អគ្គិភ័យឆាបឆេះទូក្លាស្សេសាច់មួយកន្លែង ផ្អើលរថយន្តពន្លត់អគ្គិភ័យជាច្រើនគ្រឿង
- ភ្នំពេញ
ឃ្លាំងស្តុបទូក្លាស្សេសាច់មួយកន្លែង នៅក្នុងភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ ត្រូវបានអគ្គិភ័យឆាប បណ្តាលអោយ
ឃ្លាំងស្តុបទូក្លាស្សេសាច់មួយកន្លែង នៅក្នុងភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ ត្រូវបានអគ្គិភ័យឆាប បណ្តាលអោយ
រាជធានីភ្នំពេញ ៖ ឃ្លាំងស្តុបទូក្លាស្សេសាច់មួយកន្លែង នៅក្នុងភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ ត្រូវបានអគ្គិភ័យឆាប បណ្តាលអោយទូក្លាស្សេចំនួន២គ្រឿង រួមទាំងរបស់របរមួយចំនួនទៀតបានរងការខូចខាត។ ហេតុការណ៍នេះបង្កអោយមានការភ្ញាក់ផ្អើលកាលពីវេលាថ្ងៃត្រង់ថ្ងៃទី១៦ ខែមីនា ឆ្នាំ២០២៣ ហើយត្រូវរថយន្តជាច្រើនគ្រឿងបានទៅអន្តរាគមន៍ផងដែរ ។
ទាក់ទិននឹងការកើតមានអគ្គីភ័យខាងលើនេះ សមត្ថកិច្ចនគរបាលការិយាល័យ បង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញ អោយដឹងថា ហេតុការណ៍អគ្គិភ័យខាងលើនេះ គឺបណ្តាលមកពីឆ្លងចរន្តភ្លើងទូក្លាស្សេ។
តាមព័ត៌មានអោយដឹងថា នៅមុនពេលកើតហេតុ ស្រាប់តែភ្លើងបានឆាបឆេះចេញពីទូក្លាស្សេសាច់ ពងមាន់ ពង់ទា បណ្តាលឱ្យមានផ្សែងហុយទ្រលោមតែម្តង ភ្លាមៗនោះរថយន្តពន្លត់អគ្គិភ័យចំនួន១០គ្រឿងក៏បានចេញទៅជួយអន្តរាគមន៍បាញ់ទឹកពន្លត់ទាន់ពេលវេលា។
តាមនគរបាលបានអោយដឹងថា អគ្គិភ័យខាងលើនេះ បានបំផ្លាញទូក្លាស្សចំនួន២គ្រឿង រួមទាំងរបស់របរមួយចំនួនទៀត ហើយភ្លើងពុំបណ្តាលអោយឆេះរាលដាលនៅលំនៅឋានរបស់ប្រជាពលរដ្ឋនៅក្បែរនោះឡើយ៕
ចែករំលែកព័តមាននេះ