កម្រនឹងឃើញ ! ផ្កាឈូកទឹកកកល្បីក្នុងរឿងចិន ដុះលើភ្នំដ៏ខ្ពស់ ចំណាយពេល៨ឆ្នាំ ទើបរីកម្តង
ផ្កាឈូកទឹកកក មានឈ្មោះជាភាសាអង់គ្លេសថា Snow lotus flower ត្រូវបានគេដឹងថា ដុះនៅរយៈកម្ពស់ពី 3,000 ទៅ 4,000…
ផ្កាឈូកទឹកកក មានឈ្មោះជាភាសាអង់គ្លេសថា Snow lotus flower ត្រូវបានគេដឹងថា ដុះនៅរយៈកម្ពស់ពី 3,000 ទៅ 4,000 ម៉ែត្រ ជាមួយនឹងស្លឹកពណ៌ស នៅទីកន្លែងដែលមានសីតុណ្ហភាពត្រជាក់បំផុត ទើបផ្កាមួយនេះដុះរីកលូតលាស់បានល្អ ។
ជាការពិត ផ្កាឈូកទឹកកក ដែលល្បីក្នុងរឿងនិទានចិនចំណាយពេល 6 ទៅ 8ឆ្នាំ ដើម្បីរីកដុះដាល ។ ជាធម្មតារីក នៅក្នុងខែកក្កដា និងសីហា ហើយនៅពេលដែលវាកើតឡើង វាបង្កើតបាននូវទិដ្ឋភាពដ៏គួរឱ្យភ្ញាក់ផ្អើលមួយ នៅតាមបណ្តោយបន្ទាត់ព្រិល ។ វាមិនត្រឹមតែស្រស់ស្អាតប៉ុណ្ណោះទេ ។ ប៉ុន្តែវាក៏ជារុក្ខជាតិឱសថដ៏មានតម្លៃផងដែរ ក្នុងការព្យាបាលជំងឺរបស់មនុស្ស ដែលគេគិតថា ជាពពួកធម្មជាតិអស្ចារ្យបំផុត ។
ផ្កាឈូកទឹកកក ឬតំបន់ខ្លះគេហៅ ផ្កាឈូកព្រិលនេះ ។ វាដុះនៅរយៈកម្ពស់ខ្ពស់នៅភ្នំ Tianshan នៃតំបន់ Xinjiang ប្រទេសចិន នៅកម្ពស់ 4,000 ម៉ែត្រ ឬ (13,000 ft) ។ ផ្កាឈូកទឹកកក វាជាឱសថដ៏កម្រមួយ ដែលមានកេរ្តិ៍ឈ្មោះសម្រាប់លក្ខណៈសម្បត្តិជាឱសថ ជាពិសេសនៅក្នុងឱសថបុរាណ និងឱសថចិន ។ សម្រាប់មនុស្សជាច្រើន ភ្នំ Tianshan ដ៏ស្រស់ស្អាតគួរឱ្យចាប់អារម្មណ៍នៅក្នុងតំបន់ស្វយ័ត Xinjiang Uygur ត្រូវបានបង្កប់ដោយអំណាចអាថ៌កំបាំង ។
ទឹកនៃបឹង Tianchi គឺជាកន្លែងរបស់ព្រះ និងផ្កាឈូកព្រិលពណ៌ស ដ៏អស្ចារ្យ ។ រុក្ខជាតិ Snow lotus flower គឺជាប្រភេទរុក្ខជាតិផ្កា ដែលមានកម្ពស់ខ្ពស់ ធន់ និងមានភាពកម្រ ជាទូទៅត្រូវបានរកឃើញនៅក្នុងតំបន់ហិម៉ាឡៃយ៉ា ទីបេ និងភាគខាងលិចប្រទេសចិន ។
កម្ពស់របស់វាលើសពី 4,000 ម៉ែត្រ ។ ផ្កាដែលបង្ហាញឱ្យឃើញរបស់វាជាធម្មតាមានពណ៌ស ឬពណ៌ស្វាយស្លេក ស្រដៀងនឹងផ្កាឈូក ហើយបើកតែម្តងប៉ុណ្ណោះ មុនពេលរុក្ខជាតិបញ្ចប់វដ្តជីវិតរបស់វា ។
Snow Lotus ដុះនៅតាមប្រហោងថ្ម និងវាលស្មៅភ្នំ ហើយត្រូវបានគេវាយតម្លៃខ្ពស់ក្នុងឱសថបុរាណសម្រាប់លក្ខណៈសម្បត្តិព្យាបាលដ៏មានឥទ្ធិពលរបស់វា ។
ទៀតសោត Snow lotus flower ជាឱសថ ដែលប្រឆាំងនឹងការរលាក សារធាតុប្រឆាំងអុកស៊ីតកម្ម ជាថ្នាំប្រឆាំងនឹងរោគផ្សេងៗ អាចបញ្ចុះកម្តៅក្នុងរាងកាយ ពង្រឹងតម្រងនោម កាត់បន្ថយបញ្ហា ឈឺសន្លាក់ និងអស់កម្លាំង ។ មិនតែប៉ុណ្ណោះ ផ្កាមួយប្រភេទនេះ ធ្វើអោយមានតុល្យភាពផ្លូវចិត្ត និងបន្ធូរអារម្មណ៍មិនស្រួលក្នុងការរំលាយអាហារ ធ្វើឲ្យប្រសើរឡើងនូវភាពរស់រវើក និងការព្យាបាលបញ្ហាផ្លូវដង្ហើម ។ អត្ថបទនេះ ដកស្រង់ចេញ Tianshannet និង Netmeds ៕ ដោយ៖លីហួ គីមឆាយ
ចែករំលែកព័តមាននេះ