រយៈពេល២ថ្ងៃ សិស្សសាលាដួលសន្លប់ជាបន្តបន្ទាប់ប្រមាណជិត១០នាក់ (មានវីដេអូ)
- សៀមរាប
រយៈពេល២ថ្ងៃ សិស្សសាលាអនុវិទ្យាល័យដានរុន និងបឋមសិក្សារិនកណ្តាល បានដួលសន្លប់ជាបន្តបន្ទាប់ប្រមាណជិត១០នាក់ ហើយក៏បានដឹកមក
ខេត្តសៀមរាប ៖ រយៈពេល២ថ្ងៃ សិស្សសាលាអនុវិទ្យាល័យដានរុន និងបឋមសិក្សារិនកណ្តាល បានដួលសន្លប់ជាបន្តបន្ទាប់ប្រមាណជិត១០នាក់ ហើយក៏បានដឹកមកសង្គ្រោះបន្ទាន់នៅមណ្ឌលសុខភាពដានរុន និងត្រូវបានត្រឡប់ទៅផ្ទះវិញអស់ហើយ។ ហេតុការណ៍ដួលសន្លប់បង្កការភ្ញាក់ផ្អើលរយៈពេល២ថ្ងៃនេះ បានកើតឡើងនៅព្រឹកថ្ងៃទី២៣ និងថ្ងៃទី២៤ ខែកុម្ភៈ ឆ្នាំ២០២៣ ស្ថិតនៅក្នុងបរិវេណសាលាអនុវិទ្យាល័យ ដានរុន និង បឋមសិក្សារិនកណ្តាល ក្នុងភូមិដានរុនខាងត្បូង ឃុំដានរុន ស្រុកសូទ្រនិគម ខេត្តសៀមរាប។
បើតាមប្រភពពីសមត្ថកិច្ចមូលដ្ឋានបានឱ្យដឹងថា នៅក្នុងឃុំដានរុន មានសិស្ស អនុវិទ្យាល័យ ដាន រុន បានដួលសន្លប់ជាបន្តបន្ទាប់រយៈពេល២ថ្ងៃ គឺចាប់ថ្ងៃទី២៣ និងថ្ងៃទី២៤ ខែកុម្ភៈ ឆ្នាំ២០២៣នេះ ក្នុងនោះមាននៅថ្ងៃទី២៣ ខែកុម្ភៈ មានសិស្សថ្នាក់ទី៨ ចំនួន៧នាក់ (ប្រុសម្នាក់) និងថ្នាក់ទី៩ ម្នាក់ជាស្រី ហើយត្រូវបានដឹកទៅសង្គ្រោះបន្ទាន់នៅមណ្ឌលសុខភាពដានរុន ប៉ុន្តែត្រឡប់ទៅផ្ទះវិញអស់ហើយនៅម៉ោងប្រមាណជា៣រសៀលថ្ងៃខែឆ្នាំដដែល។
ប្រភពដដែលបញ្ជាក់ថា ចំពោះនៅក្នុងថ្ងៃទី២៤ ខែកុម្ភៈនេះវិញ ក៏មានសិស្សថ្នាក់ទី៧ ចំនួន២ នាក់ (ស្រីទាំង២) សង្គ្រោះបឋម គឺយកប្រេងក្រឡាដាក់ច្រមុះឱ្យហិត ហើយក៏ដឹងខ្លួន រួចត្រឡប់ទៅផ្ទះវិញហើយ។ ចំពោះមូលហេតុដែលសិស្សសាលាទាំងអស់នោះសន្លប់ គឺមកពីឃើញសិស្សម្នាក់ស្រែកយំដូចខ្មោចចូល ហើយក៏ដួលសន្លប់ត.ៗគ្នាតែម្តង។
បើតាមប្រភពពីលោកគ្រូពេទ្យមណ្ឌលសុខភាពដានរុន បានប្រាប់នៅរសៀលថ្ងៃទី២៤ ខែកុម្ភៈ ឆ្នាំ២០២៣នេះថា សិស្សសាលាដែលដួលសន្លប់ដឹកយកមកសង្គ្រោះនៅមណ្ឌលសុខភាពដានរុននេះ ត្រូវបានឱ្យត្រឡប់ទៅផ្ទះវិញអស់ហើយ។ មូលហេតុ គឺសិស្សសាលាទាំងនោះ មកពីខ្វះជាតិកាស្យូម។
ចំណែកពលរដ្ឋដែលរស់នៅក្នុងឃុំដានរុន ស្រុកសូទ្រនិគម បាននិយាយផ្សេងៗគ្នា ដោយខ្លះនិយាយថា «ខ្មោចចូល» និងខ្លះទៀតក៏បាននិយាយថា «នាំគ្នាទៅលេងបាល់ទាត់ ហើយត្រឡប់មកចូលសាលារៀនវិញ ផឹកទឹក បណ្តាឱ្យស្ទះខ្យល់ក៏ដួលសន្លប់ ហើយខណៈពេលនោះ សិស្សដែលនៅជិតឃើញមិត្តភក្តិដួល ក៏ដួល.តៗគ្នាតែម្តងទៅ»៕
ចែករំលែកព័តមាននេះ