថា «​តា​ខុ​ច​» យ៉ាង​ក្បោះក្បាយ​ដូច​ប្រលោមលោក​។ នេះ​បើ​យោង​តាម​ការ​សម្រង់​សំដី​របស់​ម្ចាស់​សង្វៀនមាន់​ខាងលើ​នេះ ដែល​បាន​ចេញផ្សាយ​នៅ​ម៉ោងជាង​៨​យប់ ថ្ងៃ​ទី​២៥ ខែមីនា​។

បើ​យោង​លើ​ខ្លឹមសារ នៅ​ក្នុង​ផេ​ក​ក្រុម​ប្រតិកម្ម​រហ័ស ចាប់តាំងពី​សេចក្ដី​ផ្ដើម រហូត​ដល់​ចុងបញ្ចប់ មាន​អត្ថន័យ​ហាក់​ប្រឹង​ជួយ​និយាយ​សម្រាល​កំហុស​ម្ចាស់​ទីតាំង​ល្បែ​.​ង ហើយ​បែរជា​ព្យាយាម​និយាយ​វា​.​យ​ប្រហារ​ទៅ​លើ​ក្រុម​អ្នកកាសែត ដែល​បាន​ចូល​ទៅ​ថត​យក​រូបភាព​សង្វៀនមាន់​របស់​«​តា​ខុ​ច​»​នោះ​។ បើ​ពិនិត្យ​ឲ្យ​ស៊ីជម្រៅ​បន្ថែម​ទៀត​នោះ សេចក្ដី​បំភ្លឺ​របស់​ក្រុម​ប្រតិកម្ម​រហ័ស​នេះ គឺ​ហាក់ដូច​ត្រូវ​បាន​បង្គាប់បញ្ជា​ឲ្យ​រៀបចំ​បំភ្លឺ​ដោយ​ម្ចាស់​បន​ល្បែ​.​ង​នោះ​។

ខ្លឹមសារ​នៃ​សេចក្ដី​បំភ្លឺ ដោយ​យោង​ចម្លើយ​ម្ចាស់​សង្វៀនមាន់​ថ្លាង សា​ហាក់ (​តា​ខុ​ច​) បាន​ប្រាប់​ថា ដំបូង​មាន​អ្នកកាសែត​០២​នាក់​ជិះ​ម៉ូតូ​ចូល​ទៅ​កន្លែង​គាត់ រួច​សុំ​លុយ​ម្នាក់​១០​ម៉ឺន តែ​គាត់​មិន​ព្រម​ឲ្យ អ្នកកាសែត​នោះ​ក៏​ថត​ទីតាំង និង​រូប​គាត់​ដោយ​គ្មាន​ការ​យល់ព្រម​ពី​គាត់​។ លុះ​ក្រោយមក ក៏​មាន​អ្នកកាសែត​ជិះ​រថយន្ត​ទៅ​ម្ដងទៀត ហើយ​សុំ​លុយ​គាត់​ម្នាក់​ៗ១០​ម៉ឺន​រៀល​ដូច​គ្នា តែ​គាត់​មិន​ព្រម​ឲ្យ​ទៀត ព្រោះ​សំអាង​ថា គាត់​គ្រាន់តែ​វ៉ាង​សាក​ជើងមាន់​លេង​ប៉ុណ្ណោះ មិន​បាន​ភ្នាល់​ដាក់​លុយ​ទេ​។ អ្នកកាសែត​ទាំងនោះ សុំ​លុយ​គាត់​មិន​បាន ក៏​ថតរូប​គាត់ ដោយ​គ្មាន​ការ​អនុញ្ញាត យក​ទៅ​ផ្សព្វផ្សាយ​។

ផេ​ក​ប្រតិកម្ម​រហ័ស​ដដែល​នេះ បាន​ស្រង់​ចម្លើយ​ម្ចាស់​សង្វៀនមាន់ បន្ទុក​តាម​សមត្ថកិច្ច​ដែល​ចុះ​ទៅ​កន្លែង​សង្វៀនមាន់ តា​ខុ​ច ថា ក្រោយ​ឃើញ​គេ​ផ្សាយ​ថា គាត់​លួច​បើក​សង្វៀនមាន់ គាត់​ខឹង​ក៏​រុះរើ​ចោល​ខ្ទេចខ្ទី​អស់​តាំងពី​ថ្ងៃ​នោះ​មក​។

ផ្ទុយ​ពី​ខ្លឹមសារ ដែល​ផេ​ក​ស្នងការ​បាន​បំភ្លឺ​ខាងលើ​នេះ បើ​តាម​ប្រភព​ព័ត៌មាន​ពី​អ្នក​និយម​ជល់​មាន់​នៅ​សង្វៀន «​តា​ខុ​ច​» ដែល​ទូរស័ព្ទ​ប្រាប់​កោះសន្តិភាព នៅ​ព្រឹក​ថ្ងៃ​ទី​២៥ ខែមីនា ក្រោយ​សមត្ថ​កិច្ច​ចុះ​ទៅ​សួរនាំ​បន្តិច បាន​និយាយ​ថា «​ខ្លឹមសារ ដែល​ក្រុម​ប្រតិកម្ម​រហ័ស​ស្រង់​យក​មក​ផ្សាយ​តាម​រយៈ​ផេ​ក​របស់​ខ្លួន គឺ តា​ខុ​ច និយាយ​កុហក​ស្ទើរ​ទាំងស្រុង​»​។

ប្រភព​នេះ​បាន​និយាយ​ថា គេ​ឃើញ​អ្នកកាសែត​បាន​ជិះ​ម៉ូតូ​ទៅ​មែន តែ​មិន​ទាន់​បាន​សុំ​លុយ​ផង ក៏​ត្រូវ​តា​ខុ​ច ចង្អុលមុខ​ដៀលត្មះ​យ៉ាង​ចាស់ដៃ ហើយ​ក៏​នាំ​គ្នា​ដក​ទូរស័ព្ទ​ថត និង​ឡើង​ជិះ​ម៉ូតូ​ចេញ​ទៅ​វិញ​បាត់​ទៅ​។ ចំណែក​រឿង​ដែល​គាត់​ថា គាត់​រុះរើ​សង្វៀន​ចោល​នោះ កាន់តែ​កុហក​ទៀត គឺ​គ្មាន​រុះរើ​ស្អី​ទេ​។

ប្រភព​បាន​បញ្ជាក់​ថា ជា​ធម្មតា​សង្វៀនមាន់​សព្វថ្ងៃ កន្លែង​ណា​ក៏​ដូច​កន្លែង​ណា​ដែរ ពេល​ជល់​ចប់ ម្ចាស់​សង្វៀន​គេ​រើ​ទុក​ហើយ លុះដល់​ម៉ោង​លេង ទើប​គេ​ចាប់ផ្ដើម​រៀបចំ​ដាក់​សង្វៀន​វិញ​។

អ្នក​និយម​ជល់​មាន់​រូប​នេះ បាន​លាតត្រដាង​ពី​គំនិត​ពុតត្បុត​របស់​លោក​ដ​ង្វៅ​មាន​ជល់​ឈ្មោះ ខុ​ច នេះ​យ៉ាង​ដូច្នេះ​ថា «​តា​ខុ​ច នេះ​ខូច​ណាស់ គាត់​កាន់តែ​និយាយ​កុហក​ទៀត​គាត់​ថា រើ​សង្វៀន​ចោល​ឈប់​ជល់​។ តាម​ពិត​នៅ​ថ្ងៃ​ទី​២៥ ខែមីនា ចំ​ថ្ងៃ​សមត្ថកិច្ច​ចុះ​ទៅ​សួរនាំ​នោះ គឺជា​ថ្ងៃ​ដែល តា​ខុ​ច ណាត់​ម៉ូយ​ជល់​មាន់​គីឡូ​២១ ចាប់ពី​ម៉ោង​១២​ថ្ងៃត្រង់​តទៅ តែ​ចៃដន្យ​ត្រូវ​សមត្ថកិច្ច​ចុះ​ទៅ​ទប់ស្កាត់​មុន តា​ខុ​ច ក៏​ផ្អាក​គម្រោង​នេះ​សិន​ទៅ​។ បើ​សមត្ថកិច្ច​មិន​ចុះ​ទៅ​ទេ ម្ល៉េះ តា​ខុ​ច បើក​ជល់​យ៉ាង​គគ្រឹកគគ្រេង​ដូច​រាល់ថ្ងៃ​បាត់​ទៅ​ហើយ​»​។

ដោយឡែក ចម្លើយ​ម្ចាស់​សង្វៀនមាន់​នេះ ដែល​អះអាង​ថា គាត់​មិន​បាន​បើក​សង្វៀន​ជល់​ភ្នាល់​ដាក់​លុយ គឺ​គ្រាន់តែ «​វ៉ាង​សាក​ជើងមាន់​លេង​» គឺ​សុទ្ធតែ​ជា​ការ​ផ្ដល់​ចម្លើយ​បោ​.​ក​ប្រាស់​ទាំងអស់​។ តាម​ពិត តា​ខុ​ច បើក​សង្វៀន​ជល់​ភ្នាល់​ដាក់​លុយរាប់​ខែ​កន្លង​មក​ហើយ​។ ជា​រឿយ​ៗ តា​ខុ​ច តែងតែ​អួត​ប្រាប់​អ្នកលេង​មាន់នៅ​សង្វៀន​គាត់​ថា គាត់​មិន​ខ្លាច​នរណា​ទេ សមត្ថកិច្ច​ណា​ក៏​គាត់​មិន​ខ្លាច​ដែរ ព្រោះ​គាត់​បាន​បង់​សំណូក​ប្រចាំខែ​ជូន​លោក​សមត្ថកិច្ច​គ្រប់​ស្ថាប័ន​អស់ហើយ (​សុំ​លាក់​ឈ្មោះ មន្ត្រី​ទទួល​សំណែន​នេះ​សិន​)​។ ដូច្នេះ​ហើយ​ទើប តា​ខុ​ច ហ៊ាន​បើកចំហរ​លេងបៀរ​ផង ជល់​មាន់​ផង ក្នុង​សកម្មភាព​យ៉ាង​គគ្រឹកគគ្រេង​រាល់ថ្ងៃ​។

មិនតែប៉ុណ្ណោះ បើ​តាម​ប្រភព​ដដែល​បាន​បញ្ជាក់​ឱ្យ​ដឹង​ថា ក្រោយ​ពេល​សមត្ថ​កិច្ចបញ្ចប់​ការ​ត្រួតពិនិត្យ​សង្វៀនមាន់​គាត់​រួច តា​ខុ​ច បាន​ផ្ដល់​ដំណឹង​តាម​ទូរស័ព្ទ​ប្រាប់​ម៉ូយ​ៗ​ជល់​មាន់​កន្លែង​គាត់​ថា «​ពេល​នេះ​ខាង​សមត្ថកិច្ច​ក្រុង គេ​ឲ្យ​ផ្អាក​សិន ចាំ​ស្ងាត់​បន្តិច ចាំ​គិត​រក​កន្លែង​ថ្មី​ទៀត​»​។ នៅ​ក្នុង​សម្លេង​បែកធ្លាយ​នោះ តា​ខុ​ច បាន​ផ្ដាំផ្ញើ​ឲ្យ​អ្នកមាន​មាន់​ល្អ​ៗ ត្រូវ​ថែទាំ​ទុក​សិន​ទៅ ចាំ​ជល់​មុន​ថ្ងៃ​ចូល​ឆ្នាំ​ខ្មែរ​ខាង​មុខ​នេះ ព្រោះ​ដល់​ពេល​នោះ គាត់​នឹង​រក​កន្លែង​បើក​សង្វៀន​ថ្មី​ទៀត​ហើយ​។

ដោយឡែក បើ​និយាយ​ពី​សេចក្ដី​បំភ្លឺ​ព័ត៌មាន​របស់​ក្រុម​តិក​ម្ម​រហ័ស​ដូច​ភ្លេ​ក​បន្ទោរ​ឯណោះ​វិញ នៅ​ក្នុង​ខ្លឹមសារ នៃ​សំ​ណេ​រ​របស់​ខ្លួន ហាក់​ពុំ​មាន​ពាក្យ ឬ​ត្រង់​ឃ្លា​ណាមួយ ដែល​បាន​និយាយ​ថ្លោ​ល​ទោស​មេ​ល្បែ​.​ង​មាន់​ជល់​ខាងលើ​នេះ​ទេ ពាក់ព័ន្ធ​នឹង​ផ្លូវច្បាប់​។ ផ្ទុយ​ទៅ​វិញ​គ្រាន់តែ​អះអាង​ថា សមត្ថកិច្ច​បាន​ធ្វើការ​អប់រំ និង​ឲ្យ​ម្ចាស់​សង្វៀន​នេះ ធ្វើ​កិច្ចសន្យា​ប​ញ្ឃ​ប់​សកម្មភាព​របស់​ខ្លួន​ចប់​។ ពោល គឺ​ខ្លឹមសារ​ស្ទើរ​ទាំងស្រុង ហាក់​ជួយ​និយាយ​សម្រាល​កំហុស​មេ​ល្បែ​.​ង តែ​ព្យាយាម​និយាយ​ដាក់​ទម្ងន់​ទៅ​លើ​អ្នកកាសែត​ទៅ​វិញ ដែល​ថា អ្នកកាសែត​សុំ​លុយ​មេ​ល្បែ​.​ង​មិន​បាន ទើប​ថត​ទីតាំង​ល្បែ​.​ង​យក​ទៅ​ផ្សាយ​។

យ៉ាងណា​ក៏​ដោយ ពេល​នេះ សង្វៀនមាន់​លោក​ដង្ខៅ ខុ​ច ត្រូវ​កម្លាំង​អធិការ​ក្រុង បង្ខំចិត្ត​ចុះ​អប់រំ​ទាំង​ទើសទាល់​ហើយ ក្រោយ​ពី​មានការ​រិះគន់​ខ្លាំង​។ ប៉ុន្តែ​បើ​តាម​ប្រភព​ព័ត៌មាន​បាន​ខ្សឹប​ប្រាប់​កោះសន្តិភាព​ថា លោក ពេជ្រ សា​រ៉ែ​ន អធិការ​ក្រុង​បាត់ដំបង ទំនង​ត្រូវ​ប៉ុយ​លោកស្នងការ​យ៉ាង​ចាស់ដៃ រឿង​មិន​អើពើ​នឹង​សង្វៀនមាន់​តា​ខុ​ច ដ៏​ខ្លាំង​មហិមា​នេះ មុន​ពេល​លោក​អធិការ​រូប​នេះ បង្ខំចិត្ត​បញ្ជា​កូនចៅ​ឲ្យ​ចុះ​ទៅ​អើត​មើល​សង្វៀនមាន់​តា​ខុ​ចនេះ​។

ប៉ុន្តែ​មុន​ទទួល​បទបញ្ជា​ពី​លោកស្នងការ​ខេត្ត លោក​ពេជ្រ សា​រ៉ែ​ន ក៏​បាន​ឆ្លៀត​រាយការណ៍​កុហក​លោកស្នងការ​មួយ​ឃ្លា​ចុង​ក្រោយ​ដែរ​ថា «​សង្វៀនមាន់​នោះ គេ​គ្រាន់តែ​វ៉ាង​លេង​តើ​មេ​…» តែ​លោកស្នងការ​មិន​ស្ដាប់ ហើយ​នៅ​តែ​ជម្រុញ​ឲ្យ​ចុះ​ទៅ​មើល ជាមួយនឹង​ការ​ព្រ​មា​.​ន​ថា «​គេ​ប្រាប់​ទីតាំង ប្រាប់ផ្លូវ ប្រាប់​ម្ចាស់​ទីតាំង ប្រាប់​ភូមិ​អស់ហើយ បើ​មិន​ធ្វើ​ទេ ទុក​ឲ្យ​គេ​ធ្វើ​»៕

អត្ថបទសរសេរ ដោយ

កែសម្រួលដោយ