ខេត្តតាកែវ ៖ នៅថ្ងៃទី២១ ខែមីនា ឆ្នាំ២០២៣នេះ លោក លី ធុជ ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី១ អាជ្ញាធរមីន តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពនៅក្នុងពិធីអបអរសាទរ ការប្រកាសខេត្តតាកែវ ជាខេត្តអស់មីន ។
![](https://kohsantepheapdaily.com.kh/wp-content/uploads/2023/03/4c56ff4ce4aaf9573aa5dff913df997a-18.jpg)
អញ្ជើញចូលរួមនាឱកាសនោះ មានវត្តមានលោក ចន្ទ សារុន អ្នកតំណាងរាស្ត្រមណ្ឌលតាកែវ ឯកឧត្តម លោកជំទាវជាគណៈប្រតិភូអាជ្ញាធរមីន លោកយស ណាស៊ី ប្រធានក្រុមប្រឹក្សាខេត្ត លោក អ៊ូច ភា អភិបាល នៃគណៈអភិបាលខេត្ត អស់លោក លោកស្រីជាប្រធានអនុប្រធានមន្ទីរអង្គភាពជុំវិញខេត្ត លោកអភិបាលក្រុងស្រុក កងកម្លាំងប្រដាប់អាវុធទាំង៣ប្រភេទ និងមន្ត្រីមូលដ្ឋានភូមិ-ឃុំ ចូលរួមយ៉ាងច្រើនកុះករផងដែរ ។
![](https://kohsantepheapdaily.com.kh/wp-content/uploads/2023/03/a0a080f42e6f13b3a2df133f073095dd-19.jpg)
លោក អ៊ូច ភា អភិបាលខេត្ត បានអោយដឹងថា ជំនួសមុខឱ្យប្រជាពលរដ្ឋក្នុងខត្តតាកែវ ខ្ញុំបាទសូមយកឱកាសនេះ គោរពសម្ដែងនូវការគាំទ្រ និងដឹងគុណយ៉ាងជ្រាលជ្រៅបំផុតគោរពជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានផ្តួចផ្តើមបង្កើតគម្រោង សម្ដេចតេជោ សម្រាប់សកម្មភាពមីន ក្រោមមូលបទ «ផ្តល់ដ៏មានសុវត្ថិភាព បង្កើតស្នាមញញឹម» ក៏ដូចជា សូមអរគុណដល់សប្បុរសជននានា ដែលបានបរិច្ចាកថវិកាគាំទ្រ ធ្វើឱ្យខេត្តតាកែវក្លាយជាខេត្តទី១១ បន្ទាប់ពីខេត្តស្វាយរៀង រាជធានី ភ្នំពេញ ខេត្តកែប ខេត្តព្រៃវែង ខេត្តកំពង់ឆ្នាំង ខេត្តស្ទឹងត្រែង ខេត្តព្រះសីហនុ ខេត្តត្បូងឃ្មុំ ខេត្តកណ្តាល និងខេត្តកំពង់ចាម ដែលបានសម្រេចផែនការ ប្រកាសជារាជធានី-ខេត្ត អស់មីន។
![](https://kohsantepheapdaily.com.kh/wp-content/uploads/2023/03/202cb962ac59075b964b07152d234b70-18.jpg)
ខេត្តតាកែវ សម្រេចបានតាមផែនការកំណត់ ដែលជាលទ្ធផលនៃការបោសសម្អាតមីន និង EOD ចាប់ពីឆ្នាំ១៩៩៩ រហូតមកដល់ខែកុម្ភៈ ឆ្នាំ២០២៣ បានបោសសម្អាតចំការមិនបាន ចំនួន៧៣ចម្ការ ស្មើនឹងផ្ទៃដីចម្ការមីន ៤,៦៧៥,៧៩៧ ម៉ែត្រក្រឡា ក្នុងនោះរកឃើញ និងកម្ទេចចោលមីន ស្មើជើងចំនួន ២,៨៨៨គ្រាប់ មីនតោនចំនួន៦១គ្រាប់ សំណល់ជាតិផ្ទុះពីសង្គ្រាមចំនួន ៣៧,៥៨៣គ្រាប់។
![](https://kohsantepheapdaily.com.kh/wp-content/uploads/2023/03/c8ffe9a587b126f152ed3d89a146b445-18.jpg)
គ្រួសារដែលទទួលផលផ្ទាល់ និងប្រយោលចំនួន ១៨,៣៤៧គ្រួសារ ស្មើនឹងមនុស្សចំនួន៦៣,០៤៩នាក់ និងចម្ការមីន ដែលបានបោសសំអាតគាំទ្រថវិកាដោយគម្រោងសម្ដេចតេជោ «ផ្តល់ដីសុវត្ថិភាព បង្កើតស្នាមញញឹម» បានបោសសម្អាតចម្ការមីនបានចំនួន៥៥ចម្ការ ស្មើនឹងផ្ទៃដី ៤,១៩១,៨២៥ ម៉ែត្រក្រឡា។ ក្នុងនោះបានរកឃើញ និងកម្ទេចចោលមីនថ្មើរជើងចំនួន ៣២៣គ្រាប់ សំណល់ជាតិផ្ទុះពីសង្គ្រាមចំនួន ៤៥៣គ្រាប់ គ្រួសារដែលទទួលផលដោយផ្ទាល់ និងប្រយោលចំនួន ១៨,៣៤៧គ្រួសារ ស្មើនឹង ៦១,៩៤០ នាក់។
![](https://kohsantepheapdaily.com.kh/wp-content/uploads/2023/03/3def184ad8f4755ff269862ea77393dd-16.jpg)
![](https://kohsantepheapdaily.com.kh/wp-content/uploads/2023/03/069059b7ef840f0c74a814ec9237b6ec-17.jpg)
![](https://kohsantepheapdaily.com.kh/wp-content/uploads/2023/03/ec5decca5ed3d6b8079e2e7e7bacc9f2-17.jpg)
![](https://kohsantepheapdaily.com.kh/wp-content/uploads/2023/03/76dc611d6ebaafc66cc0879c71b5db5c-16.jpg)
![](https://kohsantepheapdaily.com.kh/wp-content/uploads/2023/03/d1f491a404d6854880943e5c3cd9ca25-17.jpg)
![](https://kohsantepheapdaily.com.kh/wp-content/uploads/2023/03/9b8619251a19057cff70779273e95aa6-17.jpg)
![](https://kohsantepheapdaily.com.kh/wp-content/uploads/2023/03/1afa34a7f984eeabdbb0a7d494132ee5-15.jpg)
![](https://kohsantepheapdaily.com.kh/wp-content/uploads/2023/03/65ded5353c5ee48d0b7d48c591b8f430-18.jpg)
![](https://kohsantepheapdaily.com.kh/wp-content/uploads/2023/03/9fc3d7152ba9336a670e36d0ed79bc43-14.jpg)
![](https://kohsantepheapdaily.com.kh/wp-content/uploads/2023/03/02522a2b2726fb0a03bb19f2d8d9524d-15.jpg)
![](https://kohsantepheapdaily.com.kh/wp-content/uploads/2023/03/7f1de29e6da19d22b51c68001e7e0e54-15.jpg)
![](https://kohsantepheapdaily.com.kh/wp-content/uploads/2023/03/42a0e188f5033bc65bf8d78622277c4e-16.jpg)
![](https://kohsantepheapdaily.com.kh/wp-content/uploads/2023/03/3988c7f88ebcb58c6ce932b957b6f332-15.jpg)
![](https://kohsantepheapdaily.com.kh/wp-content/uploads/2023/03/013d407166ec4fa56eb1e1f8cbe183b9-16.jpg)
![](https://kohsantepheapdaily.com.kh/wp-content/uploads/2023/03/e00da03b685a0dd18fb6a08af0923de0-15.jpg)
![](https://kohsantepheapdaily.com.kh/wp-content/uploads/2023/03/1385974ed5904a438616ff7bdb3f7439-16.jpg)
![](https://kohsantepheapdaily.com.kh/wp-content/uploads/2023/03/0f28b5d49b3020afeecd95b4009adf4c-17.jpg)
ចែករំលែកព័តមាននេះ