ខេត្តកំពង់ចាម ៖ គ្រោះអគ្គិភ័យមួយកើតឡើងនៅវេលាម៉ោង០៩និង៥០នាទីព្រឹកថ្ងៃទី២១ ខែមីនា ឆ្នាំ២០២៣ បណ្ដាលអោយឆាបឆេះផ្ទះរបស់ប្រជាពលរដ្ឋអស់ចំនួន០៣ខ្នង ស្ថិតនៅភូមិថ្មី(ខ) ឃុំរកាគយ ស្រុកកងមាស ខេត្តកំពង់ចាម…
ខេត្តកំពង់ចាម ៖ គ្រោះអគ្គិភ័យមួយកើតឡើងនៅវេលាម៉ោង០៩និង៥០នាទីព្រឹកថ្ងៃទី២១ ខែមីនា ឆ្នាំ២០២៣ បណ្ដាលអោយឆាបឆេះផ្ទះរបស់ប្រជាពលរដ្ឋអស់ចំនួន០៣ខ្នង ស្ថិតនៅភូមិថ្មី(ខ) ឃុំរកាគយ ស្រុកកងមាស ខេត្តកំពង់ចាម ។
ប្រភពពីសមត្ថកិច្ច បានឲ្យដឹងថា កម្លាំងសមត្ថកិច្ចចម្រុះ និងរថយន្តពន្លត់អគ្គិភ័យចំនួន០៥គ្រឿង បានចុះអន្តរាគមន៍បាញ់ទឹកពន្លត់រលត់ទាំងស្រុងនៅម៉ោង១០និង២០នាទីថ្ងៃខែដដែល ដោយប្រើប្រាស់ទឹកអស់ចំនួន០៨ រថយន្ត ។
គ្រោះអគ្គិភ័យនេះ បានឆេះបំផ្លាញ រួមមាន ៖
-ផ្ទះសង់អំពីឈើ ប្រក់ក្បឿង ទំហំ៦ម៉ែត្រ គុណនឹង ១២ម៉ែត្រ ឆេះអស់ទាំងស្រុង ដែលម្ចាស់កម្មសិទ្ធិឈ្មោះ ជា ឈាង ភេទប្រុស អាយុ៨៣ឆ្នាំ ។
-ផ្ទះសង់អំពីឈើ ប្រក់ក្បឿង ទំហំ៨ម៉ែត្រ គុណនឹង ១៤ម៉ែត្រ ឆេះអស់ ៨០ភាគរយ ដែលម្ចាស់កម្មសិទ្ធិឈ្មោះ ស្រ៊ុន វណ្ណី ភេទស្រី អាយុ៧០ឆ្នាំ ។
-ផ្ទះថ្ម ប្រក់ស័ង្កសី ទំហំ ៨ម៉ែត្រ គុណនឹង១២ម៉ែត្រ ឆេះអស់ ៥ភាគរយ ដែលម្ចាស់កម្មសិទ្ធិឈ្មោះ ឈួន សំអ៊ី ភេទប្រុស អាយុ ២៧ឆ្នាំ ។
ប្រភពដដែល បានបញ្ជាក់ថា មូលហេតុ បណ្ដាលឲ្យកើតមានអគ្គិភ័យ គឺដោយសារឆ្លងចរន្តអគ្គិសនី ។ ករណីនេះ ពុំមានគ្រោះថ្នាក់ដល់អាយុជីវិតមនុស្ស ទេ ៕
ចែករំលែកព័តមាននេះ