ថ្មីៗនេះ តារាចម្រៀងប្រុសលោក គូម៉ា បានបង្ហាញវត្តមាននៅក្នុងកម្មវិធីការប្រគំតន្ត្រីមួយនៅឯខេត្តបាត់ដំបង ប៉ុន្តែអ្វីដែលបានធ្វើអោយគ្រប់គ្នាហាក់សម្ដែងការភ្ញាក់ផ្អើលនិងនឹកស្មានមិនដល់ជាងនេះទៅទៀតនោះ ស្រាប់តែ
ខេត្តបាត់ដំបង ៖ ថ្មីៗនេះ តារាចម្រៀងប្រុសលោក គូម៉ា បានបង្ហាញវត្តមាននៅក្នុងកម្មវិធីការប្រគំតន្ត្រីមួយនៅឯខេត្តបាត់ដំបង។ ប៉ុន្តែអ្វីដែលបានធ្វើអោយគ្រប់គ្នាហាក់សម្ដែងការភ្ញាក់ផ្អើលនិងនឹកស្មានមិនដល់ជាងនេះទៅទៀតនោះ ខណៈតារាចម្រៀងប្រុសរូបនេះកំពុងតែឈរច្រៀងនៅលើឆាកសុខៗ ស្រាប់តែក្រុមការងាររបស់លោកដែលជាអ្នកកាន់កាមេរ៉ាថតម្នាក់ ភ្លេចខ្លួនដើរថយក្រោយខ្លាំងពេក រហូតហួសឆាក បណ្ដាលអោយរូបគេបានធ្លាក់ពីលើឆាកចុះមកក្រោមតែម្តង។
ហើយអ្វីដែលធ្វើអោយមហាជនរឹតតែមានការហួសចិត្តទៅទៀតនោះ គឺ លោក គូម៉ា បែរជានៅតែបន្តច្រៀងរហូត ដោយមិនបានបញ្ឃប់ការច្រៀង និងស្ទុះស្ទាររត់ទៅជួយ ឬមួយក៏ចុះទៅជួយដល់ក្រុមការងារម្នាក់នោះឡើយ រហូតធ្វើអោយមហានជាច្រើននាំគ្នាថតយកទៅបង្ហោះនៅក្នុងបណ្ដាញទំនាក់ទំនងសង្គម Tik Tok ជាហូរហែតែម្តង។
ក្រោយពីបានឃើញវីដេអូនោះរួចមក ពួកគេក៏បានចូលទៅធ្វើការរិះគន់គ្មានសំចៃមាត់ ចំពោះលោកយ៉ាងចាស់ដៃតែម្ដង។ មិនតែប៉ុណ្ណោះ ដោយពួកគេមានការលើកឡើងដាក់ទៅចំៗថា «ខ្ញុំគិតថា បើពេលនឹងគាត់ជួយអ្នកថតសិន ហើយចាំច្រៀងម្តងទៀត គឺល្អមែនទែន» «ហេតុអ្វីក៏ឃើញក្រុមការងារធ្លាក់ពីលើឆាកហើយ មិនព្រមចុះទៅជួយគាត់អញ្ចឹង? ចង់និយាយថា ច្រៀងម្តងទៀតក៏មិនទាស់ខុសដែរ បង សំខាន់ជួយបង Camera man សិនទៅ» «ហេតុអ្វីមិនឈប់ច្រៀង ហើយទៅជួយលើកគាត់សិនទៅ?» «បើខ្ញុំវិញ ច្បាស់ជាឈប់ច្រៀងសិន ហើយទៅមើលគាត់ហើយ» «បែរមុខនឹងថយក្រោយ អត់ជួយមើលគ្នា ហើយនៅច្រៀងកើតទៀតសុំខ្លាចហើយ» «ដឹងថា គាត់ថយក្រោយហើយ ហេតុអ្វីបងគូម៉ា មិនឈប់ដើរសិនទៅ» «វាមិនខុសទេ បើគាត់ឈប់ច្រៀង ហើយមើលគ្នាតិចក៏មិនអីដែរ គេអាចចាក់ច្រៀងម្ដងទៀតបានតើ» «រួចមកទើសភ្នែកខ្លាំងពេក»។
ចំណែកឯហ្វេនខ្លះទៀត ក៏បានបញ្ចេញមតិកាន់ជើងតារាប្រុសរូបនេះបែបនេះថា «ពេលដែលកាមេរ៉ាមែន ធ្លាក់ពីលើឆាក ចិត្តលោក គូម៉ា ក៏ចង់ទៅជួយដែរ តែដោយសារផ្សាយផ្ទាល់ អ្នកចាត់ចែងកម្មវិធីធ្វើកាយវិការឱ្យគាត់បន្តការសម្ដែងទៀត ទាល់តែចប់មួយបទនេះ»។ «អ្នកខមិន ឆុងតែកុំសូវដាក់ស្ករច្រើនពេក ម្ចាស់កម្មវិធីហៅមកច្រៀងតើ មិនមែនហៅមកសង្គ្រោះអ្នកថតទេ គេកំពុងតែឡាយ មិនមែនឈុតក្រៅឆាកទេ»។
ហ្វេនខ្លះទៀត ក៏បានបញ្ចេញមតិថា «គេកំពុងឡាយ ប្រហែលគាត់ខ្លាចខូចកម្មវិធីគេទេដឹង ហើយមួយទៀត រឿងគាត់អត់ជួយ ព្រោះប្រហែលគាត់ឃើញក្រុមការងារជួយខាងក្រោមស្រាប់ ខ្ញុំឃើញគេរត់មកជួយ» «ការផ្សាយផ្ទាល់ពិបាកជួយណាស់ មានតែធ្វើធម្មតា ទុកអោយក្រុមការងារគាត់ជួយវិញ» «បើតាមការសង្កេតប្រហែលជាគាត់ច្រៀងបិទភ្នែកហើយ ព្រោះគាត់កំពុងតែដាក់អារម្មណ៍ ដល់ពេលបើកភ្នែកវិញបាត់កាមេរ៉ា 0 ដល់អញ្ចឹងទៅ គាត់ចង់ឆ្ងល់ដែរ»។
សូមជំរាបផងដែរថា បើយើងនាំគ្នាក្រឡេកមកដឹងឃើញថា តារាចម្រៀងប្រុសដ៏ល្បីឈ្មោះលោក គូម៉ា ដែលបានប្រឡូកចូលនៅក្នុងវិស័យសិល្បៈមួយនេះ អស់រយៈពេលជាច្រើនខែជាច្រើនឆ្នាំមកហើយ។ ហើយជារឿយៗ លោកកាន់តែមានប្រជាប្រិយភាពខ្លាំងឡើងៗតាមរយៈនៅបទចម្រៀងដ៏ពីរោះៗរបស់លោកជាច្រើនបទដែលមានចំណងជើងថា «សន្យាបានទេ» គ្មានបង អូនកុំយំ» «មើលរំលងមនុស្សស្រីម្នាក់» «បុរសម្នាក់នេះរស់ដើម្បីស្រលាញ់អូន» «ស្រលាញ់មនុស្សមិនគួរស្រលាញ់» «ហេតុអ្វីយើងបែកគ្នា?» រូបនេះ ពីមួយថ្ងៃទៅមួយថ្ងៃ លោកកាន់តែទទួលបាននៅការគោរពស្រលាញ់ចូលចិត្ត និងគាំទ្រយ៉ាងច្រើនសន្ធឹកសន្ធាប់ ពីសំណាក់មហាជន ក៏ដូចជាហ្វេនៗជាច្រើន មិនថាក្មេងចាស់ ឬប្រុសស្រីនោះឡើយ៕ ដោយ ៖ សុភា ដានេត
@dylihour81 🥲🥲អត់ដឹងគាត់មិចហើយទេ #គូម៉ា #fvp #ganzbergpermiumconcert2023 #btb
♬ original sound – DY LIHOUR – LIHOUR
ចែករំលែកព័តមាននេះ