បើកឡានដឹកផ្លែឪឡឹក គេចគោលដៅនគរបាល ក្រឡា.ប់ ផ្អើលស្តុបបាគូ
- ភ្នំពេញ
រាជធានីភ្នំពេញ ៖ រថយន្តម៉ាកហ៊ីយ៉ាន់ដាយ១គ្រឿង ដឹកផ្លែឪឡឹកពេញទ្រុង បើកបរចេញពីខេត្ត
រាជធានីភ្នំពេញ ៖ រថយន្តម៉ាកហ៊ីយ៉ាន់ដាយ១គ្រឿង ដឹកផ្លែឪឡឹកពេញទ្រុង បើកបរចេញពីខេត្តតាកែវ យកទៅលក់នៅផ្សារដើមគរ រាជធានីភ្នំពេញ ដោយបើកបរក្នុងល្បឿនលឿន ហើយពេលទៅដល់ត្រង់ចំណុចភ្លើងស្តុបបាគូ អត់បើកទៅតាមផ្លូវត្រង់ទេ ក៏បានបត់ឆ្វេងដៃ ដើម្បីគេចគោលដៅនគរបាលដែលកំពុងអនុវត្តច្បាប់ចរាចរណ៍ ។ ខណៈនោះបត់ឡាគួរខ្លាំងពេក ក៏បណ្ដាលឱ្យក្រឡា.ប់ចាក់ផ្លែឪឡឹករាប់រយផ្លែចោលពេញផ្លូវ និងបណ្ដាលឲ្យបែកខូចខាតអស់មួយចំនួនធំ ប៉ុន្តែពុំបានបណ្ដាលឲ្យគ្រោះថ្នាក់ដល់មនុស្សណាម្នាក់ឡើយ។
ហេតុការណ៍ខាងលើនេះបានកើតឡើងកាលពីវេលាម៉ោង១និង៣០នាទីរសៀលថ្ងៃទី៣ ខែកុម្ភៈ ឆ្នាំ២០២៣ នៅតាមផ្លូវ៥០ម៉ែត្រ ត្រង់ចំណុចភ្លើងស្តុបបាគូ ភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
រថយន្តមួយគ្រឿងដែលក្រឡា.ប់ខាងលើនោះម៉ាកហ៊ីយ៉ាន់ដាយ ពណ៍ស ពាក់ស្លាកលេខ ភ្នំពេញ 3C-1438 ។
បុរសដែលជាអ្នកបើកបររថយន្តខាងលើពុំបានប្រាប់ពីអត្តសញ្ញាណរបស់ខ្លួននោះទេ ប៉ុន្តែគាត់បាននិយាយថា នៅមុនកើតហេតុ គាត់បានបើករថយន្តទៅទិញផ្លែឪឡឹកនៅតាមចំការ ស្ថិតនៅឯខេត្តតាកែវ បន្ទាប់មកបានដឹកយកទៅលក់នៅឯផ្សារដើមគរ រាជធានីភ្នំពេញ ។ ដោយបើកបរធ្វើដំណើរតាមផ្លូវលេខ២១៧ ក្នុងទិសដៅពីត្បូងទៅជើង លុះពេលទៅដល់ត្រង់ចំណុចកើតហេតុ អត់បើកទៅមុខត្រង់នោះទេ ដោយខ្លា.ចជួបគោលដៅនគរបាលកំពុងអនុវត្តច្បាប់ចរាចរណ៍ឃាត់ផាកពិន័យ។ខណៈនោះគាត់ក៏សម្រេចចិត្តបើកបត់ឆ្វេងចូលទៅតាមផ្លូវ៥០ម៉ែត្រគេចចេញពីគោលដៅនគរបាលខាងលើ ហើយគ្រាន់តែបត់ឆ្វេងភ្លាម ក៏ស្រាប់តែក្រឡា.ប់ភីងតែម្ដង។
តាមប្រភពពីកន្លែងកើតហេតុបានប្រាប់ឲ្យដឹងថា ផ្លែឪឡឹកបានជ្រុះរាយប៉ាយពេញផ្លូវនិងបែកខូចខាតជាច្រើនផ្លែ ចំណែករថយន្តក៏បានរងការខូចខាតយ៉ាងដំណំដែរ ប៉ុន្តែពុំបានបណ្ដាលឲ្យមានអ្នករងគ្រោះថ្នាក់ឡើយ។
ក្រោយពេលកើតហេតុ នគរបាលប៉ុស្តិ៍ដង្កោបានចុះទៅពិនិត្យមើល ដោយសារតែគ្មានអ្នករងគ្រោះទើបឲ្យម្ចាស់ស្ទូចយករថយន្តនោះទៅធ្វើការជួសជុលឡើងវិញ និងរើសផ្លែឪឡឹកដឹកចេញពីកន្លែងកើតហេតុចៀសវាងការកកស្ទះចរាចរណ៍៕
ចែករំលែកព័តមាននេះ