ពីយប់ម្តាយថាក្តៅស្អុះ ចេញដេកក្រៅផ្ទះ លុះព្រឹកឡើងអ្នកជិតខាងប្រាប់ដំណឹងអកុសល
- ភ្នំពេញ
រាជធានីភ្នំពេញ ៖ ស្ត្រីចំណាស់ម្នាក់តូចចិត្តនិងនិងគ្រួសារតែងតែមានការឈ្លោះទាស់គ្នាជាញឹកញាប់
រាជធានីភ្នំពេញ ៖ ស្ត្រីចំណាស់ម្នាក់តូចចិត្តនិងនិងគ្រួសារតែងតែមានការឈ្លោះទាស់គ្នាជាញឹកញាប់
រាជធានីភ្នំពេញ ៖ ស្ត្រីចំណាស់ម្នាក់តូចចិត្តនិងនិងគ្រួសារតែងតែមានការឈ្លោះទាស់គ្នាជាញឹកញាប់ពេកធ្វើឲ្យគាត់មានការធុញទ្រាន់ ក៏គិតខ្លីបញ្ចប់ជីវិតនៅលើដើមក្រខុប១ដើមនៅមុខផ្ទះជួល ស្ថិតនៅក្នុងដីឡូត៍លេខ ២៣ តាមផ្លូវបេតុង ភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ បណ្ដាលឲ្យស្លា.ប់បាត់បង់ជីវិត ហើយស.ពស្ត្រីរងគ្រោះត្រូវបានកូនចៅប្រទះឃើញកាលពីវេលាម៉ោង៨ព្រឹកថ្ងៃទី៨ ខែកុម្ភៈ ឆ្នាំ២០២៣។
ស្ត្រីរងគ្រោះខាងលើឈ្មោះ គួក ហេន អាយុ៦៥ឆ្នាំ ស្នាក់នៅបន្ទប់ជួលខាងលើ ភូមិកណ្ដាល និងមានស្រុកកំណើតនៅភូមិពោធិ៍រោង ឃុំព្រះបាទជាន់ជុំ ស្រុកគិរីវង់ ខេត្តតាកែវ ។
បើតាមកូនស្រីបង្កើតរបស់គាត់ម្នាក់ឈ្មោះ សាំង សុខហឿន អាយុ៣៥ឆ្នាំ បាននិយាយប្រាប់នគរបាលថា កាលពីនៅរស់ ម្ដាយរបស់នាងតែងតែមនទំនាស់ជាមួយកូនចៅជាញឹកញាប់ ហើយម្ដាយរបស់នាងក៏ចេះតែនិយាយថាធុញទ្រាន់ថែមទៀតផង ។ មិនតែប៉ុណ្ណោះកាលពីថ្ងៃ៥ ខែកុម្ភៈ ឆ្នាំ២០២៣ ព្រោះតែអន់ចិត្តជាមួយកូនចៅ ម្ដាយនាងបានដើរចេញពីផ្ទះម្ដងរួចមកហើយ ប៉ុន្តែកូនចៅតាមរកឃើញនិងនាំគាត់មកផ្ទះវិញ។
ស្ត្រីរូបនោះបាននិយាយទៀតថា ដោយឡែកនៅវេលាយប់ថ្ងៃទី០៧ ខែកុម្ភៈ ម្តាយរបស់នាងបានយកអង្រឹងមកចងដេកក្រៅផ្ទះ ដោយប្រាប់កូនចៅថា ក្នុងផ្ទះក្ដៅស្អុះ ដេកនៅក្រៅផ្ទះល្ហើយបន្តិចគាត់និងចូលដេកក្នុងបន្ទប់វិញហើយ ។ ក្រោយមកកូនចៅអត់បានចាប់អារម្មណ៍ថាម្ដាយមានរឿងអីទេ លុះដល់ព្រឹកឡើង ស្រាប់តែអ្នកជិតខាងទៅប្រាប់ថា ម្ដាយរបស់នាងបញ្ចប់ជីវិតនៅលើដើមក្រខុបមុខបន្ទប់ជួលស្លា.ប់បាត់ទៅហើយ ។ ខណៈនោះម្នាក់ៗមានការហួសចិត្ត និងនឹកស្មានពុំដល់ថាម្ដាយដាច់ចិត្តធ្វើបែបនេះសោះ រួចរាយការណ៍ប្រាប់នគរបាលឲ្យចុះទៅពិនិត្យកោសល្យវិច័យ។
ទោះបីជាបែបណា ស្ត្រីជាកូនរូបនោះពុំបានបញ្ជាក់ប្រាប់ឲ្យដឹងថា ម្ដាយរបស់នាងមានទំនាស់ជាមួយកូនចៅ ព្រោះតែរឿងអ្វីនោះឡើយ ចំណែកកម្លាំងនគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញ ព្រមទាំងលោកឧញ្ញ៉ាវេជ្ជបណ្ឌិតនង សុវណ្ណារ័ត្ន គ្រូពេទ្យអមសាលាដំបូងរាជធានីភ្នំពេញ បានបញ្ជាក់ថា ស្ត្រីចំណាស់ខាងលើពិតជាស្លា.ប់ដោយសារបញ្ចប់ជីវិតប្រាកដមែន ៕
ចែករំលែកព័តមាននេះ