អាមេរិកដំឡើងអត្រាការប្រាក់ ទោះមានភាពចលាចលនៃប្រព័ន្ធធនាគារយ៉ាងណាក៏ដោយ
សហរដ្ឋអាមេរិក ៖ ធនាគារកណ្តាលអាមេរិក បានដំឡើងអត្រាការប្រាក់ម្តងទៀត បើទោះបីជាមាន
សហរដ្ឋអាមេរិក ៖ ធនាគារកណ្តាលអាមេរិក បានដំឡើងអត្រាការប្រាក់ម្តងទៀត បើទោះបីជាមានការភ័យខ្លាចថា ការផ្លាស់ប្តូរនេះ អាចបន្ថែមភាពចលាចលផ្នែកហិរញ្ញវត្ថុ បន្ទាប់ពីការដួលរលំធនាគារមួយចំនួននាពេលថ្មីៗនេះ យ៉ាងណាក៏ដោយ។ នេះបើយោងតាមប្រភពពី BBC ចេញផ្សាយនៅថ្ងៃទី២២ ខែមីនា ឆ្នាំ២០២៣។
ធនាគារកណ្តាលអាមេរិក បានបង្កើនអត្រាការប្រាក់សំខាន់របស់ខ្លួនចំនួន ០.២៥% ដោយបានហៅប្រព័ន្ធធនាគាររបស់ខ្លួនថា «រឹងមាំ និងធន់»។ ប៉ុន្តែទោះយ៉ាងណាក៏ដោយ វាក៏បានព្រមានផងដែរថា ការធ្លាក់ចុះពីការដួលរលំរបស់ធនាគារអាចប៉ះពាល់ដល់កំណើនសេដ្ឋកិច្ចនៅក្នុងប៉ុន្មានខែខាងមុខ។
ធនាគារកណ្តាលអាមេរិក បាននឹងកំពុងបង្កើនការចំណាយលើការខ្ចីប្រាក់ក្នុងការដេញថ្លៃ ដើម្បីរក្សាស្ថិរភាពតម្លៃ។ ប៉ុន្តែការកើនឡើងយ៉ាងខ្លាំហនៃអត្រាការប្រាក់ចាប់តាំងពីឆ្នាំមុន បាននាំឱ្យមានភាពតានតឹងនៅក្នុងប្រព័ន្ធធនាគាររបស់ខ្លួន។
ធនាគារអាមេរិកចំនួនពីរគឺ Silicon Valley Bank (SVB) និង Signature Bank បានដួលរលំនៅក្នុងខែនេះ ដោយសារតែបញ្ហាដែលបណ្តាលមកពីអត្រាការប្រាក់ខ្ពស់នេះឯង។ មានការព្រួយបារម្ភអំពីតម្លៃនៃមូលបត្របំណុល ដែលកាន់កាប់ដោយធនាគារ ដោយសារការកើនឡើងអត្រាការប្រាក់អាចធ្វើឱ្យមូលបត្របំណុលទាំងនោះមានតម្លៃទាប។ ដោយធនាគារមានទំនោរកាន់កាប់ភាគហ៊ុនធំនៃមូលបត្របំណុល ហើយជាលទ្ធផលកំពុងអង្គុយលើការខាតបង់។
អាជ្ញាធរជុំវិញពិភពលោកបានលើកឡើងថា ពួកគេមិនគិតថា ការបរាជ័យនេះ គំរាមកំហែងដល់ស្ថិរភាពហិរញ្ញវត្ថុនោះទេ ហើយចាំបាច់ត្រូវបង្វែរអារម្មណ៍ចេញពីកិច្ចខិតខំប្រឹងប្រែង ដើម្បីនាំយកអតិផរណាឱ្យស្ថិតក្រោមការគ្រប់គ្រង។
កាលពីសប្តាហ៍មុន ធនាគារកណ្តាលអឺរ៉ុបបានដំឡើងអត្រាការប្រាក់សំខាន់របស់ខ្លួនចំនួន ០,៥%។ ធនាគារកណ្តាលអង់គ្លេសគ្រោងនឹងធ្វើការសម្រេចចិត្តលើអត្រាការប្រាក់របស់ខ្លួនផងដែរ នៅថ្ងៃទី២៣ ខែមីនានេះ ពោលគឺមួយថ្ងៃបន្ទាប់ពីតួលេខផ្លូវការបានបង្ហាញថា អតិផរណាបានកើនឡើងដោយមិនរំពឹងទុកក្នុងខែកុម្ភៈរហូតដល់ ១០.៤%។
លោក Jerome Powell ប្រធាន Federal Reserve (Fed) ដែលជាប្រព័ន្ធធនាគារកណ្តាលរបស់សហរដ្ឋអាមេរិកបាននិយាយថា Fed នៅតែផ្តោតលើការប្រយុទ្ធប្រឆាំងនឹងការកើនឡើងអតិផរណា៕
ចែករំលែកព័តមាននេះ