ភ្ញាក់ផ្អើលឆោឡោអស់សមត្ថកិច្ចនិងប្រជាពលរដ្ឋទាំងកណ្តាលយប់រំលងអធ្រាត្រ
ខេត្តព្រៃវែង ៖ មានការភ្ញាក់ផ្អើលទាំងកណ្តាលយប់បន្ទាប់ពីមាន
ខេត្តព្រៃវែង ៖ មានការភ្ញាក់ផ្អើលទាំងកណ្តាលយប់បន្ទាប់ពីមានចោរបានចូលទៅលួចក្របីអ្នកភូមិចំនួនពីរក្បាលកាលពីវេលាម៉ោងប្រហែល១យប់រំលងអធ្រាត្រឈានចូល ថ្ងៃទី១០ សីហា នេះដែលករណីនេះបានកើតឡើងក្នុងភូមិដូនយូ ឃុំជាខ្លាង ស្រុកស្វាយអន្ទរ ខេត្តព្រៃវែង ។
ប្រជាពលរដ្ឋលើកឡើងថា ជារៀងរាល់ថ្ងៃពួកគាត់បានចងក្របីនៅក្រោយផ្ទះ និងតែងចុះមកមើលម្តងជាពីរដងដែរក្នុងមួយយប់ ។ តែនៅយប់កើតហេតុនៅពេលគាត់ចុះមកមើលនៅម៉ោង ប្រមាណជា១យប់ក្របីចងក្រោយផ្ទះនោះបានបាត់ពីចំណងដែលធ្វើឱ្យពួកគាត់ភ្ញាក់ផ្អើល និងបានរាយការណ៍ជូនសមត្ថកិច្ចភ្លាមៗផងដែរ ហើយកងកំលាំងប៉ូលិសបានចេញអន្តរាគមន៍តាមរកចោរ និងក្របីតែទំនងចោរដឹងខ្លួនទាន់ក៏បានដោះលែងក្របីរួចរត់គេចខ្លួនបន្សល់ទុកក្របីពីរក្បាលប៉ុណ្ណោះ ។
បើយោងតាមសមត្ថកិច្ចបានលើកឡើងថា ម្ចាស់ក្របីដែលត្រូវចោរលួចនោះមានឈ្មោះ ឈិន សារឹម អាយុ៦០ឆ្នាំ រស់នៅក្នុងភូមិ-ឃុំកើតហេតុខាងលើខាងលើ ។ ហើយក្រោយពីឃើញក្របីសមត្ថកិច្ចក៏បានប្រគល់ក្របីជូនគាត់វិញ ។ ចំពោះចោរលួចក្របីសមត្ថកិច្ចកំពុងតាមដាន ស្រាវជ្រាវដើម្បីឈានទៅរកការឃាត់ខ្លួនជនសង្ស័យយកមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ