ចាប់បានចោរមួយសម្បុក
ខេត្តបន្ទាយមានជ័យ ៖ ជនសង្ស័យ៣នាក់ ក្នុងចំណោម៤នាក់ ដែលសកម្មខាងលួចម៉ូតូអ្នកស្រុក ត្រូវបាននគរបាលក្រុងប៉ោយប៉ែត ក្របួចបានទាំងសម្បុក
ខេត្តបន្ទាយមានជ័យ ៖ ជនសង្ស័យ៣នាក់ ក្នុងចំណោម៤នាក់ ដែលសកម្មខាងលួចម៉ូតូអ្នកស្រុក ត្រូវបាននគរបាលក្រុងប៉ោយប៉ែត ក្របួចបានទាំងសម្បុក
ខេត្តបន្ទាយមានជ័យ ៖ ជនសង្ស័យ៣នាក់ ក្នុងចំណោម៤នាក់ ដែលសកម្មខាងលួចម៉ូតូអ្នកស្រុក ត្រូវបាននគរបាលក្រុងប៉ោយប៉ែត ក្របួចបានទាំងសម្បុក កាលពីវេលាម៉ោងជាង០១ទាបភ្លឺ ថ្ងៃទី១៧ ខែសីហា ឆ្នាំ២០១៧ នៅក្នុងភូមិ និងសង្កាត់ក្រុងប៉ោយប៉ែត ។
ជនសង្ស័យទាំង៤មានម្នាក់ពាក់ព័ន្ធប្រើប្រាស់ថ្នាំញៀន ប៉ុន្តែឃាត់ខ្លួនក្នុងហេតុការណ៍តែមួយ ។ នគរបាលក្រុងប៉ោយប៉ែតប្រាប់ថា ៖ មុនពេលឃាត់ខ្លួនជនសង្ស័យ៣នាក់ បានធ្វើសកម្មភាពលួចម៉ូតូមួយគ្រឿងម៉ាក Moove ពណ៌ខ្មៅលាយស មិនស្គាល់ស៊េរី ពីផ្ទះជួលមួយកន្លែង ក្នុងភូមិក្បាលស្ពាន០១ ដែលម្ចាស់ម៉ូតូឈ្មោះ ម៉េង មុន្នីរក្ស ភេទប្រុស អាយុ៤៩ឆ្នាំ ជានាយរងសង្កាត់រដ្ឋបាលជលផលក្រុងប៉ោយប៉ែត ហើយនាំគ្នាបណ្តើយកទៅភូមិប៉ោយប៉ែត ។
សមត្ថកិច្ចបន្តថា ៖ លុះទទួលសេចក្តីរាយការណ៍ពីបណ្តាញឃើញករណីខាងលើ គួរឲ្យសង្ស័យពេលចុះទៅដល់ចំណុចកើតហេតុ ឃាត់ខ្លួនជនសង្ស័យទាំង៤នាក់ ដែលនៅជុំគ្នាធ្វើការសួរនាំជនសង្ស័យ៣នាក់ ទើបដឹងថា ជាករណីលួចម៉ូតូគេ ។ ពេលសួរនាំជនសង្ស័យទាំង៣ បានសារភាពថា ៖ ពួកគេពិតជាបានលួចម៉ូតូខាងលើពិតប្រាកដមែន ។
ជនសង្ស័យទាំងអស់ ត្រូវបានសមត្ថកិច្ចកសាងសំណុំរឿង បញ្ជូនទៅស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធី ៕
ចែករំលែកព័តមាននេះ