រាជធានីភ្នំពេញ ៖ ក្រុមហ៊ុនផ្លូវល្បឿនលឿន នៅថ្ងៃទី២១ មីនានេះបានអោយដឹងថា មានរថយន្តចំនួន០២គ្រឿង បានបើកបរបញ្ច្រាសទិសដៅចរាចរណ៍ លើផ្លូវល្បឿនលឿនភ្នំពេញ-ក្រុងព្រះសីហនុ កាលពីម៉ោង០៩និង៤៥នាទីយប់ថ្ងៃទី១៩ និងកាលពីម៉ោង០៦និង១៦នាទីល្ងាចថ្ងៃទី២០…
រាជធានីភ្នំពេញ ៖ ក្រុមហ៊ុនផ្លូវល្បឿនលឿន នៅថ្ងៃទី២១ មីនានេះបានអោយដឹងថា មានរថយន្តចំនួន០២គ្រឿង បានបើកបរបញ្ច្រាសទិសដៅចរាចរណ៍ លើផ្លូវល្បឿនលឿនភ្នំពេញ-ក្រុងព្រះសីហនុ កាលពីម៉ោង០៩និង៤៥នាទីយប់ថ្ងៃទី១៩ និងកាលពីម៉ោង០៦និង១៦នាទីល្ងាចថ្ងៃទី២០ ខែមីនា ឆ្នាំ២០២៣ ។ បន្ទាប់ពីទទួលបានរូបភាពពីកាមេរ៉ាសុវត្ថិភាព ក្រុមការងារផ្លូវល្បឿនលឿន ដោយសហការជាមួយនគរបាលចរាចរណ៍ផ្លូវគោក បានធ្វើការឃាត់រថយន្ត និងអ្នកបើកបរ ដើម្បីអប់រំ និងផាកពិន័យតាមនីតិវិធីច្បាប់ ។
ការបើកបរបញ្ច្រាសទិសចរាចរណ៍ មិនថា នៅលើផ្លូវល្បឿនលឿន ឬផ្លូវប្រភេទណានោះទេ វាជាការបំពានច្បាប់ចរាចរណ៍យ៉ាងធ្ងន់ធ្ងរ និងប្រមាថអាយុជីវិតខ្លួនឯង និងអ្នកដទៃ ។
ក្រុមហ៊ុនផ្លូវល្បឿនលឿន សូមអំពាវនាវសារជាថ្មី ដល់បងប្អូនអ្នកបើកបរ និងអ្នករួមដំណើរគ្រប់រូបមិនថាឡើយការប្រើប្រាស់ផ្លូវល្បឿនលឿន ឬផ្លូវធម្មតា ត្រូវចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន កុំបើកបរបញ្ច្រាសទិសចរាចរណ៍ ប្រើប្រាស់គន្លងចរាចរណ៍ឱ្យបានត្រឹមត្រូវ និងជៀសវាងការប្រព្រឹត្តល្មើសនានា ដើម្បីចូលរួមរក្សាសុខសុវត្ថិភាពពេលធ្វើដំណើររបស់យើងទាំងអស់គ្នា៕
ចែករំលែកព័តមាននេះ