រាជធានីភ្នំពេញ ៖ ថ្ងៃទី១២ កុម្ភៈ ជាគម្រប់ខួប៣ឆ្នាំ ដែលកម្ពុជាជាប់ឈ្មោះជា«ប្រទេសតូចតែបេះដូងធំ» ប្រកបដោយមនុស្សធម៌ឲ្យនាវា Westerdam ចូលចតអំឡុងពេលផ្ទុះកូវីដ១៩។ សម្តេចតេជោ…
រាជធានីភ្នំពេញ ៖ ថ្ងៃទី១២ កុម្ភៈ ជាគម្រប់ខួប៣ឆ្នាំ ដែលកម្ពុជាជាប់ឈ្មោះជា«ប្រទេសតូចតែបេះដូងធំ» ប្រកបដោយមនុស្សធម៌ឲ្យនាវា Westerdam ចូលចតអំឡុងពេលផ្ទុះកូវីដ១៩។
សម្តេចតេជោ ហ៊ុនសែន នាយករដ្ឋមន្ត្រីកម្ពុជាបានសរសេរលើបណ្តាញសង្គមថា ពិភពលោកពិតជាបានចាំនូវព្រឹត្តការណ៍ទាក់ទងទៅនឹងកប៉ាល់ Wasterdam ដែលបានចូលចតនៅក្នុងដែនទឹកនៃកំពង់ផែក្រុងព្រះសីហនុ ដែលមកទល់នឹងថ្ងៃនេះ គឺមានរយ:ពេល៣ឆ្នាំគត់រាប់ចាប់តាំងពីព្រឹត្តិការណ៍ដ៏អស្ចារ្យនេះត្រូវបានសាធារណ:មតិជាតិ និងអន្តរជាតិ នៅទូទាំងពិភពលោកបានសម្តែងការសាទរយ៉ាងខ្លាំង ចំពោះទឹកចិត្តដ៏សប្បុរសរបស់ប្រជាជនខ្មែរក៏ដូចជា មេដឹកនាំកម្ពុជាដែលបានផ្តល់ឱកាសអោយកប៉ាល់ទេសចរណ៍ដ៏ធំដែលមានផ្ទុកអ្នកដំណើររាប់សិបពាន់នាក់ ហើយដែលជិតអស់ស្បៀងឲ្យមកចតនៅក្នុងទឹកដីនៃព្រះរាជាណាចក្រកម្ពុជា។
សម្តេចតេជោ បានបន្តថា គួររំលឹកផងដែរថា ដោយសារតែការរីករាលដាលនៃជំងឺកូវីដ១៩ ដែលបានផ្ទុះចេញពីទីក្រុងវ៉ូហាននៃប្រទេសចិន ក៏បានធ្វើឲ្យកប៉ាល់ដ៏ធំមួយនេះមានសំណាងអាក្រក់ដោយត្រូវបានប្រទេសមួយចំនួនបដិសេធមិនព្រមឲ្យចុះចត ដោយសារមូលហេតុខ្លាចការរីករាលដាលនៃជំងឺនេះឆ្លងចូលដល់សហគមន៍។
យ៉ាងណាក៏ដោយកម្ពុជាបានទទួលយកកប៉ាល់នេះ ដោយត្រូវបានអ្នកដំណើរទាំងអស់គ្រប់ជាតិសាសន៍ នៅលើកប៉ាល់នេះ ប្រសិទ្ធិនាមឲ្យកម្ពុជាថាជា«ប្រទេសតូច តែបេះដូងធំ»៕
ចែករំលែកព័តមាននេះ