ឃើញថា មិនទាន់ចប់ទៅដោយងាយៗ និងស្រួលៗនោះឡើយ ពាក់ព័ន្ធទៅនឹងរឿងរ៉ាវរវាងតារាសម្ដែងស្រី Bella Ranee និងតារាស្រីស្រស់៤ដួងទៀត កំពុងតែក្លាយទៅជាប្រធានបទមួយផ្ទុះការវែកញ៉ែកជាហូរហែ ពាសពេញបណ្ដាញ
ប្រទេសថៃ ៖ ឃើញថា មិនទាន់ចប់ទៅដោយងាយៗ និងស្រួលៗនោះឡើយ ពាក់ព័ន្ធទៅនឹងរឿងរ៉ាវរវាងតារាសម្ដែងស្រី Bella Ranee និងតារាស្រីស្រស់៤ដួងទៀត កំពុងតែក្លាយទៅជាប្រធានបទមួយផ្ទុះការវែកញ៉ែកជាហូរហែ ពាសពេញបណ្ដាញសង្គមឥតឈប់ឈរតែម្ដង។
ក្រោយពីបានលេចចេញឃើញនៅឃ្លីបវីដេអូចាស់ៗកាលពីមុន ដោយក្នុងនោះមានតារាសម្ដែងស្រីកញ្ញា Bella Ranee និងតារាស្រីអ្នកនាង Mew Nittha គេនាំគ្នាតាមដាន និងសង្កេតឃើញថា Bella នាងបានព្យាយាមឈរបាំងមុខរបស់ Mew Nittha ទាំងគ្មានខ្វល់អ្វីដែលនៅជុំវិញខ្លួននោះឡើយ។
ស្របពេលជាមួយគ្នានេះដែរ ក៏ឃើញថា រយៈពេលប៉ុន្មានថ្ងៃមកនេះហាក់ល្បីខ្លាំង បន្ទាប់ពីតួឯកស្រីចំនួន៣រូប ដែលមានឈ្មោះថា តារាស្រីអ្នកនាង Margie Rasri តារាស្រី Mew Nittha និងចុងក្រោយតារាស្រី Mint Chalida ដោយពួកគេបានមកអង្គុយនិយាយជជែកគ្នា នៅក្នុងកម្មវិធីនៅលើ YouTube Channel របស់កំពូលតារាស្រី Mai Davikah ស្របពេលជាមួយគ្នានោះដែរ តារាស្រី Margie និងតារាស្រី Mew ក៏បានបង្ហើបប្រាប់ និយាយពីអ្នកទីបីថា មិនចង់រួមការងារជាមួយតារាស្រីម្នាក់មិនទាន់បានប៉ុន្មានផង។
រហូតដល់ថ្នាក់ធ្វើអោយអ្នកនិយមលេងនៅក្នុងបណ្ដាញទំនាក់ទំនងសង្គមអ៊ីនធើរណេតមិនតិចនាក់នោះឡើយ ហាក់នាំគ្នាមានការងឿងឆ្ងល់គ្រប់ៗគ្នាថា «តើអ្នកទាំងពីរនិយាយគ្នាអំពីអ្នកណា? រួចមក ពួកគេក៏បានដាក់ការសង្ស័យដោយបានភ្ជាប់ជាមួយតារាស្រី Bella Ranee ប្រាកដណាស់ពិតជាមិនខុសនោះឡើយ។
មិនតែប៉ុណ្ណោះ រួមជាមួយនឹងការជីកកកាយនូវឃ្លីបប្លែកៗ ចាស់ៗទាំងប៉ុន្មាន ដែលតារាស្រីទាំងពីរបានធ្វើការជាមួយគ្នានៅក្នុងពិភពប្រព័ន្ធផ្សព្វផ្សាយសង្គមជាច្រើនផងដែរ។ តែអ្វីដែលធ្វើអោយមហាជនសម្ដែងការហួសចិត្តមិនស្ទើទៅវិញនោះ មានឃ្លីបមួយដែលអ្នកនិយមលេងអ៊ីនធើរណេតកំពុងជ្រួលច្របល់ និងពិភាក្សាគ្នាទៅវិញទៅមកមិនឈប់ បន្ទាប់ពីបាននាំគ្នាប្រទះឃើញឃ្លីបមួយ ដែលបានបង្ហាញ និងលាតត្រដាងជាឃ្លីបដែលមានតារាស្រីៗចូលរួមយ៉ាងច្រើនកុះករដោយក្នុងនោះ រួមមាន ៖ « តារាស្រី Bella Ranee តារាស្រី Mew Nittha តារាស្រី Chris Horwang តារាស្រី Kao Suphatsara និងតារាស្រី ce Amena រួមនឹងនៅមានតារាៗជាច្រើននាក់ទៀតដែលបាននៅឈរថតរូបកន្លែងនឹងផងដែរ ហើយស្របពេលដែលកំពុងតែថតរូបជាមួយគ្នា ក៏ស្រាប់តែអ្នកនិយមលេងអ៊ីនធើរណេតក៏បានកត់សម្គាល់មើលឃើញថា «កញ្ញា Bella មិនឈរផ្អៀងខ្លួន ដូចតារាល្បីដទៃទៀតឡើយ។ ប៉ុន្តែឈរត្រង់ទៅខាងមុខ ហើយថតរូបតែម្នាក់ឯង។
ប៉ុន្តែព្រឹត្តិការណ៍ខាងលើនេះ ក៏មានអ្នកលេងអ៊ីនធើរណេតមួយក្រុមទៀត ក៏បានកាន់ជើងនាងនិងបានគិតថា «Bella ឈរបែបនេះ ព្រោះនៅក្នុងព្រឹត្តិការណ៍ នាងគឺជាឯកអគ្គរដ្ឋទូតរបស់ម៉ាក។ ដូច្នេះហើយនាងត្រូវតែឈរនៅកណ្តាល អញ្ចឹងហើយ។ ដែលហេតុការណ៍ដែលបានកើតឡើងនៅក្នុងឃ្លីបនេះ បានធ្វើឱ្យអ្នកនិយមលេងអ៊ីនធើរណេតជជែកគ្នាពេញបណ្ដាញសង្គមតែម្តង៕ ដោយ ៖ សុភា ដានេត
https://www.tiktok.com/@phattarintarin750/video/7205556421293903131?is_from_webapp=1&sender_device=pc&web_id=7074845722890782210
ចែករំលែកព័តមាននេះ