ផ្ទះលក់អីវ៉ាន់ចាប់ហួយមួយកន្លែង ត្រូវបានអណ្ដាតភ្លើងឆាបឆេះយ៉ាងសន្ធោសន្ធៅ ធ្វើឱ្យភ្ញាក់ផ្អើលដល់កម្លាំងសមត្ថកិច្ច ក៏ដូចជារថយន្ដពន្លត់អគ្គិភ័យចេញអន្តរាគមន៍បា.ញ់ទឹកពន្លត់ផងដែរ មូលហេតុដោយសារទុស្សេខ្សែភ្លើង បង្កឱ្យមាន
រាជធានីភ្នំពេញ ៖ ផ្ទះលក់អីវ៉ាន់ចាប់ហួយមួយកន្លែង ត្រូវបានអណ្ដាតភ្លើងឆាបឆេះយ៉ាងសន្ធោសន្ធៅ ធ្វើឱ្យភ្ញាក់ផ្អើលដល់កម្លាំងសមត្ថកិច្ច ក៏ដូចជារថយន្ដពន្លត់អគ្គិភ័យចេញអន្តរាគមន៍បាញ់ទឹកពន្លត់ផងដែរ មូលហេតុដោយសារទុស្សេខ្សែភ្លើង បង្កឱ្យមានការភ្ញាក់ផ្អើលកាលពីវេលាម៉ោង៣និង៤០នាទីទៀបភ្លឺ ថ្ងៃទី១៤ ខែមីនា ឆ្នាំ២០២៣ នៅចំណុចផ្ទះលេខ២៣៣ ជាប្រភេទផ្ទះល្វែងលក់អីវ៉ាន់ចាប់ហួយ ផ្លូវ២១៧ ស្ថិតក្នុងភូមិឬស្សី២ សង្កាត់ស្ទឹងមានជ័យទី៣ ខណ្ឌមានជ័យ។
ម្ចាស់ផ្ទះរងគ្រោះខាងលើមានឈ្មោះ សៀប នី ភេទស្រី អាយុ៦០ឆ្នាំ មុខរបរលក់ចាប់ហួយ ស្នាក់នៅផ្ទះលេខ២៣៣ ស្ថិតក្នុងភូមិ-ឃុំកើតហេតុខាងលើ។
តាមការរៀបរាប់របស់ម្ចាស់ផ្ទះបានអោយដឹងថា មុនពេលកើតហេតុ ពួកគាត់កំពុងតែសម្រាន្តលង់លក់ក្នុងដំណេក ហើយក៏លឺសូរសំឡេងផ្ទុះ ទើបនាំគ្នារត់ចេញមកមើល ស្រាប់តែឃើញអណ្ដាតភ្លើងឆាបឆេះចេញពីកន្លែងលក់ចាប់ហួយយ៉ាងសន្ធោសន្ធៅតែម្តង។ ហើយក្នុងហេតុការណ៍នេះដែរ ក៏មានបងប្អូនប្រជាពលរដ្ឋដែលរស់នៅក្បែរនោះបាននាំគ្នាជួយទាញទុយោទឹកបាញ់ពន្លត់ និងរាយការណ៍ជូនកម្លាំងសមត្ថកិច្ចមូលដ្ឋាន ដើម្បីសុំជំនួយរថយន្ដពន្លត់អគ្គិភ័យ អោយមកជួយអន្តរាគមន៍ផងដែរ។
ប្រភពដដែលបន្តថា ប៉ុន្តែពេលនោះ គេបានឃើញរថយន្តពន្លត់អគ្គិភ័យបានចេញអន្តរាគមន៍ចំនួន៧គ្រឿង ក្នុងនោះមានរថយន្តបង្ការ និងពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញចំនួន៦គ្រឿង និងរថយន្តជំនួយរបស់ក្រុមហ៊ុនស្រាបៀរកម្ពុជាចំនួន១គ្រឿង បានធ្វើការសហការគ្នាបាញ់ទឹកអស់ចំនួន៣គ្រឿង ទើបធ្វើអោយភ្លើងរលត់ទៅវិញទាំងស្រុង នៅវេលាម៉ោង៤និង១០នាទីទៀបភ្លឺថ្ងៃដដែល។
ពាក់ព័ន្ធក្នុងហេតុការណ៍ខាងលើនេះដែរ មិនបានបង្កអោយមានការឆេះរាលដាលដល់ផ្ទះសម្បែងអ្នកជិតខាងនោះទេ គ្រាន់តែខូចខាតម៉ូតូមួយគ្រឿង និងសម្ភារៈចាប់ហួយអស់ចំនួនធំ ហើយចំពោះមូលហេតុវិញ គឺបណ្ដាលមកពីទុស្សេខ្សែភ្លើង ទើបបណ្ដាលឲ្យកើតមានអគ្គិភ័យបែបនេះតែម្តង៕
ចែករំលែកព័តមាននេះ