រាជធានីភ្នំពេញ ៖ គណៈកម្មការជំនាញរដ្ឋសភា បានបើកកិច្ចប្រជុំ ជាមួយក្រសួងការបរទេស និងសហប្រតិបត្តិការអន្តរជាតិ ដើម្បីពិភាក្សាពីមូលបទកៅ្ត នៃគោលនយោបាយការបរទេសកម្ពុជា ក្នុងបរិបទថ្មី នៃសណ្តាប់ធ្នាប់ពិភពលោក…
រាជធានីភ្នំពេញ ៖ គណៈកម្មការជំនាញរដ្ឋសភា បានបើកកិច្ចប្រជុំ ជាមួយក្រសួងការបរទេស និងសហប្រតិបត្តិការអន្តរជាតិ ដើម្បីពិភាក្សាពីមូលបទកៅ្ត នៃគោលនយោបាយការបរទេសកម្ពុជា ក្នុងបរិបទថ្មី នៃសណ្តាប់ធ្នាប់ពិភពលោក ដែលកម្ពុជាពុំធ្លាប់មានក្រោយទទួលសន្តិភាព ។
ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា បានដឹកនាំប្រតិភូគណៈកម្មការទី៥ និងតំណាងគណៈ កម្មការពាក់ព័ន្ធ នៅព្រឹកថ្ងៃទី១ ខែកុម្ភៈ ឆ្នាំ២០២៣ នៅវិមានរដ្ឋសភា ជួបជាមួយ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការ អន្តរជាតិ និងសហការី ដើម្បីស្វែងយល់ពី «បច្ចុប្បន្នភាព នៃការអនុវត្តគោលនយោបាយការបរទេស និងការទូតសេដ្ឋកិច្ច ម្ហូបអាហាររបស់កម្ពុជា និងផ្លាស់ប្តូរបទពិសោធន៍ការងាររៀបចំកិច្ចប្រជុំកំពូលអាស៊ាន និងAIPA» ។
ឯកឧត្តម សួស យ៉ារ៉ា បានលើកឡើងថា កិច្ចប្រជុំនេះគណៈកម្មការរដ្ឋសភាចង់ដឹងពីគោលនយោបាយថ្មីរបស់ក្រសួងការបរទេសកម្ពុជា បានផ្តួចផ្តើមឡើង ក្រៅពីតួនាទីជាប្រធាន នៃយន្តការអន្តរជាតិ និងចង់ដឹងពីយន្តការការបរទេស ក្នុងបរិបទថ្មី នៃសណ្តាប់ធ្នាប់ពិភពលោក ដែលឯកឧត្តម ប្រាក់ សុខុន ដឹកនាំឲ្យដោយផ្ទាល់ ។
ឯកឧត្តម សួស យ៉ារ៉ា លើកឡើងថា ក្នុងនាមប្រមុខការទូត ឯកឧត្តម ប្រាក់ សុខុន ក៏បានអនុម័តគោលនយោបាយថ្មី ផ្នែកការទូតសេដ្ឋកិច្ច ហើយនៅក្នុងនោះ ក៏ជាគោលនយោបាយ ដែលឧត្តមឧបកនាយករដ្ឋមន្ត្រី ក្រសួងការបរទេស បានផ្តើមផ្តើមឡើង ។
ក្នុងកិច្ចប្រជុំនោះដែរ ឯកឧត្តម ប្រាក់ សុខុន ឧបកនាយករដ្ឋមន្ត្រីក្រសួងការបរទេស បានគូសបញ្ជាក់ថា ៖ «ការលើកសំណើររបស់គណកម្មការជំនាញរដ្ឋសភានេះ គឺជាមូលបទមួយ ដែលកៅ្ត ចំបរិការណ៍បច្ចុប្បន្ន ដែលមានការប្រឈមធំ មិនដែលធ្លាប់មានតាំងប្រទេសយើងទទួលបានសន្តិភាព»។
ឯកឧត្តម ប្រាក់ សុខុន បានបន្ថែមថា ទន្ទឹមនឹងនេះ ក៏អាចនិយាយបានថា គឺប្រឈមចម្រុះទិស នោះហើយដែលបានផ្តល់កាលានុវត្តភាពឲ្យកម្ពុជា បង្ហាញ និងធ្វើឲ្យសហគមន៍អន្តរជាតិ យល់នឹងជឿជាក់លើសុឆន្ទៈ ឯករាជ្យភាពខាងនយោបាយការបរទេសដែលផ្នែកលើកច្បាប់អន្តរជាតិ និងផ្នែកលើកផលប្រយោជន៍គោលរបស់ជាតិយើង ។
ជាមួយគ្នានោះដែរ ឯកឧត្តម ប្រាក់ សុខុន បានលើកឡើងថា ការជួបពិភាក្សាជជែកគ្នា ជាមួយគណៈកម្មការជំនាញរដ្ឋសភាព ពេលនេះ គឺជាធាតុមួយទៀត ដែលមិនអាចខ្វះបាន ក្នុងការងារការទូត ជាទូទៅរបស់ប្រទេសកម្ពុជា ក្នុងនោះមានការងារការទូតខាងផ្លូវរដ្ឋ ខាងរដ្ឋសភា ការងារការទូតរបស់គណបក្ស និងការងារការទូតរបស់អង្ការមហាជននានា ។
សូមជម្រាបថា កិច្ចប្រជុំនេះ រៀបចំឡើងអនុលោមតាមរដ្ឋធម្មនុញ្ញ មាត្រា៩៧ បទបញ្ជាផ្ទៃក្នុង នៃរដ្ឋសភា ប្រការ៣៤ថ្មី និងសេចក្តីសម្រេចលេខ០០៥រ.ស ចុះថ្ងៃទី០៩ ខែមករា ឆ្នាំ២០១៤ ស្តីពីតួនាទី និងភារកិច្ចរបស់គណៈកម្មការកិច្ចការបរទេស សហប្រតិបត្តិការ អន្តរជាតិ ឃោសនាការ និងព័ត៌មាន នៃរដ្ឋសភា ៕
ចែករំលែកព័តមាននេះ