ខេត្តតាកែវមានឃ្លាំងសង់ថ្មី ស្តុកឈើសម្រាប់នាំទៅស្រុកយួន
ខេត្តតាកែវ ៖ ឃ្លាំងស្តុបឈើប្រណិតមួយកន្លែងត្រូវបានមជ្ឈដ្ឋាននានា មានការសង្ស័យថា ជាឃ្លាំងសម្រាប់ស្តុបឈើប្រណិតសម្រាប់នាំចេញទៅលក់នៅស្រុកយួន
ខេត្តតាកែវ ៖ ឃ្លាំងស្តុបឈើប្រណិតមួយកន្លែងត្រូវបានមជ្ឈដ្ឋាននានា មានការសង្ស័យថា ជាឃ្លាំងសម្រាប់ស្តុបឈើប្រណិតសម្រាប់នាំចេញទៅលក់នៅស្រុកយួន
ខេត្តតាកែវ ៖ ឃ្លាំងស្តុបឈើប្រណិតមួយកន្លែងត្រូវបានមជ្ឈដ្ឋាននានា មានការសង្ស័យថា ជាឃ្លាំងសម្រាប់ស្តុបឈើប្រណិតសម្រាប់នាំចេញទៅលក់នៅស្រុកយួន តាមច្រកនានានៅរដូវទឹកឡើងនេះ ។
កាលពីកន្លងទៅថ្មីៗនេះ កោៈសន្តិភាពយើងបានធ្វើការចេញផ្សាយម្តងរួចមកហើយ តែរហូតមកដល់នឹងពេលនេះមិនមានសមត្ថកិច្ចណាហ៊ានបង្ក្រាប ឬទប់ស្កាត់ឡើយ សូម្បីតែជំនាញរដ្ឋបាលព្រែឈើ ក៏មិនហ៊ានទប់ស្កាត់ដែរ ។
មន្ត្រីប៉ូលិសសេដ្ឋកិច្ចខេត្តតាកែវ បានខ្សឹបប្រាប់កោះសន្តិភាពយើង ដោយមិនឲ្យបញ្ចេញឈ្មោះថា ឃ្លាំងស្តុបឈើប្រណិតដែលគេបានសាងសងឡើងសម្រាប់ស្តុបឈើប្រណិតសម្រាប់ចេញទៅលក់នៅស្រុកយួននេះ ស្ថិតនៅសង្កាត់រកាក្រៅ ក្រុងដូនកែវ ពីខាងលិចមន្ទីរសុខាភិបាលខេត្ត ដែលគេបានធ្វើឡើងជាង២ខែមកហើយ ។
មន្ត្រីប៉ូលិសដដែលបានបន្តទៀតថា ឈើប្រណិតដែលដឹកមកស្តុបនៅក្នុងឃ្លាំងខាងលើនេះត្រូវបានឈ្មួញដឹកមកពីខេត្តកំពង់ស្ពឺ ឬចេញមកពីភ្នំពេញយកមកស្តុបក្នុងឃ្លាំង១ថ្ងៃ ឬ២ថ្ងៃ ទើបដឹកចេញទៅលក់នៅស្រុកយួនម្តង ។ នៅពេលដឹកចូលឃ្លាំងជាប្រភេទរថយន្តយីឌុប រួចមានរថយន្តស្ទូចដែលរង់ចាំក្នុងឃ្លាំងជាស្រេចសម្រាប់ស្ទូចផ្ទេរចេញដាក់រថយន្តសាំយ៉ុងនៅពេលយប់ ទើបដឹកចេញសំដៅឡើងទូកដឹកយកទៅលក់នៅស្រុកយួន ហើយនៅរដូវទឹកឡើងនេះមិនអាចកំណត់ថាចុះទៅតាមច្រកណាពិតប្រាកដនោះទេ ។ តែសម្រាប់រដូវទឹកស្រកវិញត្រូវបានឈ្មួញដឹកជញ្ជូនយកទៅលក់នៅស្រុកយួន តាមស្រុកអង្គរបូរី ដោយឆ្លងកាត់តាមច្រកទ្វារបាក់ដែ និងមានការត្រូវគ្នាជាខ្សែចង្វាក់ពីមន្ត្រីនៅប្រចាំនៅច្រកទ្វារនោះ ។
ដោយឡែកសម្រាប់រដូវទឹកឡើងនេះវិញ ត្រូវបានឈ្មួញបានប្រគល់ឲ្យស្នងការរងដ៏មានអំណាចម្នាក់ជាអ្នករត់ការបើកផ្លូវដឹកជញ្ជូន យកទៅលក់នៅស្រុកយួន តាមផ្លូវទឹក ដោយមិនប្រាកដចេញតាមស្រុកណាឡើយ ។
មន្ត្រីផ្នែករដ្ឋបាលព្រែឈើខេត្តតាកែវ បានឲ្យដឹងថា កាលពីថ្ងៃទី១៧ ខែកញ្ញា ឆ្នាំ២០១៧ កន្លងទៅ មុនបុណ្យភ្ជំបិណ្ទ រថយន្តដឹកឈើប្រណិត១គ្រឿង ដែលដឹកមកស្តុបក្នុងឃ្លាំងខាងលើ ត្រូវបានកម្លាំងរដ្ឋបាលព្រែឈើចាប់បាននៅឃុំស្នំក្រពើ ស្រុកគងពិសី ខេត្តកំពង់ស្ពឺ វេលាម៉ោង១៩និង០០នាទី ដោយដកហូតឈើជ្រុងចំនួន៧ម៉ែត្រគូប តែនៅថ្ងៃទី២១ ខែកញ្ញា ឆ្នាំ២០១៧ កន្លងទៅ មានរថយន្តយីឌុប១គ្រឿង បានដឹកឈើមកស្តុបនៅក្នុងឃ្លាំងខាងលើ ១ថ្ងៃលុះយប់ថ្ងៃទី២២ ខែកញ្ញា ឆ្នាំ២០១៧ រថយន្តដឹកឈើប្រណិតបានដឹកចេញទៅលក់នៅស្រុកយួនដោយសុវត្ថិភាព ។
លោក ស៊ិម ឡាបាំង នាយខណ្ឌរដ្ឋបាលព្រែឈើខេត្តតាកែវ កោះសន្តិភាពយើងមិនអាចទាក់ទងសុំការបំភ្លីបានទេ នៅថ្ងៃទី២៥ ខែកញ្ញា ឆ្នាំ២០១៧ នេះ ៕
ចែករំលែកព័តមាននេះ