ខេត្តតាកែវ ៖ មួយរយៈដើមឆ្នាំ២០២៣នេះ ក្នុងខេត្តតាកែវសឹងតែគ្រប់ស្រុកក្រុងទៅហើយ បានកើតបទល្មើសធ្ងន់ៗជាបន្តបន្ទាប់ដែលបង្កឡើងដោយក្រុមក្មេងស្ទាវតាមដងផ្លូវ ។ ដូចដែលមហាជនបានដឹងហើយនាពេលកន្លងមក នាដើមឆ្នាំ២០២៣នេះ ក្រៅពីករណីគ្រឿ.ងញៀ.ន ចោរកម្ម…
ខេត្តតាកែវ ៖ មួយរយៈដើមឆ្នាំ២០២៣នេះ ក្នុងខេត្តតាកែវសឹងតែគ្រប់ស្រុកក្រុងទៅហើយ បានកើតបទល្មើសធ្ងន់ៗជាបន្តបន្ទាប់ដែលបង្កឡើងដោយក្រុមក្មេងស្ទាវតាមដងផ្លូវ ។ ដូចដែលមហាជនបានដឹងហើយនាពេលកន្លងមក នាដើមឆ្នាំ២០២៣នេះ ក្រៅពីករណីគ្រឿ.ងញៀ.ន ចោរកម្ម ចោរឆក់ គប់កញ្ចក់រថយន្តតាមដងផ្លូវ នៅមានករណីប្រដេញកា.ប់គ្នាតាមដងផ្លូវប្រសេកប្រសាចគួរឲ្យខ្លាច ។
ជាក់ស្តែង កាលពីប៉ុន្មានថ្ងៃមុន គឺនៅរសៀលថ្ងៃទី៣ ខែកុម្ភៈ ឆ្នាំ២០២៣ វេលាម៉ោង១៥និង៥០នាទី ក្មេងស្ទាវ១ក្រុមជិះម៉ូតូ៣គ្រឿង ប្រដាប់ដោយកាំ.បិ.ត ប៉័ងតោ ដេញកា.ប់គ្នាបណ្តាលឲ្យសិស្សសាលាម្នាក់ស្លា.ប់ភ្លាមៗនៅនិងកន្លែងកើតហេតុលើផ្លូវជាតិលេខ២ ចន្លោះគីឡូម៉ែត្រលេខ៩៣និង៩៤ ស្ថិតក្នុងភូមិឈើទាលភ្លោះ ឃុំប្រាំបីមុំ ស្រុកទ្រាំង ខេត្តតាកែវ។
ជនរងគ្រោះឈ្មោះ ប៉ែត កុសលសិទ្ធិ ភេទប្រុស អាយុ១៧ឆ្នាំ រស់នៅភូមិបន្ទាយ ឃុំជីខ្មា ស្រុកទ្រាំង ខេត្តតាកែវ ត្រូវបានជនសង្ស័យកា.ប់មួយកាំ.បិ.តត្រង់កផ្នែកខាងឆ្វេង ស្លា.ប់នៅនឹងកន្លែងកើតហេតុ ។ ក្រោយធ្វើសកម្មភាពជនសង្ស័យបាននាំគ្នាជិះម៉ូតូទៅទិសខាងត្បូងគេចខ្លួនបាត់ស្រមោលបានប៉ុន្មានថ្ងៃ ទើបចាប់បាននៅថ្ងៃទី០៦ កុម្ភៈម្សិលមិញ ។
សូមបញ្ជាក់ថា បើតាមប្រភពច្បាស់ការពីមន្ត្រីនគរបាលក្នុងស្នងការដ្ឋាននគរបាលខេត្តតាកែវ ដែលសុំមិនបញ្ចេញឈ្មោះថា ចាប់តាំងពីលោកឈាង ផាន់ណារ៉ា អតីតជាស្នងការរងទទួលផែនពន្លត់អគ្គិភ័យនៃស្នងការដ្ឋានគរបាលរាជធានីភ្នំពេញមកកាន់ដំណែងជាស្នងការនគរបាលខេត្តតាកែវជាងមួយឆ្នាំនេះ មន្ត្រីនគរបាលជាច្រើនត្រូវបានផ្លាស់ប្តូរតួរនាទី និងដំឡើងឋានន្តរស័ក្តិជាបន្តបន្ទាប់ ដោយស្នងការរងនគរបាលខេត្តមានរហូតដល់២៧រូប ក្នុងនោះមានតែស្នងការរង១៣រូបប៉ុណ្ណោះ ដែលមានផែនទទួលខុសត្រូវច្បាស់លាស់ ក្រៅពីនេះ ជាស្នងការរងកិត្តិយស ។
ព័ត៌មានលម្អិតនឹងមានផ្សាយជូនបន្តលើកាសែតកោះសន្តិភាព ។
ចែករំលែកព័តមាននេះ