ក្មេងស្រីជនជាតិចិនម្នាក់ បានលង់ស្លា.ប់ក្នុងសណ្ឋាគារ «លីន រតនអង្គរ»
ខេត្តសៀមរាប ៖ ក្មេងស្រីអាយុ១០ឆ្នាំម្នាក់ ជាជនជាតិចិន ត្រូវបានសមត្ថកិច្ចរាយការណ៍ថា បានលង់ទឹកស្លា.ប់ នៅអាងហែលទឹក នៅក្នុងសណ្ឋាគារ
ខេត្តសៀមរាប ៖ ក្មេងស្រីអាយុ១០ឆ្នាំម្នាក់ ជាជនជាតិចិន ត្រូវបានសមត្ថកិច្ចរាយការណ៍ថា បានលង់ទឹកស្លា.ប់ នៅអាងហែលទឹក នៅក្នុងសណ្ឋាគារ
ខេត្តសៀមរាប ៖ ក្មេងស្រីអាយុ១០ឆ្នាំម្នាក់ ជាជនជាតិចិន ត្រូវបានសមត្ថកិច្ចរាយការណ៍ថា បានលង់ទឹកស្លាប់ នៅអាងហែលទឹក នៅក្នុងសណ្ឋាគារ «លីន រតនអង្គរ»ខណៈដែលឪពុកម្តាយ បានចូលមកទៅស្នាក់ទីនោះ បង្កឱ្យមានការភ្ញាក់ផ្អើល ប៉ុន្តែត្រូវបានបិទបាំងជាមួយអ្នកព័ត៌មានមិនឱ្យចូលទៅថត ហើយនៅពេលនេះគេមិនទាន់ដឹងថា ខាងម្ចាស់សណ្ឋាគារ ត្រូវចេញសំណងដល់ក្រុមគ្រួសារសពជនបរទេសយ៉ាងណានោះទេ ?។ ហេតុការណ៍ក្មេងស្រីជនជាតិចិនលង់ទឹកស្លាប់នោះបានកើតឡើងកាលពីយប់ថ្ងៃសៅរ៍ ទី២២ ខែកក្កដា ឆ្នាំ២០១៧ ស្ថិតនៅក្នុងសណ្ឋាគារ «លីន រតនៈអង្គរ»ស្ថិតនៅក្រុមទី៧ ភូមិ-សង្កាត់ស្លក្រាម ក្រុង-ខេត្តសៀមរាប។
បើយោងតាមរបាយការណ៍របស់សមត្ថកិច្ចនគរបាល ការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បានប្រាប់នៅរសៀលថ្ងៃទី២៤ ខែកក្កដា ឆ្នាំ២០១៧នេះថា មុនពេលកើតហេតុ ត្រូវបានខាងម្ចាស់សណ្ឋាគារ បានបិតបាំងមិនបានផ្តល់ព័ត៌មានឱ្យសមត្ថកិច្ចយើងនោះទេ កុំតែមានការភ្ញាក់ផ្អើលពេញសណ្ឋាគារ ទើបសមត្ថកិច្ចដឹង និងសុំគោលការណ៍ពីថ្នាក់លើ និងព្រះរាជអាជ្ញា អមសាលាដំបូងខេត្តសៀមរាប ដើម្បីចូលទៅពិនិត្យសាកសព ប៉ុន្តែត្រូវបានបុគ្គលិកសណ្ឋាគារ ដឹកតាមរថយន្តរបស់សណ្ឋាគារយកជនរងគ្រោះទៅបាត់ហើយ។ ប្រភពបានបន្តថា ក្មេងស្រីរងគ្រោះស្លាប់នោះមានឈ្មោះ Meng Lina ភេទស្រី អាយុ១០ឆ្នាំ ជនជាតិចិនចូលមកស្នាក់នៅក្នុងសណ្ឋាគារ «លីន រតនអង្គរ» ជាភ្ញៀវទេសចរណ៍។
នេះជាការធ្វេសប្រហែស របស់ម្ចាស់សណ្ឋាគារ និង បុគ្គលិកផ្នែកមើលការខុសត្រូវ នៅខាងអាងហែលទឹកនោះ ព្រោះក្នុងអាងទឹកនោះវាមានជម្រៅជ្រៅ គួរតែមានអ្នកប្រចាំការនៅទីនោះផងដែរ ទើបមិនអាចមានករណីកើតឡើងរបៀបនេះ។ តាមសម្ដីរបស់ លោក ចក់ សាន អាយុ១៩ឆ្នាំ មុខរបរបុគ្គលិកសណ្ឋាគារផ្នែកមើលការខុសត្រូវអាងទឹក ចូលធ្វើការចាប់ពីម៉ោង១រសៀលដល់ម៉ោង២យប់ បានប្រាប់សមត្ថកិច្ចថា នៅថ្ងៃទី២២ ខែកក្កដា ឆ្នាំ២០១៧ ខ្លួនបានមកធ្វើការដូចសព្វដង នៅវេលាម៉ោងប្រហែល ៧និង១០នាទីយប់ ខ្លួនបានឃើញមានភ្ញៀវ អឺរ៉ុបប្រុសម្នាក់ និងកូនរបស់គាត់ ហែលទឹកលេងក្នុងអាង បន្ទាប់មកខ្លួនបានដើរឡើងទៅមើលបន្ទប់ស្ប៉ាជាន់ទី១ ប្រហែល១០នាទីក្រោយមក ខ្លួនបានចុះមកមើលអាងទឹកវិញ ខ្លួនបានដើរកាត់អាងទឹកទៅបន្ទប់ទឹក តែមិនចាប់អារម្មណ៍ថា មានក្មេងលង់ទឹកឡើយ លុះចេញពីបន្ទប់ទឹកបានដើរមាត់អាងក៏ឃើញក្មេងម្នាក់ដេកផ្កាប់មុខនៅបាតអាងពេលនោះខ្លួនបានលោតចុះស្រង់មកដាក់មាត់អាង និងស្រែកហៅគ្នីគ្នា មកជួយមាន អ្នកគ្រប់គ្រងទូទៅ និងផ្នែកគណេន្យ និងភ្ញៀវអឺរ៉ុបម្នាក់ ជួយធ្វើចលនាបេះដូង តែនៅមិនដឹងខ្លួន។
បន្ទាប់មកក៏បញ្ជូនដោយរថយន្តសណ្ឋាគារដែលខ្លួនមាន និងតៃកុងឈ្មោះ ហួរ និងធួរ លីឌ័រស្រីម្នាក់ ជនជាតិចិនទៅពេទ្យអប្សរាអង្គរ តែគេមិនទទួល បន្ទាប់ទៅពិភពរស្មី តែមិនទទួលទៀត ទើបទៅរ៉ូយ៉ាល់ តែពេទ្យប្រាប់ថា ជនរងគ្រោះស្លាប់បាត់ហើយ រួចខ្លួនបានត្រលប់មកសណ្ឋាគារមុន។ បច្ចុប្បន្នសាកសពបានតម្កល់ទុកនៅមន្ទីពេទ្យរ៉ូយ៉ាល់ ដើម្បីប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ គេទន្ទឹងរង់ចាំមើលថា តើម្ចាស់សណ្ឋាគារ អាចគេចផុតពីសំណាញ់ច្បាប់ដែរឬទេ ប្រសិនបើមិនទទួលការខុសត្រូវចំពោះជនរងគ្រោះដែលជាភ្ញៀវបរទេសបែបនេះ៕
ចែករំលែកព័តមាននេះ