បុរសជាអ្នករត់ម៉ូតូកង់បីម្នាក់រងរបួសធ្ងន់ធ្ងរ បន្ទាន់ពីលេងបៀរកាតេ ចាញ់គេ ហើយចោទថា «គេលេងល្បិ.ច» ធ្វើឱ្យឈ្លោះប្រកែករហូតវា.យគ្នាប្រាវតែម្តង ចំណែកខាងជនបង្កក៏បានរត់ទៅផ្ទះរួចទាញយក
រាជធានីភ្នំពេញ ៖ បុរសជាអ្នករត់ម៉ូតូកង់បីម្នាក់រងរបួសធ្ងន់ធ្ងរ បន្ទាន់ពីលេងបៀរកាតេ ចាញ់គេ ហើយចោទថា «គេលេងល្បិ.ច» ធ្វើឱ្យឈ្លោះប្រកែករហូតវា.យគ្នាប្រាវតែម្តង ចំណែកខាងជនបង្កក៏បានរត់ទៅផ្ទះរួចទាញយកកាំបិ.តបុ័ងតោមកកា.ប់បុរសអ្នករត់ម៉ូតូកង់បីបណ្តាលឱ្យរងរបួសធ្ងន់ធ្ងរ រួចជនបង្ករត់គេចខ្លួន តែត្រូវបានកម្លាំងសមត្ថកិច្ចឃាត់ខ្លួនបានភ្លាមៗ បង្កឱ្យមានការភ្ញាក់ផ្អើលកាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី១១ ខែមីនា ឆ្នាំ២០២៣ នៅតាមបណ្ដោយផ្លូវជាតិលេខ៤ ទល់មុខនឹងហ្គារ៉ាស់សាំងតេលា ស្ថិតក្នុងភូមិព្រៃព្រីងជើង សង្កាត់ចោមចៅទី៣ ខណ្ឌពោធិ៍សែនជ័យ។
ជនបង្កខាងលើនេះមានឈ្មោះ វៀង មិន ភេទប្រុស អាយុ៣១ឆ្នាំ មុខរបរជាជាងជួសជុលរថយន្ត ស្នាក់នៅភូមិកើតហេតុខាងលើ និងមានស្រុកកំណើតនៅខេត្តកំពង់ចាម។ ចំណែកជនរងគ្រោះវិញមានឈ្មោះ សន ពៅ អាយុ៣២ឆ្នាំ ស្នាក់នៅសង្កាត់ដង្កោ ខណ្ឌដង្កោ មានស្រុកកំណើតនៅស្រុកមេសាង ខេត្តព្រៃវែង។
តាមប្រភពព័ត៌មានបញ្ជាក់ពីភាគីខាងជនបង្ក បានអោយដឹងថា នៅមុនពេលកើត ពួកគាត់បានណាត់បបួលគ្នាមកលេងល្បែ.ងស៊ីសង គឺលេងបៀរកាតេ ដោយមានគ្នា៤នាក់ ក្នុងនោះម្ខាង២នាក់ៗដូចគ្នា។ ហើយចាប់ផ្ដើមលេងតាំងពីម៉ោង៩ រហូតដល់ដល់ម៉ោងកើតហេតុខាងលើ បន្ទាប់មកខាងជនរងគ្រោះបានលេងចាញ់លុយអស់ជាច្រើន ក៏ចោទថា ពួកគាត់លេងល្បិ.ច នៅពេលនោះក៏បានជជែកតឹងសរសៃ.កដាក់គ្នាទៅវិញហើយ ស្រាប់តែខាងជនរងគ្រោះបានឆក់យកលុយពីដៃបងប្រុសគាត់វិញ ទើបបង្កឱ្យក្លាយទៅជាហិ.ង្សាវា.យគ្នាទៅវិញទៅមកតែម្តង។ ដោយខឹងខ្លាំងពេក ខ្លួនក៏បានរត់ទៅផ្ទះ រួចទាញយកកាំបិ.តបុ័ងតោរត់ត្រឡប់មកវិញ ហើយកា.ប់ទៅលើជនរងគ្រោះ បណ្ដាលអោយរយះដៃម្ខាងផ្នែកខាងឆ្វេងហូរឈា.មស្រោចពេញខ្លួន ក៏សន្លប់ស្ដូកស្ដឹងនៅនឹងកន្លែងកើតហេតុតែម្តង។
បន្ទាប់ពីកើតហេតុភ្លាមៗនោះ ជនរងគ្រោះត្រូវបានរថយន្តសាមុយឯកសម្ភពសែនជ័យ ដឹកយកទៅសង្គ្រោះបន្ទាន់ភ្លាមៗ។ ចំណែកជនបង្កវិញ ក៏បានរត់គេចខ្លួនចេញពីកន្លែងកើតហេតុបានជាង១០០ម៉ែត្រ តែដោយសារភ័យស្លន់ស្លោខ្លាំងពេក ក៏ទន់ដៃជើងទៅមុខលែងរួចតែម្តង ហើយក៏ត្រូវកម្លាំងសមត្ថកិច្ចមូលដ្ឋានដេញតាមស្ទាក់ឃាត់ខ្លួនបាននាំមកសួរនាំនៅប៉ុស្តិ៍។
ក្រោយពេលកើតហេតុ សមត្ថកិច្ចរង់ចាំទទួលពាក្យបណ្ដឹងពីជនរងគ្រោះនៅថ្ងៃស្អែក និងកសាងសំណុំរឿងបញ្ជូនជនបង្កទៅអធិការដ្ឋាននគរបាលខណ្ឌពោធិ៍សែនជ័យ ដើម្បីចាត់ការទៅតាមនីតិវិធីច្បាប់បន្ត៕
ចែករំលែកព័តមាននេះ