២នាក់ប្តីប្រពន្ធបានឈ្លោះប្រកែកគ្នារហូតបោ.កចាន បោ.កកែវ រំខានដល់អ្នកផឹកស៊ីនៅទល់មុខបន្ទប់ ធ្វើឱ្យឈ្លោះគ្នារហូតទៅទាត់ធាក់ទ្វារបន្ទប់ជួល២នាក់ប្តីប្រពន្ធ បង្កឱ្យមានការភ្ញាក់ផ្អើលដល់
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ២នាក់ប្តីប្រពន្ធបានឈ្លោះប្រកែកគ្នារហូតបោ.កចាន បោ.កកែវ រំខានដល់អ្នកផឹកស៊ីនៅទល់មុខបន្ទប់ ធ្វើឱ្យឈ្លោះគ្នារហូតទៅទាត់ធាក់ទ្វារបន្ទប់ជួល២នាក់ប្តីប្រពន្ធ បង្កឱ្យមានការភ្ញាក់ផ្អើលដល់សមត្ថកិច្ចចុះទៅអន្តរាគមន៍ភ្លាមៗកាលពីវេលាម៉ោង១និង០០នាទីយប់រំលងអធ្រាត្រឈានចូលថ្ងៃទី១៩ ខែមីនា ឆ្នាំ២០២៣ នៅចំណុចផ្លូវបេតុង បន្ទប់ជួល ស្ថិតក្នុងភូមិព្រៃព្រីងជើង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុ គេបានឃើញ២នាក់ប្តីប្រពន្ធបានឈ្លោះប្រកែកគ្នារហូតបោ.កចាន បោ.កកែវ នៅមុខបន្ទប់ជួល ហើយក៏បានទាញបិទទ្វារបន្ទប់ រួចចូលដេក។ ភ្លាមៗនោះក៏មានក្រុមផឹកស៊ីមួយក្រុម មានគ្នាជិត១០នាក់ ដែលកំពុងអង្គុយផឹកស៊ីនៅខាងមុខបន្ទប់ជួលរបស់ពួកគេ ហើយបានដើរទៅខាងមុខបន្ទប់ជួល២នាក់ប្តីប្រពន្ធនោះ ហើយក៏បានស្រែកសួរថា តើពួកឯង២នាក់បោ.កចាន បោ.កកែវនឹងចង់ឌឺអញ់មែន?។
ប្រភពដដែលបានឱ្យដឹងទៀតថា បន្ទាប់មកទាំង២នាក់ប្តីប្រពន្ធមិនហ៊ានឆ្លើយតបនោះទេ ក្រោយក្រុមផឹកស៊ីក៏បាននាំគ្នាទាត់ធាត់ទ្វារបន្ទប់ជួល ហើយពួកគេក៏បាននាំគ្នាទៅអង្គុយផឹកស៊ីធម្មតាវិញ ភ្លាមៗនោះទាំង២នាក់ប្តីប្រពន្ធ រួមនឹងបងប្អូន ក៏បាននាំគ្នាប្តឹងសមត្ថកិច្ចអោយចុះទៅអន្តរាគមន៍តែម្តង។
ក្រោយពេលកើតហេតុ គេបានឃើញសមត្ថកិច្ចចុះទៅដល់កន្លែងកើតហេតុ ហើយបានធ្វើការសម្របសម្រួលគ្នា ដោយមិនប្តឹងផ្តល់គ្នានោះទេ ហើយក៏បានអោយបែកគ្នាចូលផ្ទះសម្រាករៀងៗខ្លួនទៅ៕
ចែករំលែកព័តមាននេះ