រាជធានីភ្នំពេញ ៖ មហាជន ជាពិសេស អ្នកលេងបណ្តាញសង្គមបានសម្តែងការភ្ញាក់ផ្អើល បន្ទាប់ពីគេឃើញតារាសម្តែងស្រីវ័យក្មេងនាង ជី ឈីងលីន បានបង្ហាញស្លាកស្នាមរបួសស្ទើរជុំវិញខ្លួន ដោយសារត្រូវគូស្នេហ៍វាយដុំ…
រាជធានីភ្នំពេញ ៖ មហាជន ជាពិសេស អ្នកលេងបណ្តាញសង្គមបានសម្តែងការភ្ញាក់ផ្អើល បន្ទាប់ពីគេឃើញតារាសម្តែងស្រីវ័យក្មេងនាង ជី ឈីងលីន បានបង្ហាញស្លាកស្នាមរបួសស្ទើរជុំវិញខ្លួន ដោយសារត្រូវគូស្នេហ៍វាយដុំ ។
យ៉ាងណា តារាស្រីដែលជាចៅរបស់តារាកំប្លែងនាយ កុយ រូបនេះ មិនបានបញ្ជាក់ពីដើមហេតុដែលនាំអោយផ្ទុះអំពើហិង្សា រហូតធ្វើអោយនាងមានស្នាមរបួសពេញខ្លួននោះឡើយ ប៉ុន្តែនាងសម្រេចចិត្តទម្លាយរឿងរ៉ាវមួយនេះជាសាធារណៈឡើង ក្នុងពេលដែលនាងគិតថា អស់ការអត់ធ្មត់ជាមួយនឹងគូស្នេហ៍ ។
តាមរយៈរូបភាពបង្ហាញស្នាមរបួសពេញខ្លួនបង្ហោះតាមបណ្តាញសង្គម ជី ឈីងលីន បានភ្ជាប់ជាមួយនឹងសំណេរថា «សម្រាប់ខ្ញុំប៉ុណ្ណឹងក៏គ្រប់គ្រាន់សម្រាប់ការបញ្ចប់នៅទំនាក់ទំនងមួយនេះ ហើយក៏គ្មានថ្ងៃដែលខ្ញុំទៅយកសំរាមត្រឡប់មកចូលផ្ទះវិញដែរ ហើយក៏គ្មានអ្វីដែលខ្ញុំត្រូវស្ដាយស្រណោះដែរ ដែលខ្ញុំត្រូវបានបង់មនុស្សដែលមើលមិនឃើញពីរតម្លៃខ្ញុំបែបនេះ ។
នាងបន្តថា ពីមុនអាចនឹងមកពីខ្ញុំគេស្រលាញ់ខ្លាំង ទើបតែងតែទ្រាំនូវទង្វើដ៏សែនថោកទាបមួយនេះ រហូតមកស្ទើរតែបាត់បង់ជីវិត បាត់បង់ទាំងភាពកក់ក្ដីសម្រាប់គ្រួសារ ល្មមភ្ញាក់ខ្លួនហើយថា កំពុងតែព្យាយាមអោយគេស្គាល់សន្តានអ្នកកាន់តែច្បាស់ហើយ គួរអោយសង្វេគខ្លួនអត់0x017d7 កុំបាច់ខំអី ទោះជានៅក្នុងលោកនេះ សល់តែម្នាក់ក៏ខ្ញុំអត់យកវិញដែរ ព្រោះខ្ញុំបានកាត់អ្នកចេញពីបេះដូងខ្ញុំតាំងពីរថ្ងៃ ដែលដឹងថាអ្នកព្យាយាមបំផ្លាញខ្ញុំគ្រប់វិធី ។
បញ្ជាក់ខ្ញុំអត់មានត្រូវជាអី ឬទាក់ទងជាមួយម្នាក់នេះទៀតទេ កុំមករញ៉ៃរញ៉ៃជាមួយជីវិតខ្ញុំទៀតព្រោះវាអត់តម្លៃសោះ យល់នៅប៉ុណ្ណឹងសំរាម ទោះគេរើសយកមកលាងសំអាតម៉េចក៏វានៅតែមានក្លិនស្អុយរលួយដែរ។
មុនខ្ញុំបើកចិត្តយកអ្នកថ្មី ខ្ញុំយំ ខ្ញុំឈឺ ខ្ញុំសម្លាប់ខ្លួន អ្នកកំពុងអោបស្រី គេមកប្រាប់ខ្ញុំឃើញអ្នកទៅផ្ទះសំណាក់ជាមួយស្រី ផ្លូវចិត្តខ្ញុំខ្ទេចអស់ហើយ ខ្ញុំមិនផុសមិនបង្ហោះខ្ញុំខ្មាស់គេ មនុស្សធ្លាប់ស្រលាញ់តែចុងក្រោយ អ្នកមិនគិតដូចខ្ញុំ អ្នកចង់បំផ្លាញខ្ញុំ តែខ្ញុំមិនបានខុសអ្នកនិយាយខុសការពិត ហើយកុំយករឿងអតីតខ្ញុំមកនិយាយ ព្រោះវាគ្រាន់តែជារឿងអតីត ដឹងត្រឹមថា ខ្ញុំអត់ចេះរស់នៅដោយសាមនុស្សប្រុសទេ វាថោក កុំព្យាយាមបង្ហាញចរឹកកាន់តែគួរអោយសង្វែកអី ព្រោះបំភ្លៃនិងកុហក់គេបានតែអត់អាចកុហក់ខ្លួនឯងបានទេ។
ខ្ញុំសុំដើរចេញទាំងស្ងប់ស្ងាត់ ខ្ញុំចង់ប្រើជីវិតមួយដែលមានមនុស្សប្រុសម្នាក់ល្អ តែអ្នកមិនព្រមចប់ទេ ចឹងខ្ញុំមិនលាក់រឿងនឹងទៀតទេ នៅមានភាគត ៕
ចែករំលែកព័តមាននេះ