ឃើញថា មានអ្នកគាំទ្រមួយចំនួនបាននាំគ្នាផ្ទុះការវែកញែកលើកឡើងពីមួយទៅមួយ ក្រោយបានប្រទះឃើញនៅតារាសម្ដែងស្រីដ៏ល្បីឈ្មោះ គឺអ្នកនាង Song Hye Kyo ហាក់ដូចជាមានរូបរាងប្រែប្រួលខុសប្លែកខ្លាំងណាស់ មិនដូចពីមុននោះឡើយ ដោយក្នុងនោះពួកគេបាននិយាយចំៗបែបនេះថា
ប្រទេសកូរ៉េ ៖ ឃើញថា មានអ្នកគាំទ្រមួយចំនួនបាននាំគ្នាផ្ទុះការវែកញែកលើកឡើងពីមួយទៅមួយ ក្រោយបានប្រទះឃើញនៅតារាសម្ដែងស្រីដ៏ល្បីឈ្មោះ គឺអ្នកនាង Song Hye Kyo ហាក់ដូចជាមានរូបរាងប្រែប្រួលខុសប្លែកខ្លាំងណាស់ មិនដូចពីមុននោះឡើយ ដោយក្នុងនោះពួកគេបាននិយាយចំៗបែបនេះថា «ចាប់តាំងតែពីកំពូលតារាសម្ដែងស្រី ដែលមានទេពកោសល្យ ស្នាដៃដ៏អស្ចារ្យប្រចាំប្រទេសកូរ៉េដ៏ស្រស់ស្អាតរូបនេះ គេហាក់នាំគ្នាសង្កេតឃើញថា ដូចជាសម្រស់របស់នាងចាស់ជាង មិនមានភាពជ្រួញនៅលើផ្ទៃមុខ ហាក់មានសភាពយាធ្លាក់សម្រស់បាក់ដូចជាមនុស្សពីរផ្សេងគ្នាអញ្ជឹង»។
ភ្លាមៗនោះ ក្រោយបានឃើញមានគេនិយាយវា.យប្រហាររិះគន់មកលើរូបនាងរួចមក អស់ការអត់ធ្មត់តទៅទៀត ស្រាប់តែតារាស្រី អ្នកនាង Song Hye Kyo ក៏បានចេញមុខមកឆ្លើយតបពន្លះទៅវិញគ្មានទុកមុខអោយទៅកាន់មនុស្សមួយចំនួនដែលបាននាំគ្នាដើរនិយាយគ្មានចេះគិតយ៉ាងដូច្នេះថា នាងមើលទៅចាស់ខ្លាំងណាស់ នៅក្នុងរឿងភាគមួយ ដែលមានចំណងជើងថា «The Glory» ដោយនៅថ្ងៃទី២៦ ខែមករា ឆ្នាំ២០២៣ថ្មីៗនេះ ក៏ស្រាប់តែមានទស្សនាវដ្តីម៉ូដមួយ នៅសុខៗក៏បានចេញផ្សាយបទសម្ភាសន៍របស់ពួកគេជាមួយ Song Hye Kyo តាមរយៈអ៊ីនធើរណេត ដោយនៅក្នុងពេលដែលកំពុងសម្ភាសន៍នោះ តារាស្រី Song Hye Kyo ក៏បាននិយាយអំពីការសម្តែងជាតួអង្គនាង «Moon Dong-eun» ក្នុងរឿងភាគដែលទើបតែបានចាក់បញ្ចាំងកាលពីពេលថ្មីៗនេះ ដែលមានចំណងជើងថា «The Glory»។
មិនទុកចាំយូរ កំពូលតារាសម្ដែងស្រី អ្នកនាង Song Hye Kyo ក៏បានបង្ហើបនិយាយខ្ទេចគ្មានសល់ ចែករំលែកនូវរឿងខ្លះៗអោយគ្រប់គ្នាបានដឹង និងបានយល់យ៉ាងច្បាស់ៗថា «ចំពោះនាងផ្ទាល់ នាងមិនបានទៅខឹង ឬមួយក៏មានចិត្តគុំកួននោះឡើយ ចង់គេនិយាយយ៉ាងម៉េចក៏និយាយចុះ ពីព្រោះថានាងខ្ញុំពេញចិត្តនឹងទម្រង់ដែលនាងបានសម្ដែង ព្រោះមើលទៅក្នុងសាច់រឿងភាគ «The Glory» នេះ គេមិនតម្រូវអោយយើងស្អាតពេកនោះទេ ព្រោះនាងជឿជាក់ថា នាងអាចមានមុខមាត់ដូចទៅនឹង «Moon Dong-eun»។
មិនតែប៉ុណ្ណោះតារាស្រីរូបនេះ ក៏បានបញ្ជាក់បន្ថែមអោយដឹងទៀតថា «ដូចខ្ញុំនិយាយដដែលៗអញ្ជឹង នៅក្នុងរឿងបែបមនោសញ្ចេតនានេះ ទាំងតួឯកប្រុស ទាំងតួឯកស្រី ត្រូវតែស្អាត តែមិនបាច់ស្អាតក្នុងរឿង «The Glory» ទាល់តែសោះ ខ្ញុំគ្មានហេតុផលអីទេ អញ្ចឹងខ្ញុំដាក់ចំនួនអប្បបរមានៃការតុបតែងមុខ និងប្រើភ្លើងដែលធ្វើឱ្យខ្ញុំមើលទៅបែបនោះ»។
តារាស្រីរូបនេះ នាងបាននិយាយបន្តទៀតថា «ខ្ញុំក៏គិតថា «Dong-eun» មើលទៅល្អមែនទែន ព្រោះនាងរស់នៅយ៉ាងលំបាក ខ្ញុំគិតថាវានឹងក្លាយជារឿងសមហេតុសមផល ប្រសិនបើនាងមានសម្បុរ និងស្បែកស្អាត ហើយខ្ញុំក៏បានឃើញថា នៅក្នុងរឿង «The Glory» មានមនុស្សជាច្រើនបាននាំគ្នាបញ្ចេញមតិនិយាយគ្រប់ៗគ្នាថា «ឥឡូវនេះខ្ញុំចាស់ណាស់ ប៉ុន្តែជាការពិតគឺខ្ញុំចាស់ហើយពិតប្រាកដណាស់ មិនមែនក្មេងដូចពីពេលមុនតទៅទៀតនោះទេ»។
ក្រោយបានឃើញនាងនិយាយអញ្ជឹងរួចមក បន្ទាប់ពីនោះតារាស្រី Song Hye Kyo ក៏ត្រូវបានគេសួរត្រង់ៗថា «តើនាងធ្លាប់គិតចង់ចាកចេញពីជីវិតតារាសម្តែងរបស់នាង នៅក្នុងអាជីពសម្ដែងជាង២០ឆ្នាំដែរឬទេ?។
មិនទុកចាំយូរ តារាស្រី Song Hye Kyo ក៏បានឆ្លើយទាំងគ្មានលាក់លៀមថា «ចា៎ ខ្ញុំមាន អាចនិយាយបានថា ពេលនេះគឺនៅពាក់កណ្តាលនៃការធ្វើដំណើររបស់ខ្ញុំនៅទីនេះ រហូតមានពេលខ្លះខ្ញុំបានសួរខ្លួនឯងជារៀងរាល់ថ្ងៃថា តើនេះជាផ្លូវត្រឹមត្រូវសម្រាប់ខ្ញុំទេ? ហើយរហូតមកទល់នឹងពេលនេះ ខ្ញុំក៏មិនធ្លាប់គិតថា ខ្ញុំអាចមានសមត្ថភាពទេពកោសល្យនៅក្នុងការសម្តែងនោះទេ។ ប៉ុន្តែការសម្ដែងបានក្លាយជារឿងសប្បាយសម្រាប់ខ្ញុំ បន្ទាប់ពីខ្ញុំចាប់ផ្តើមថតរឿង «The Glory»។ ហើយចំពោះសាច់រឿងមួយនេះ នៅក្នុងឈុតខ្លះវាហាក់ដូចជាពិបាកខ្លាំងណាស់ ប៉ុន្តែខ្ញុំមានអារម្មណ៍ថា សប្បាយចិត្តខ្លាំងណាស់ នៅពេលដែលខ្ញុំទទួលបានឈុតទាំងនោះ។ រាល់ថ្ងៃ បើខ្ញុំអាចរង់ចាំបាន ដើម្បីប្រែទៅជា «Dong-eun» ម្តងទៀត ខ្ញុំនឹងរង់ចាំ»។
ជាចុងក្រោយកំពូលតារាស្រីដ៏មានឥទ្ធិពលមិនធម្មតានៅក្នុងប្រទេសកូរ៉េខាងត្បូងរូបនេះ នាងបាននិយាយអោយដឹងថា «នៅពេលនេះ ខ្ញុំរំភើបចំពោះគម្រោងបន្ទាប់របស់ខ្ញុំជាខ្លាំង ព្រោះខ្ញុំចង់ថតរឿងភាគបន្ទាប់របស់ខ្ញុំឱ្យបានឆាប់បំផុតតាមលទ្ធភាពដែលខ្ញុំអាចធ្វើទៅបាន សម្ដែងសប្បាយណាស់ ខ្ញុំនិយាយមែន»៕
ចែករំលែកព័តមាននេះ