ឡានព្រូសបង្កគ្រោះតាមផ្លូវ ស្លា.ប់មន្ត្រីយោធា២នាក់ និងរបួសធ្ងន់សិស្សសាលា២នាក់
ខេត្តបន្ទាយមានជ័យ ៖ រថយន្តព្រុសរ៉េចង្កូតទៅបុ.កម៉ូតូ២គ្រឿង និងរថយន្តធំ១គ្រឿងទៀត
ខេត្តបន្ទាយមានជ័យ ៖ រថយន្តព្រុសរ៉េចង្កូតទៅបុ.កម៉ូតូ២គ្រឿង និងរថយន្តធំ១គ្រឿងទៀត
ខេត្តបន្ទាយមានជ័យ ៖ រថយន្តព្រុសរ៉េចង្កូតទៅបុ.កម៉ូតូ២គ្រឿង និងរថយន្តធំ១គ្រឿងទៀត បណ្តាលឱ្យស្លា.ប់មន្ត្រីយោធា២នាក់ និងរបួសធ្ងន់សិស្សសាលាចំនួន២នាក់ កាលពីរសៀលថ្ងៃទី០១ ខែមីនា ឆ្នាំ២០២៣ នៅខាងកើតជញ្ជីងកូនដំរី ស្ថិតភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។
មន្ត្រីនគរបាលចរាចរណ៍ជើងគោកក្រុងប៉ោយប៉ែតបានប្រាប់ថា មុនពេលកើតហេតុ រថយន្តព្រូសមួយគ្រឿង ពាក់ផ្លាកលេខ ភ្នំពេញ 2AG.5701 មានអ្នករួមដំណើរ៣ទៅ៤នាក់ បានធ្វើដំណើរតាមបណ្តោយផ្លូវជាតិលេខ៥ ក្នុងទិសដៅពីកើតមកលិចក្នុងល្បឿនលឿន បានរ៉េចង្កូតទៅបុ.កអ្នកជិះម៉ូតូម៉ាក់វ៉ាវ ស៊េរីថ្មី បណ្តាលឱ្យមន្ត្រីយោធា២នាក់បានស្លា.ប់បាត់បង់ជីវិតនៅកន្លែងកើតហេតុ ហើយរុញទៅបុ.កម៉ូតូហុងដាឌ្រីម ដែលជិះដោយសិស្សសាលា២នាក់ បណ្តាលឱ្យរបួសធ្ងន់ម្នាកបែកប្រអប់ជើង ហើយទៅបុ.ករថយន្តម៉ាក់ហ៊ីយ៉ាន់ដាយ ពាក់ផ្លាក់លេខ បាត់ដំបង 3A-2833 មានដឹកអង្ករ ក្នុងទិសដៅស្របគ្នា បណ្តាលអោយរថយន្តព្រូសរងការខូចខាតខ្ទេច ។
មន្ត្រីនគរបាលចរាចណ៍បានបញ្ជាក់ថា ក្រោយធ្វើការវាស់វែង រថយន្តបង្កជារថយន្តព្រូសដែលជិះរថយន្តបែកកង់ក្រោយខាងឆ្វេង ហើយដាក់កងសាគួ ហើយបើកបងក្នុងល្បឿនលឿន ទើបបង្កឱ្យរ៉េចង្កូតទៅបុ.កម៉ូតូ២គ្រឿង បណ្តាលឱ្យស្លា.ប់២នាក់ភ្លាមៗនៅនឹងកន្លែង គឺជាមន្ត្រីយោធាសឹករងស្រុកម៉ាឡៃ និងសិស្សចំនួន២នាក់របួសធ្ងន់ត្រូវបានសង្គ្រោះបន្ទាន់ និងខូចខាតរថយន្តព្រូសដែលជារថយន្តបង្កទាំងស្រុង និងម៉ូតូ២គ្រឿង និងរថយន្តធុនធំមួយគ្រឿងម៉ាកហ៊ីយ៉ាន់ដា ផ្នែកខាងក្រោយបន្តិច។
មន្ត្រីចរាចរណ៍បានបញ្ជាក់ថា ក្រោយធ្វើការវាស់វែងរួចហើយ បានយករថយន្តបង្ក១គ្រឿងនិងម៉ូតូ២គ្រឿងខូចខាត និងអ្នកបើកបររថយន្តព្រូស និងអ្នករួមដំណើរយកទៅអធិការដ្ឋាននគរបាលក្រុងប៉ោយប៉ែត ដើម្បីអនុវត្តន៍តាមច្បាប់ ។ ដោយឡែកជនរងគ្រោះដែលស្លា.ប់២នាក់ជាមន្ត្រីយោធាតំបន់ប្រតិបត្តិការរងស្រុកម៉ាឡៃ ត្រូវបានរថយន្តសង្គ្រោះរបស់អង្គភាព ដឹកទៅទីបញ្ជាការដ្ឋានយោធាតំបន់ប្រតិបត្តិការសឹករងខេត្តបន្ទាយមានជ័យ ដើម្បីរៀបចំធ្វើបុណ្យតាមប្រពៃណី៕
ចែករំលែកព័តមាននេះ