មូលហេតុបណ្តាលឱ្យមាត់មានក្លិនស្អុយ
បញ្ហាក្លិនមាត់ជាផ្នែកមួយដ៏សំខាន់ទាមទារឱ្យលោកអ្នកត្រូវតែយកចិត្តទុកដាក់ឱ្យបានខ្ពស់បំផុត ។ ការទាក់ទងជាមួយអ្នកដទៃអាចនឹងល្អប្រសើរ ប្រសិនបើលោកអ្នកពុំមានបញ្ហាក្លិនក្នុងមាត់ ។
បញ្ហាក្លិនមាត់ជាផ្នែកមួយដ៏សំខាន់ទាមទារឱ្យលោកអ្នកត្រូវតែយកចិត្តទុកដាក់ឱ្យបានខ្ពស់បំផុត ។ ការទាក់ទងជាមួយអ្នកដទៃអាចនឹងល្អប្រសើរ ប្រសិនបើលោកអ្នកពុំមានបញ្ហាក្លិនក្នុងមាត់ ។
លោកសាស្ត្រាចារ្យទន្តបណ្ឌិតគាម ប៊ន ឯកទេសផ្នែកជំងឺមាត់ធ្មេញនៃ«មន្ទីរពេទ្យធ្មេញគាម ប៊ន »ឱ្យដឹងថា បញ្ហាក្លិនមាត់ គឺចង់សំដៅទៅលើមាត់ដែលមានក្លិនមិនល្អ ។ ក្លិនដែលមិនល្អនេះបណ្ដាលមកពីកត្ដាច្រើនយ៉ាងដូចជា៖
-អាចបណ្តាលមកពីបញ្ហាដង្កូវស៊ីធ្មេញ មិនព្យាបាល ធ្វើឱ្យអាហារនៅជាប់ក្នុងធ្មេញ ធ្វើឱ្យស្អុយ ។
-បណ្តាលមកពីអ្នកមានជំងឺរាក់ស៊ីធ្មេញ ។
-បណ្តាលមកពីការគ្មានអនាម័យមាត់ធ្មេញ ។
-បណ្តាលមកពីការប្រើប្រាស់ធ្មេញពាក់ ។
-បណ្តាលមកពីអ្នកដែលមានធ្មេញដុះមិនត្រង់ជួរ ហើយពិបាកបិទមាត់ពេលដេក ។
-បណ្តាលមកពីកាក់សំណល់ជាប់អណ្តាត ។
-បណ្តាលមកពីបញ្ហាឈឺក្រពះ ។
-បណ្តាលមកពីដេកស្រមុក ។
-បណ្តាលមកពីបញ្ហាឈឺកជាដើម ។
ទាំងនេះគឺជាមូលហេតុបង្កឱ្យមាត់មានក្លិនមិនល្អ ពិបាកក្នុងការទាក់ទងជាមួយអ្នកដទៃ ព្រោះនៅពេលនិយាយទៅកាន់អ្នកណាម្នាក់ ខ្យល់ដែលបញ្ចេញទៅនោះជាខ្យល់មានក្លិនមិនល្អទៅលើអ្នកដែលនៅជុំវិញខ្លួន ពិសេសអ្នកដែលនិយាយទៅកាន់តែម្ដង ។
ដើម្បីការពារកុំឲ្យមានក្លិនស្អុយក្នុងមាត់ត្រូវស្វែងរកមូលហេតុឱ្យបានច្បាស់លាស់ ហើយព្យាបាលជាមួយគ្រូពេទ្យជំនាញ ទើបអាចចៀសផុតពីបញ្ហាក្លិនក្នុងមាត់បាន ។ ពិសេសត្រូវតែសំអាតមាត់ ធ្មេញឱ្យបានក្នុងមួយថ្ងៃ៣ដង ឬយ៉ាងតិច២ដង ។ ត្រូវចេះជ្រើសរើសផលិតផលថែរក្សាធ្មេញឱ្យបានត្រឹមត្រូវ និងទៅពិនិត្យសុខភាពមាត់ឱ្យបាន១ឆ្នាំ២ដងទើបប្រសើរ ។
ការប្រើប្រាស់ស្ករគ្រាប់បំបាត់ក្លិនមាត់ក៏ជាប្រការល្អ ប៉ុន្តែបើមានបញ្ហាក្លិនមាត់ខ្លាំង គួរតែប្រញាប់ស្វែងរកអ្នកជំនាញមាត់ ធ្មេញ ឬផ្នែកក្រពះពោះវៀន ដើម្បីស្វែងរកមូលហេតុ និងព្យាបាលឱ្យបានទាន់ពេលវេលា ៕
ចែករំលែកព័តមាននេះ