យកពងមាន់ទៅផ្ញើក្អែក ឪពុកមាសាច់ថ្លៃរំលោ.ភក្មួយអាយុ7ឆ្នាំបានសម្រេច
ខេត្តរតនគិរី ៖ នគរបាលក្រុងបានលុងកាលពីព្រឹកថ្ងៃទី២៨ ខែកញ្ញា
ខេត្តរតនគិរី ៖ នគរបាលក្រុងបានលុងកាលពីព្រឹកថ្ងៃទី២៨ ខែកញ្ញា បានឃាត់ខ្លួនជនម្នាក់ពីបទរំលោភសេពសន្ថវៈក្មេងស្រីជាអនីតិជន ។ លោក តេង សាវុទ្ធ អធិការរងនគរបាលក្រុងបានលុង បានឱ្យដឹងថា ជននេះបានត្រូវសមត្ថកិច្ចចាប់ខ្លួនតាមពាក្យបណ្តឹងរបស់អាណាព្យាបាលក្មេងស្រីរងគ្រោះកាលពីថ្ងៃទី២៦ ខែកញ្ញា ។ ករណីរំលោភសេពសន្ថវៈលើក្មេងស្រីជាអនីតិជននេះ កើតឡើងកាលពីវេលាម៉ោង៤និង៤០នាទីរសៀលថ្ងៃទី១៩ ខែកញ្ញាកន្លងទៅ នៅខ្ទមចាំចម្ការ ស្ថិតក្នុងសង្កាត់យក្សឡោម ក្រុងបានលុង ។
មន្ត្រីនគរបាលក្រុងបានលុងឲ្យដឹងថា ជនសង្ស័យឈ្មោះ យុន ចាម អាយុ៤២ឆ្នាំ មានទីលំនៅក្នុងឃុំចាអ៊ុង ស្រុកកូនមុំ ជាកសិករ ។ រីឯក្មេងស្រីរងគ្រោះទើបមានអាយុ៧ឆ្នាំ ជាជនជាតិទំពួន ។
បើតាមម្តាយក្មេងស្រីនិយាយថា នៅថ្ងៃទី១៩ ខែកញ្ញា ជននេះបានយកផ្តៅ២បាច់មកឱ្យគាត់ធ្វើកាផាលក់ ហើយនៅថ្ងៃនោះដែរគាត់បានទុកកូនស្រីឱ្យចាំផ្ទះ២នាក់ជាមួយជននេះដែលប្អូនថ្លៃ ឯរូបគាត់និងប្តីបានទៅផ្សារក្រុងបានលុងដើម្បីទិញម្អូបនិងអង្ករ ។ នៅពេលនោះហើយ ដែលជននេះមានឱកាសចាប់រំលោភកូនស្រីរបស់គាត់រហូតបានសម្រេច និងត្រូវបានកូនស្រីប្រាប់ពេលគាត់ត្រឡប់មកដល់ផ្ទះវិញ ។ លោកអធិការរង តេង សាវុទ្ធ បញ្ជាក់ថាតាមការធ្វើកោសល្យវិច័យបង្ហាញថា ក្មេងស្រីពិតជាត្រូវបានចាប់រំលោភមែន ៕
ចែករំលែកព័តមាននេះ