ខេត្តបាត់ដំបង ៖ លំនៅឋានមួយកន្លែងម្ចាស់អះអាងថា បិទទ្វារចាក់សោរទុកចោលត្រូវចោរគាស់ទម្លុះទម្លាយចូលលួចទ្រព្យសមត្តិ និងសម្ភារនានាអស់គ្មានសល់ ដែលគេសន្និដ្ឋានអាចកើតឡើង នៅវេលាយប់រំលងអធ្រាត្រឈានចូលថ្ងៃទី៣០ មករា នៅចំណុចភូមិវត្តលៀប សង្កាត់ចំការសំរោង…
ខេត្តបាត់ដំបង ៖ លំនៅឋានមួយកន្លែងម្ចាស់អះអាងថា បិទទ្វារចាក់សោរទុកចោលត្រូវចោរគាស់ទម្លុះទម្លាយចូលលួចទ្រព្យសមត្តិ និងសម្ភារនានាអស់គ្មានសល់ ដែលគេសន្និដ្ឋានអាចកើតឡើង នៅវេលាយប់រំលងអធ្រាត្រឈានចូលថ្ងៃទី៣០ មករា នៅចំណុចភូមិវត្តលៀប សង្កាត់ចំការសំរោង ក្រុងបាត់ដំបង ។
ប្រភពពីប្រជាពលរដ្ឋបានឲ្យដឹងថា ម្ចាស់ផ្ទះដែលត្រូវចោរគាស់លួចទ្រព្យសម្បត្តិឈ្មោះ គឹមស៊ា ភេទប្រុស បុគ្គលិកបំរើការនៅអង្គភាពអគ្គិសនីខេត្ត ។ ផ្ទះរបស់គាត់ភាគច្រើនបានចាក់សោបិទទ្វារទុកចោល ហើយយូរៗទើបគាត់ទៅមើលម្ដង ។ ប៉ុន្តែនៅព្រឹកថ្ងៃទី ៣០ មករា ពេលគាត់ទៅមើលផ្ទះ ស្រាប់តែមានការភ្ញាក់ផ្អើល ដោយសារត្រូវចោរគាស់ចូលលួចអីវ៉ាន់នៅក្នុងផ្ទះអស់គ្មានសល់ ។
បើតាមជនរងគ្រោះបានរាយការណ៍បឋមប្រាប់សមត្ថកិច្ចថា អីវ៉ាន់នៅក្នុងផ្ទះដែលត្រូវចោរលួចរួមមានទូរទស្សន៍០១គ្រឿង ឈើនាងនួនចំនួន០២សន្លឹក គ្រឿងចម្លាក់ធ្វើអំពីស្ព័ន រូបចម្លាក់ធ្វើពីឈើ នាឡិការព្យូជញ្ជាំង និងសម្ភារផ្សេងៗមួយចំនួនទៀត។ គាត់បានប្រាប់ថា ជនសង្ស័យបានចូលទៅខាងក្នុងផ្ទះ រួចរើកកាយគ្រប់ច្រកល្ហកគ្មានសល់ឡើយ ដើម្បីរកទ្រព្យសម្បត្តិមានតំលៃ។
ប្រភពពីសមត្ថកិច្ចបានឲ្យដឹងថា មន្ត្រីមូលដ្ឋានបានចុះទៅកាន់ផ្ទះកើតហេតុនោះ ដើម្បីពិនិត្យ និង សាកសួរម្ចាស់ផ្ទះ។ សមត្ថកិច្ចបានរកឃើញដែកស្បែង០១ ដែលគេសង្ស័យជាឧបករណ៏សម្រាប់ចោរយកទៅគាស់ផ្ទះ ដែលបន្សល់ទុកនៅទីនោះ តែរហូតដល់ពេលនេះ សមត្ថកិច្ចពុំទាន់អាចវាយតំលៃបានថា យ៉ាងណាទេ។ សូម្បីមុខសញ្ញាជនសង្ស័យក៏ងងិតឈឹងដែរ ក្រៅពីពាក្យថា «សមត្ថកិច្ចកំពុងស្រាវជ្រាវ» បន្ត ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ