នាំទៅផ្ទះសំណាក់ ស្រាប់តែស្រីស្រស់លេងមួយក្បាច់ផ្អើល…
រាជធានីភ្នំពេញ ៖ មានហេតុការណ៍ភ្ញាក់ផ្អើលឆោដល់ម្ចាស់ផ្ទះសំណាក់ និងសមត្ថកិច្ច ខណៈ…
រាជធានីភ្នំពេញ ៖ មានហេតុការណ៍ភ្ញាក់ផ្អើលឆោដល់ម្ចាស់ផ្ទះសំណាក់ និងសមត្ថកិច្ច ខណៈ…
រាជធានីភ្នំពេញ ៖ មានការភ្ញាក់ផ្អើលឆោដល់ម្ចាស់ផ្ទះសំណាក់ និងសមត្ថកិច្ចជួយដេញចាប់បុរសម្នាក់ដែលនាំស្ត្រីម្នាក់ទៅរួមរក្សនៅផ្ទះសំណាក់ ហេតុការណ៍បង្កឲ្យមានការភ្ញាក់ផ្អើលកាលពីវេលាម៉ោង១០និង៤៥នាទីយប់ថ្ងៃទី៣០ ខែកញ្ញា ឆ្នាំ២០១៧ នៅចំណុចផ្ទះសំណាក់មួយកន្លែងយីហោ «បៃតងទួលសង្កែ» ស្ថិតនៅភូមិចុងខ្សាច់ សង្កាត់ទួលសង្កែ ខណ្ឌឫស្សីកែវ ។
គូរស្នេហ៍ទាំងពីរនាក់ខាងលើមានអាយុជាង៣០ឆ្នាំមិនត្រូវបានស្គាល់ឈ្មោះទេ គ្រាន់តែអ្នកទាំងពីរបានប្រាប់ថាពួកគេទើបនឹងស្គាល់គ្នាពេលដែលជិះរថយន្តក្រុងជាមួយគ្នាកាលពីថ្ងៃ រួចហើយបាននិយាយសាសងគ្នាត្រូវរ៉ូវក៏ នាំគ្នាចូលផ្ទះសំណាក់តែម្តង ។
តាមប្រភពពីបុរសដែលត្រូវស្រីស្រស់សចោទបានឲ្យដឹងថា រូបគេស្គាល់ស្ត្រីនោះបានមួយថ្ងៃតាមរយៈជិះរថយន្តក្រុងរបស់រដ្ឋ ហើយរូបគេបាននាំមកដេកនៅផ្ទះសំណាក់ខាងលើតែម្តង។ បន្ទាប់ពីនាំនាងមកដល់ផ្ទះសំណាក់ រូបគេបានទៅទិញស្រាបៀរ១៨កំប៉ុងមកផឹកជាមួយមិត្តភក្តិប្រុសរបស់គេម្នាក់ទៀត លុះផឹកអស់ពួកគេស្រវឹងស្រឿងៗរៀងខ្លួន ហើយមិត្តរបស់គេសុំលាទៅផ្ទះមុនបាត់នៅសល់នៅតែគេ និងស្ត្រីនោះ។ ក្រោយពីមិត្តភក្តិចេញទៅបាត់ រូបគេបានសុំនាងរួមរ័កបានម្តង ហើយពេលដែលនាងរវល់តែចូលបន្ទប់ទឹក ឃើញឱកាសល្អរូបគេក៏ស្លៀកពាក់ខោអាវរត់ចេញក្រៅផ្ទះសំណាក់បំរុងគេចខ្លួន តែត្រូវនាងដឹងទាន់រត់ចេញពីបន្ទប់ទឹកទាំងស្លៀកតែខោលីអូ និងពាក់អាវយឺតដៃខ្លីមកក្រៅដេញចាប់ពេញមុខផ្ទះសំណាក់ ទើបបង្កឲ្យមានការភ្ញាក់ផ្អើលដល់ម្ចាស់ផ្ទះសំណាក់ជួយចាប់បានភ្លាមៗតែម្តង ។
ខណៈពេលនោះសមត្ថកិច្ចមកដល់នារីរងគ្រោះបានយំឡាំប៉ាទាមទារឲ្យបុរសខាងលើទទួលខុសត្រូវលើរូបនាង ហើយត្រូវតែចុះសំបុត្រអាពាហ៍ពិពាហ៍ជាមួយនាង ប៉ុន្តែជាសក្ខីភាពត្រូវធ្វើកិច្ចសន្យានៅយប់នេះសិន រង់ចាំព្រឹកឡើងទើបទៅចុះសំបុត្រអាពាហ៍ពិពាហ៍ ។ ដោយសារតែស្ត្រីខាងលើយំឡាំប៉ាខ្លាំងពេក បុរសរូបនោះបានសន្យាថា នឹងទទួលខុសត្រូវទៅលើទង្វើរបស់ខ្លួនដែលបានធ្វើទៅលើនាង ទើបនាងយប់ព្រមចូលទៅដេកក្នុងផ្ទះសំណាក់ជាមួយបុរសនោះវិញ រង់ចាំស្អែកដោះស្រាយគ្នាម្តងទៀត ៕
ចែករំលែកព័តមាននេះ