ក្មេងស្រីអាយុ៣ឆ្នាំ ធ្លា.ក់ពីលើអគារខុនដូរជាន់ទី៨ មិនដឹងមូលហេតុ
- ភ្នំពេញ
រាជធានីភ្នំពេញ ៖ ក្មេងស្រីជនជាតិចិនអាយុប្រមាណ៣ឆ្នាំម្នាក់ បានធ្លា.ក់ពីលើអគារខុនដូរមួយ
រាជធានីភ្នំពេញ ៖ ក្មេងស្រីជនជាតិចិនអាយុប្រមាណ៣ឆ្នាំម្នាក់ បានធ្លា.ក់ពីលើអគារខុនដូរមួយកន្លែង ស្ថិតនៅភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បណ្តាលឱ្យស្លា.ប់បាត់បង់ជីវិតនៅកន្លែង បង្កអោយមានការភ្ញាក់ផ្អើលកាលពីវេលាម៉ោងប្រមាណ១១និង៣០នាទីព្រឹកថ្ងៃទី១៣ ខែកុម្ភៈ ឆ្នាំ ២០២៣ ។ ទោះបីជាយ៉ាងណា គេពុំដឹងពីមូលហេតុអ្វី ទើបបានជាក្មេងស្រីនេះធ្លា.ក់បែបនេះឡើយ។
ភ្លាមៗក្មេងស្រីនោះពុំត្រូវបានស្គាល់អត្តសញ្ញាណឡើយ ត្រូវបានម្តាយមិនអស់ចិត្តបញ្ជូនទៅកាន់មន្ទីរពេទ្យ ។
តាមប្រភពព័ត៌មានអោយដឹងថា នៅមុនពេលកើតហេតុ គេបានឃើញក្មេងស្រីរូបនោះបានធ្លា.ក់ពីលើអាគារខុនដូរ ជាន់ទី៨មកក្រោម ។ លុះក្រោយមក គេឃើញម្តាយជាជនជាតិចិនបានរត់ចុះមកក្រោម ហើយអង្គុយយំនៅចំពោះមុខស.ពកូនស្រី ។ ដោយសារតែ មិនអស់ចិត្ត ក្រោយមកក៏បានហៅម៉ូតូកង់៣ដឹកបញ្ជូនទៅកាន់មន្ទីរពេទ្យ តែកូនស្រីបានស្លា.ប់បាត់ទៅហើយ ។
តាមប្រភពព័ត៌មានអោយដឹងថា ក្មេងស្រីជនជាតិចិនរូបនោះ បានស្នាក់នៅជាមួយម្តាយ និងបងប្រុសអាយុប្រមាណ៦ឆ្នាំ ជាទូទៅក្មេងស្រីរូបនោះរពិលណាស់ ។ មិនដឹងជាមូលហេតុអ្វីនោះទេបានជាក្មេងស្រីនោះធ្លា.ក់ពីលើអគារជាន់ទី៨បែបនេះ ។
ក្រោយពេលកើតហេតុ នគរបាលក៍បានចុះទៅកន្លែងកើតហេតុ ដើម្បីធ្វើការពិនិត្យ និងស្រាវជ្រាវ៕
ចែករំលែកព័តមាននេះ