ទាស់សម្ដីគ្នា ចាក់នឹងដែកឆាបរបួសធ្ងន់២នាក់
ខេត្តកំពង់ធំ ៖ ករណីអំពើហិ.ង្សាដោយចេតនាមួយបានកើតឡើងកាលពីវេលាម៉ោង០៩និង៣០នាទីយប់ ថ្ងៃទី២៣ ខែកក្កដា ឆ្នាំ២០១៧ ស្ថិតនៅទ្រៀល ឃុំទ្រៀល ស្រុកបារាយណ៍ ខេត្តកំពង់ធំ ។
ខេត្តកំពង់ធំ ៖ ករណីអំពើហិ.ង្សាដោយចេតនាមួយបានកើតឡើងកាលពីវេលាម៉ោង០៩និង៣០នាទីយប់ ថ្ងៃទី២៣ ខែកក្កដា ឆ្នាំ២០១៧ ស្ថិតនៅទ្រៀល ឃុំទ្រៀល ស្រុកបារាយណ៍ ខេត្តកំពង់ធំ ។
ខេត្តកំពង់ធំ ៖ ករណីអំពើហិង្សាដោយចេតនាមួយបានកើតឡើងកាលពីវេលាម៉ោង០៩និង៣០នាទីយប់ ថ្ងៃទី២៣ ខែកក្កដា ឆ្នាំ២០១៧ ស្ថិតនៅទ្រៀល ឃុំទ្រៀល ស្រុកបារាយណ៍ ខេត្តកំពង់ធំ ។
លោកវរៈសេនីយ៍ត្រី កែ កញ្ចនា អធិការរងនគរបាលស្រុកបារាយណ៍ទទួលខាងព្រហ្មទណ្ឌ បានប្រាប់ កោះសន្តិភាព ថា ៖ ដំបូងឡើយជនរងគ្រោះ និងជនសង្ស័យមានគ្នា៣នាក់ ធ្វើជាកម្មកររោងចក្រកែច្នៃដើមស្វាយចន្ទី នៅចំណុចភូមិអូរក្រវ៉ាន់ ឃុំចំការអណ្តូង ស្រុកចំការលើ ខេត្តកំពង់ចាម មុនពេលកើតហេតុ ជនរងគ្រោះម្នាក់ឈ្មោះ ហេង គឹមយ៉ាត ភេទប្រុស អាយុ២០ឆ្នាំ រស់នៅភូមិបឹងលៀង ឃុំពាមជីកង ស្រុកកងមាស ខេត្តកំពង់ចាម និងមិត្តភក្តិ២នាក់ទៀតបាននាំគ្នាទិញស្រា និងគ្រឿងក្លែមមកផឹកស៊ីនៅផ្ទះគូដណ្តឹងរបស់ខ្លួន ដែលមានម្តាយកូនក្រមុំឈ្មោះ ទឹម លីម អាយុ៥០ឆ្នាំ រស់នៅភូមិឃុំកើតហេតុខាងលើ ។
តាំងពីក្បាលល្ងាចរហូតដល់យប់ ការស៊ីផឹកយូរៗទៅក៏ក្លាសម្តីបង្កជាជម្លោះប៉ោងសរសៃ.កដាក់គ្នា ខណៈនោះជនបង្កហេតុឈ្មោះ សុខ ដោក ភេទប្រុស អាយុ២៦ឆ្នាំ រស់នៅភូមិឃុំកើតហេតុ បានដើរចេញពីកន្លែងផឹកស៊ីទៅបាត់មួយសន្ទុះ ក៏យកដែកឆាបត្រឡប់មកវិញចាក់ទៅលើជនរងគ្រោះជាកូនកំលោះឈ្មោះ ហេង គឹមយ៉ាត ចំនួន៤ដែកឆាប ត្រូវខ្នង៣កន្លែង និងគូទ១កន្លែង រងរបួសធ្ងន់ ត្រូវបានគេដឹកយកទៅសង្គ្រោះនៅមន្ទីរពេទ្យបង្អែកត្រពាំងស្វាយ ស្រុកបាយណ៍ និងម្នាក់ទៀតឈ្មោះ អឿ សុខអេង ភេទប្រុស អាយុ២៦ឆ្នាំ រស់នៅភូមិរវា ឃុំល្វា ស្រុកចំការលើ ត្រូវ៣កន្លែង ចំខ្នង២កន្លែង និងចំចង្កេះ១កន្លែង ។ ត្រូវបានគេនាំយកទៅសង្គ្រោះមន្ទីរពេទ្យខេត្តកំពង់ចាម បន្ទាប់ពីបង្កហេតុរួច ជនសង្ស័យឈ្មោះ សុខ ដោក បានរត់គេចខ្លួនបាត់ស្រមោល ។
លោកអធិការរងបន្តរថា ៖ បើតាមការសន្និដ្ឋានរបស់សមត្ថកិច្ច ជនសង្ស័យដែលរត់គេចខ្លួនបាត់នេះ អាចជាមនុស្សញៀនថ្នាំ ពីព្រោះរូបគេទើបតែមកពីធ្វើជាកម្មករនៅប្រទេសថៃ ចំណែកដែកឆាប ដែលជាអាវុធចាក់ទៅលើជនរងគ្រោះទាំង២នាក់ខាងលើ គឺជាដែកឆាបដែលគេសំលៀងចុងយ៉ាងមុតទុកធ្វើជាអាវុធ ។ សមត្ថកិច្ចកំពុងតែធ្វើការស្រាវជ្រាវចាប់ខ្លួនជនសង្ស័យយកមកផ្តន្ទាទោសចំពោះមុខច្បាប់ ។
ចែករំលែកព័តមាននេះ