ខេត្តមណ្ឌលគិរី ៖ សេចក្តីរាយការណ៍បឋមបានឱ្យដឹងថា កាលពីនៅវេលាម៉ោង១២និង៣៥នាទីយប់ថ្ងៃទី០៣ កុម្ភៈ ឆ្នាំ២០២៣នេះ មានករណីចោរគាស់ចូលតាមដំបូលផ្ទះលួចយកមាសនិងប្លាទីនដែលសរុបគិតជាទឹកប្រាក់អស់ប្រមាណ៧០.០០០$ (ប្រាំពីរម៉ឺនដុល្លាអាមេរិកគត់) ។ នេះបើតាមការរាយការណ៍បឋមពីជនរងគ្រោះជាម្ចាស់ផ្ទះតាមទូរស័ព្ទប្រាប់កម្លាំងប៉ុស្តិ៍នគរបាលរដ្ឋបាលស្រែខ្ទុម។…
ខេត្តមណ្ឌលគិរី ៖ សេចក្តីរាយការណ៍បឋមបានឱ្យដឹងថា កាលពីនៅវេលាម៉ោង១២និង៣៥នាទីយប់ថ្ងៃទី០៣ កុម្ភៈ ឆ្នាំ២០២៣នេះ មានករណីចោរគាស់ចូលតាមដំបូលផ្ទះលួចយកមាសនិងប្លាទីនដែលសរុបគិតជាទឹកប្រាក់អស់ប្រមាណ៧០.០០០$ (ប្រាំពីរម៉ឺនដុល្លាអាមេរិកគត់) ។ នេះបើតាមការរាយការណ៍បឋមពីជនរងគ្រោះជាម្ចាស់ផ្ទះតាមទូរស័ព្ទប្រាប់កម្លាំងប៉ុស្តិ៍នគរបាលរដ្ឋបាលស្រែខ្ទុម។
ប្រភពបន្តថា ក្រោយពីទទួលសេចក្តីរាយការណ៍នេះភ្លាម មានកម្លាំងសមត្ថកិច្ចសហការជាមួយកម្លាំងអធិការដ្ឋាននគរបាលស្រុកកែវសីមា បានចុះទៅដល់ផ្ទះកន្លែងកើតហេតុស្ថិតនៅចំណុចផ្សារកែវសីមា ស្ថិតនៅក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី តែម្តង។
ជនរងគ្រោះជាម្ចាស់ផ្ទះខាងលើ មានឈ្មោះ ប៊ិន ខេម ភេទប្រុស អាយុ៥១ឆ្នាំ ជនជាតិខ្មែរ ជាអ្នកលក់មាស និងប្រពន្ធ ឈ្មោះ ទឹម ណៃយៀប ភេទស្រី អាយុ៤៥ឆ្នាំ ។
យ៉ាងណានោះ ខណៈនេះ សមត្ថកិច្ចកំពុងចុះពិនិត្យនិងធ្វើការស្រាវជ្រាវបន្ត ។ ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ