ប៉ូលិសឃាត់ខ្លួនជនសង្ស័យ៥នាក់ និងវត្ថុតាងបញ្ជូនទៅតុលាការ
ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកម្រិតស្រាល បានសហការជាមួយកម្លាំងការិយាល័យអន្តរាគមន៍
ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកម្រិតស្រាល បានសហការជាមួយកម្លាំងការិយាល័យអន្តរាគមន៍
ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកម្រិតស្រាល បានសហការជាមួយកម្លាំងការិយាល័យអន្តរាគមន៍ ចុះប្រតិបត្តិការតាមគោលដៅនៅវេលាម៉ោង០៤និង៣០នាទីទាបភ្លឺ ឈានចូលថ្ងៃទី២២ ខែសីហា ឆ្នាំ២០១៧ ក៏បានប្រទះឃើញ មនុស្សប្រុសស្រីចំនួន៥នាក់ មានការសង្ស័យ ក៏ធ្វើការហៅសួរនាំ ខណៈពេលនោះ ក្រុមនោះក៏បាននាំគ្នារត់ ទើបកម្លាំងធ្វើការដេញប្រមាញ់រហូតឈានដល់ធ្វើឃាត់ខ្លួនបានភ្លាមៗ រួចយកមកសួរនាំនៅការិយាល័យជំនាញតែម្តង ។
លោកវរសេនីយ៍ឯក ភឹង ចិន្តារ៉េត ស្នងការរងខេត្ត ទទួលផែនបទល្មើសព្រហ្មទណ្ឌ បានប្រាប់ថា ៖ បន្ទាប់ពីកម្លាំងរបស់យើង បានធ្វើការឃាត់ខ្លួន និងសួរនាំរួចមក ជនសង្ស័យ ប្រុសស្រីទាំង៥នាក់ បានសារភាពថា ពួកគេបានធ្វើសកម្មភាពលួចយកទូរស័ព្ទដៃរបស់ភ្ញៀវបរទេស ម៉ាក Huawei ពណ៌មាស ចំនួនមួយគ្រឿង កាលពីថ្ងៃទី១៥ ខែសីហា ឆ្នាំ២០១៧ ស្ថិតនៅចំណុចផ្សាររាត្រី (ផប់ ស្ទ្រីត) ក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប ខេត្តសៀមរាប រួចបម្រុងយកទៅលក់យកលុយចែកគ្នា ប៉ុន្តែត្រូវសមត្ថកិច្ចឃាត់ខ្លួនបានតែម្តង ។
លោកបានបញ្ជាក់បន្ថែមថា ៖ ជនសង្ស័យប្រុសស្រីទាំង៥នាក់មាន ទី១.ឈ្មោះ ហ៊ុន យឿង ភេទប្រុស អាយុ២៧ឆ្នាំ ស្នាក់នៅបន្ទប់ជួលភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប, ទី២.ឈ្មោះ វៀត សុភាព ភេទស្រី អាយុ៣២ឆ្នាំ ស្នាក់នៅបន្ទប់ជួលភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប, ទី៣.ឈ្មោះ ទូច ជីងចក់ ភេទស្រី អាយុ៣៤ឆ្នាំ ស្នាក់នៅបន្ទប់ជួលភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប, ទី៤.ឈ្មោះ រ៉េត ញ៉ាញ់ ភេទស្រី អាយុ១៨ឆ្នាំ ស្នាក់នៅបន្ទប់ជួលភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប, និងទី៥.ឈ្មោះ សេក សុវណ្ណគង្គា ហៅណយ ភេទប្រុស អាយុ១៨ឆ្នាំ ទីលំនីបច្ចុប្បន្នភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប ។
ក្រោយពីកម្លាំងជំនាញបានឃាត់ខ្លួន ព្រមទាំងបានដកហូតវត្ថុតាងរួមមាន ទូរស័ព្ទដៃម៉ាក Huawei ពណ៌មាស ចំនួនមួយគ្រឿង ។ បច្ចុប្បន្ន ជនសង្ស័យប្រុសស្រីទាំង៥នាក់ និងវត្ថុតាងត្រូវបានកម្លាំងជំនាញរៀបចំកសាងសំណុំរឿងបញ្ជូនទៅសាលាដំបូងខេត្តសៀមរាប ដើម្បីចាត់ការតាមនីតិវិធី ៕
ចែករំលែកព័តមាននេះ