ប្រទេស​ថៃ ៖ តារា​សម្ដែង​ថៃ​ស្រី​ស្រស់​កូន​មួយ អ្នក​នាង Mew Nittha ដោយ​ថ្មី​ៗ​នេះ នៅ​ថ្ងៃ​ទី​០៩ ខែមីនា ឆ្នាំ​២០២៣ តារា​ស្រី​រូប​នេះ​ក៏​បាន​ចេញ​មុខ​មក​និយាយ​បកស្រាយ និង​បាន​ប្រកាស​ក្ដែ​ង​ៗ​សារភាព​ទាំង​គ្មាន​លាក់លៀម​ចំ​ៗ​ថា ខ្លួន​ពិតជា​មានការ​សោកស្តាយ​ជា​ខ្លាំង​នៅ​ពេល​ដែល​បាន​និយាយ​នៅ​ខ្លឹមសារ​មួយ​ចំនួន​។ ហាក់​សម្ដែង​ការ​សោកស្ដាយ​យ៉ាង​ខ្លាំង​នៅ​ពាក្យ​សម្ដី​មួយ​ចំនួន​ដែល​បាន​កើតឡើង​និយាយ​មិន​ចេះ​គិត រហូត​ធ្វើ​អោយ​រឿង​ទាំងនេះ វា​បាន​ប៉ះពាល់​ដល់​អ្នក​នៅ​ជុំវិញ​ខ្លួន​គ្រប់​ៗ​គ្នា​ដូច្នេះ ដែល​ប៉ុន្មាន​ថ្ងៃមុន​នេះ​ពួក​ខ្ញុំ​បាន​បង្កើត​កម្មវិធី​ជា​ក្រុម នៅ​ក្នុង Challenge Channel របស់​កំពូល​តារា​សម្ដែង​ស្រី Mai Davikah ។ ដោយ​ក្នុង​នោះ មាន​តារា​ស្រី Margie Rasri តារា​ស្រី Mew Nittha តារា​ស្រី​Mint Chalida ។

យ៉ាងណាមិញ សម្រាប់​ចូលរួម​នៅ​ក្នុង​កម្មវិធី​ថ្លែង​ជា​លើក​ដំបូង​សម្រាប់​តារា​សម្ដែង​ស្រី​ដែល​មានឈ្មោះ​ល្បីល្បាញ​ប្រចាំ​ប៉ុស្តិ៍​លេខ​៣ របស់​ថៃ អ្នក​នាង Mew Nittha Khuhapremkit នេះ​ដែរ ក៏​មាន​តារា​ស្រី​មួយ​ក្រុម​ចំនួន​៤​នាក់​ដែល​បាន​លេចមុខ​ចូល​ប្រឡូក​នៅ​ក្នុង​ខ្លឹមសារ​ជាមួយ​តារា​ស្រី Mai Davika Hoorne ដែល​បាន​និយាយ​នៅ​ពាក្យ​សម្ដី​ខ្លះ​ៗ​ទៅ​ដល់​អ្នក​ទី​៣​យ៉ាងធ្ងន់ធ្ងរ រហូត​ទាល់តែ​ក្លាយទៅជា​រឿង​ធំ​ដែល​មិន​នឹក​ស្មាន​ដល់​ទាល់តែ​សោះឡើយ​។

ហើយ​ក៏​ចង់​ប្រាប់​ថា ខ្ញុំ​និយាយ​នេះ គ្រាន់តែ​ទុក​មើល​វា​ជា​មេរៀន ដើម្បី​ទៅ​ថ្ងៃក្រោយ​តែ​ប៉ុណ្ណោះ​។ តែ​ក៏​សូម​ផ្ដាំ​ថា មុន​នឹង​និយាយ ប្រយ័ត្ន​ពាក្យ​សម្ដី​របស់​អ្នកផង ព្រោះ​វា​អាច​ធ្វើ​អោយ​ប៉ះពាល់​ដល់​គេ​បាន​។ រហូត​ធ្វើ​អោយ​ប៉ះពាល់​ទៅ​ដល់​អារម្មណ៍​ពុក​ម៉ែ​បងប្អូន​។ ហើយ​ក៏​បាន​ធ្វើ​អោយ​ខ្លួន​ខ្ញុំ​ផ្ទាល់ ហាក់ដូចជា​មិន​ស្រួល​ជាមួយនឹង​អ្វី​ដែល​បាន​កើតឡើង​ផង​ដែរ ដូច្នេះ​ហើយ​ខ្ញុំ​ចង់​សុំ​ទោស​ចំពោះ​ទ​ង្វើ​របស់​ពួក​ខ្ញុំ​ទៅ​កាន់​អ្នក​គ្រប់​គ្នា​ផ្ទាល់ ជា​ចុង​ក្រោយ​ខ្ញុំ​នៅ​តែ​បកស្រាយ និង​និយាយ​ទទូច​ដដែល​ៗ​ថា មិន​មាន​ចេតនា​បង្ខូច​កេរ្តិ៍ឈ្មោះ ឬ​មួយ​ក៏​រួមគំនិត​គ្នា​និយាយដើម​អ្នក​ណា​ម្នាក់​នោះ​ឡើយ​។ ដែល​ពួក​យើង​ធ្វើ​កម្មវិធី​នោះ​ឡើង គ្រាន់តែ​ចង់​ចែករំលែក​នៅ​បទ​ពិសោធន៍​ខ្លះ​ៗ និង​មួយ​ចំនួន​ដែល​ខ្ញុំ​បាន​ជួប​ប្រទះ​ពី​សំណួរ​ដែល​ត្រូវ​បាន​លើក​ឡើង​ដោយ​ចៃដន្យ​តែ​ប៉ុណ្ណោះ​ឯង ហើយ​ក៏​គ្មាន​ន​ណា​ម្នាក់​ចង់​និយាយ​ធ្វើ​អោយ​ប៉ះពាល់​ដល់​មនុស្ស​ម្នាក់​ទៀត​នោះ​ដែរ​។ ហើយ​សម្រាប់​អ្នក​ដែល​ត្រូវ​បាន​ភ្ជាប់​ទៅ​ភាគី​ទី​៣ ដល់​ថ្នាក់​គាត់​មិន​ស្រួល​ក្នុង​ចិត្ត ដូច​ខ្ញុំ​និយាយ​អ​ញ្ចឹ​ង វា​មានការ​គិត​តិច​ពេក​។ ហើយ​ខ្ញុំ​ក៏​មិន​បាន​គិត​ថា ចម្លើយ​របស់​យើង​នឹង​ភ្ជាប់​រឿង​ច្រើន​បែប​នេះនោះ​ទេ ហើយ​វា​ក៏​ជា​មេរៀន​មួយ​ដែល​ត្រូវ​ប្រយ័ត្ន​នឹង​ពាក្យ​សម្ដី មិន​អាច​អោយ​ប៉ះពាល់​ដល់​អ្នក​ដទៃ​បាន​នោះ​ឡើយ​។

បញ្ជាក់ ៖ សម្រាប់​ខ្លួន​តារា​ស្រី​រូប​នេះ​ផ្ទាល់ នាង​មិន​មាន​បញ្ហា​ជាមួយ​អ្នក​ណា​ម្នាក់​នៅ​ក្នុង​វិស័យ​សិល្បៈ​នេះ​ទេ​។ អាច​ធ្វើការ​ជាមួយ​មនុស្ស​គ្រប់​គ្នា ហើយ​ក៏​ជា​ការ​ទទួលស្គាល់​ផង​ដែរ នៅ​មតិ​មួយ​ចំនួន គឺ​វា​ហាក់​មានការ​សា​.​ហាវ​ពេក​។ ប៉ុន្តែ​សូម​ឲ្យ​វា​កន្លង​ផុត​ទៅ​ចុះ ចាប់ពីរ​ថ្ងៃនេះ​តទៅ​៕ ដោយ ៖ សុភា ដា​នេ​ត