តារាភាពយន្តនិងចម្រៀងចិនលោក Raymond Lam មានរឿងអាស្រូវលើគ្រែជាមួយអតីតមិត្តស្រីជាតារាម៉ូដែលនាងMavis Pan ។ គូស្នេហ៍នេះបានបែកបាក់គ្នាបន្ទាប់ពីនាងដឹងថា Lam ក្បត់នាងកាលពីថ្ងៃទី៩ មីនា ពេលពួកគេនៅក្នុងសណ្ឋាគារនាទីក្រុងប៉េកាំងដោយនាងបានរកឃើញរូបស្ត្រីម្នាក់ផ្សេងទៀតក្នុងទូរស័ព្ទដៃរបស់ Lam។ នេះបើតាមសម្តីរបស់នាង ហើយនាងបានប្រាប់សារព័ត៌មានហុងកុងថា៖« ពេលដែលខ្ញុំនិយាយថាចង់សុំបែកនោះ គាត់មិនដែលនិយាយចង់បែកជាមួយខ្ញុំទេ។ ខ្ញុំសង្ស័យថា Lam មានណាត់ជាមួយនារីប្រហែល៣នាក់ផ្សេងទៀតពីក្រោយខ្នងខ្ញុំ។ មានសារព័ត៌មានជាច្រើននិយាយថា លោកLam ជឿមនុស្សខុស ខ្ញុំពិតជាមានអារម្មណ៍ថាខ្លួនខ្ញុំទៅវិញទេដែលបានជួបមនុស្សខុស។ ជាងនេះទៅទៀត មានរូបថតជាច្រើនសន្លឹករបស់នាងRose Chan និងលោកLam ដែល មើលទៅដូចជាស្និទ្ធស្នាលប្រៀបដូចសង្សារនិងបង្ហាញថា នាងChan ជាមនុស្សទី៣រវាងនាងMavis Pan និងលោកLam »។ នាពេលថ្មីៗនេះ ក៏មានរឿងអាស្រូវជុំវិញ វីដេអូសិចរបស់Lamជាមួយនារីផ្សេងទៀតដែលនាងPanបានរកឃើញក្នុងទូរស័ព្ទដៃរបស់Lamដែរ។ ក្នុងនោះមានវីដេអូចំនួន២របស់នារីសិចស៊ី ដែលមានឮសំឡេងដូចលោកLam។ លោកRaymond Lam តារាភាពយន្តវ័យ៣១ឆ្នាំ បានចេញមកអះអាងថា គាត់មិនបានដឹងពីរឿងវីដេអូមិនសមរម្យទាំងនោះឡើយ ហើយក៏មិនបកស្រាយអ្វីទាំងអស់ពីការចោទប្រកាន់របស់នាងLamអតីតមិត្តស្រីដែរ។ គាត់បន្តថា ៖«ខ្ញុំពិតជាឈឺចាប់ខ្លាំងណាស់ ប្រសិនបើខ្ញុំពិតជាបានធ្វើអ្វីមួយបណ្តាលឱ្យឈឺចាប់ដល់នាងពេលយើងទាំងពីរនៅជាមួយគ្នា។ ប៉ុន្តែនោះគ្រាន់តែជាផែនការសងសឹក ខ្ញុំយល់ព្រមទទួល ។ រឿងដែលបានកើតឡើងកន្លងទៅ បានធ្វើឱ្យមនុស្សដែលនៅជុំវិញខ្លួនខ្ញុំនិងនាងមានការព្រួយបារម្ភ ខ្ញុំសូមអភ័យទោស។ គាត់បន្តថា ប្រសិនបើមនុស្សពីរនាក់ពិតជាស្រឡាញ់គ្នា មិនចាំាបាច់អ្វីដើរតាមផ្លូវនេះនោះទេ។ ពេលនេះខ្ញុំមានផែនការផ្តោតអារម្មណ៍លើបញ្ហាការងារ។ មិនថាខ្ញុំមានអារម្មណ៍បែបណាទេ ខ្ញុំមានការងារនៅក្នុងដៃ ខ្ញុំត្រូវខិតខំឱ្យអស់ពីសមត្ថភាព។ វាជាការងារសម្តែងរបស់ខ្ញុំ និងជាការទទួលខុសត្រូវរបស់ខ្ញុំផងដែរ» ។ ដោយឡែក តារាភាពយន្តស្រីដែលត្រូវគេសង្ស័យថាជាមនុស្សទី៣នាង Rose chanដែលបានស្គាល់គ្នាជាមួយLam តាមរយៈខ្សែភាពយន្តThe Legend is Born-Ip Man បានបញ្ចេញអារម្មណ៍ថា រូបនាងមិនមានការអាក់អន់ចិត្តចំពោះរឿងអាស្រូវជាមួយលោកLamទេ។ នាងពន្យល់ថា ៖«យើងគ្រាន់តែជាមិត្តរួមការងារ ចំណែករូបថតគឺថតពេលយើងទាំងពីរនាក់នៅជាមួយគ្នាក្នុងពេលធ្វើការងារ។ ចំណែករឿងរវាងLamនិងChan ខ្ញុំមិនអាចមានអ្វីមកកែខៃបានឡើយ »។
ចែករំលែកព័តមាននេះ