ការប្រើប្រាស់ដបទឹកដោះគោចំពោះទារក ឬកូនរបស់អ្នកគឺជាការអនុវត្តដ៏ទូទៅមួយ ។ ប៉ុន្តែតើអ្នកដឹងទេថាដបទឹកដោះគោមានផលប៉ះពាល់ច្រើនជាងគុណសម្បត្តិរបស់វាដល់កូនរបស់អ្នក ។
ខាងក្រោមនេះគឺជា
ការប្រើប្រាស់ដបទឹកដោះគោចំពោះទារក ឬកូនរបស់អ្នកគឺជាការអនុវត្តដ៏ទូទៅមួយ ។ ប៉ុន្តែតើអ្នកដឹងទេថាដបទឹកដោះគោមានផលប៉ះពាល់ច្រើនជាងគុណសម្បត្តិរបស់វាដល់កូនរបស់អ្នក ។
ខាងក្រោមនេះគឺជាមូលហេតុមួយចំនួនដែលអ្នកគួរតែបញ្ឈប់ការប្រើប្រាស់ដបទឹកដោះគោ៖
១-ដបទឹកដោះគោអាចនាំឲ្យមានផ្តល់អាហារលើសលប់
វាជាការល្អក្នុងការចិញ្ចឹមកូនរបស់អ្នកឱ្យបានល្អ និងផ្តល់សារធាតុចិញ្ចឹមដល់ពួកគេបានគ្រប់គ្រាន់ ។ ប៉ុន្តែការផ្តល់អាហារច្រើនពេកមិនត្រូវបានណែនាំឲ្យធ្វើនោះទេ ។ នៅពេលដែលអ្នកប្រើប្រាស់ដបទឹកដោះគោដើម្បីឲ្យទារករបស់អ្នកបៅ អ្នកត្រូវតាមដានបរិមាណនៃការបៅរបស់ពួកគេ ហើយពេលខ្លះអាចនឹងផ្តល់ទឹកដោះគោដល់ពួកគេច្រើនជាងអ្វីដែលពួកគេត្រូវការ ។
ទោះជាយ៉ាងណាក្តីការបំបៅដោយសុដន់ ទារកអាចបៅដោយសប្បាយរីករាយ ហើយពួកគេអាចគ្រប់គ្រងការបៅបានដោយខ្លួនឯង ។
២-ដបទឹកដោះគោអាចបណា្តលឱ្យមានការឆ្លងមេរោគ
បាក់តេរីក្នុងខ្យល់អាចចូលទៅក្នុងដបបានតាមប្រហោងគម្របដប ឬអាចឆ្លងចូលទៅក្នុងដបពេលអ្នកចំហមាត់វាយូរ ។ ដូច្នេះការសំអាតដបឲ្យបានត្រឹមត្រូវគឺជារឿងសំខាន់ ។ ម្យ៉ាងទៀត ប្រសិនបើអ្នកមិនបានសម្លាប់មេរោគឲ្យបានត្រឹមត្រូវ វាអាចជាមូលហេតុនៃការឆ្លងមេរោគដល់ទារក ។
៣-ដបទឹកដោះគោអាចបណ្តាលឱ្យមានការឆ្លងមេរោគក្នុងត្រចៀក
ការប្រើប្រាស់ដបទឹកដោះគោដើម្បីឲ្យទារកបៅមានឱកាសខ្ពស់ដែលទឹកដោះគោនឹងហូរចូលប្រហោងត្រចៀករបស់ទារក ។ ប្រសិនបើវាហូរដោយយើងមិនបានកត់សម្គាល់ទេនោះ វាអាចនាំឱ្យមានការឈឺចាប់ដោយសារការឆ្លងមេរោគក្នុងត្រចៀកទារក ។
៤-ដបទឹកដោះគោអាចប៉ះពាល់ដល់មុខមាត់ទារក
ការបឺតជញ្ជក់ក្បាលដោះជ័រនៃដបទឹកដោះគោតាំងពីក្មេងក៏អាចធ្វើឲ្យសាច់ដុំមុខរបស់ទារកលូតលាស់មិនត្រឹមត្រូវ ។ ការបឺតទឹកដោះពីដបទឹកដោះគោអាចប៉ះពាល់ដល់ការលូតលាស់នៃផ្ទៃមុខ និងរារាំងការលូតលាស់សាច់ដុំមុខរបស់ទារកមិនឲ្យវាលូតលាស់បានត្រឹមត្រូវ ៕
ចែករំលែកព័តមាននេះ