ADផ្ទាំងផ្សព្វផ្សាយពាណិជ្ជកម្ម

Picture

អាជ្ញាធរ​នឹង​ចាប់​ជន​ណា​ដែល​បំផ្លាញ​គម្រប​លូ​ស្ពានបេតុង​កោះ​ប៉ែន (​មាន​វី​ដេ​អូ​)

1 ឆ្នាំ មុន
  • កំពង់ចាម

ក្រោម​ការ​យកចិត្តទុកដាក់​ពី​សំណាក់​អាជ្ញាធរ​មូលដ្ឋាន ក៏​ដូច​ជា​ស្ថាប័ន​ជំនាញ​ពាក់ព័ន្ធ​បាន​ចាក់​គម្រប​លូ​បេតុង ហើយ​យក​មក​ដាក់​លើ​ស្ពាន​កោះ​ប៉ែន សម្រាប់​ធ្វើ​ដំណើរ​ឆ្លង​ពី​ក្រុង​កំពង់ចាម​ទៅ​កោះ​ប៉ែន​រួច​ហើយ​។ គម្រប​បេតុង​ថ្មី​នេះ ត្រូវ​បាន​ដាក់​បំពាក់ ដើម្បី​ឱ្យ​

ខេត្តកំពង់ចាម ៖ ក្រោម​ការ​យកចិត្តទុកដាក់​ពី​សំណាក់​អាជ្ញាធរ​មូលដ្ឋាន ក៏​ដូច​ជា​ស្ថាប័ន​ជំនាញ​ពាក់ព័ន្ធ​បាន​ចាក់​គម្រប​លូ​បេតុង ហើយ​យក​មក​ដាក់​លើ​ស្ពាន​កោះ​ប៉ែន សម្រាប់​ធ្វើ​ដំណើរ​ឆ្លង​ពី​ក្រុង​កំពង់ចាម​ទៅ​កោះ​ប៉ែន​រួច​ហើយ​។ គម្រប​បេតុង​ថ្មី​នេះ ត្រូវ​បាន​ដាក់​បំពាក់ ដើម្បី​ឱ្យ​គម្រប​លូ​ទាំង​សងខាង​មើលទៅ​ស្អាត ហើយ​ងាយស្រួល​ប្រជាពលរដ្ឋ​ដែល​ហាត់ប្រាណ​ទៅ​វិញ​ទៅ​មក ទាំង​ពេល​ព្រឹក និង​ល្ងាច និង​បញ្ចៀស​មិន​ឲ្យ​មាន​គ្រោះថ្នាក់​ផុង​បាក់ជើង​ដូច​កាលពីមុន​ទៀត​ទេ ព្រោះ​ពី​មុន​នេះ ដោយសារ​តែ​បាត់​គម្រប​លូ​នេះ​ហើយ ទើប​ធ្វើ​ឱ្យ​ស្ត្រី​វ័យ​ចំណាស់​ម្នាក់​ផុង​ដួល​បាក់​.​កជើង នៅ​ពេល​ដើរ​ហាត់ប្រាណ​។

លោក វ៉ែន នាង មេឃុំ​កោះមិត្ត បាន​មាន​ប្រសាសន៍​ឲ្យ​ដឹង​នៅ​ព្រឹក​ថ្ងៃ​ទី​២៦ ខែមករា ឆ្នាំ​២០២៣​នេះ​ថា រាប់រយ​ឆ្នាំ​មក​ហើយ ដែល​អ្នក​កោះ​ប៉ែន​ធ្វើ​ដំណើរ​មក​ក្រុង​កំពង់ចាម ក្នុង​រដូវប្រាំង តាម​ប្រ​ឌិ​ស​ឫស្សី និង​រដូវវស្សា​តាម​ទូកដរ ដោយ​ត្រូវ​ចំណាយពេល​យូរ​ទៀត​ផង​។ ដោយ​មើលឃើញ​ពី​ការ​លំបាក​បែប​នេះ ត្រូវ​បាន​ប្រមុខ​រាជរដ្ឋាភិបាល​កម្ពុជា បាន​ជួយ​ស្ថាបនា​ស្ពានបេតុង​កា​ប៉ែន ដែល​មាន​ទទឹង​ជាង​៩​ម៉ែត្រ និង​បណ្ដោយ​ប្រវែង​៧៧៩​ម៉ែត្រ ដើម្បី​បង្ក​លក្ខណៈ​ងាយស្រួល​ឲ្យ​ពលរដ្ឋ​ឆ្លងកាត់​ទៅ​វិញ​ទៅ​មក​បាន​ទាំង​រដូវប្រាំង និង​វស្សា​។

មេឃុំ​កោះមិត្ត​មាន​ប្រសាសន៍​បន្ត​ថា មួយ​រយៈ​កន្លង​ទៅ មាន​មនុស្ស​ខិលខូច​ដែល​បាន​មក​អង្គុយ​លេង និង​ស្រូប​យក​ខ្យល់អាកាស​បរិសុទ្ធ​លើ​ស្ពាន​កោះ​ប៉ែន ដោយ​បាន​វា​.​យ​គម្រប​លូ​បំបែក និង​ខ្លះ​ទៀត​បាន​លើក​គម្រប​លូ​ទម្លាក់​ចូល​ទៅ​ក្នុង​ទឹកទន្លេ​មេគង្គ​។ ហើយ​កន្លង​ទៅ​ថ្មី​ៗ ក៏​បាន​ធ្វើ​ឲ្យ​ស្ត្រី​ចំណាស់​ម្នាក់ រស់នៅ​ក្នុង​សង្កាត់​សំបូ​រមាស ក្រុង​កំពង់ចាម ខណៈ​ដើរ​ហាត់ប្រាណ​លើ​ស្ពាន ក៏​ផុងជើង បណ្ដាល​ឲ្យ​បាក់​.​កជើង​ម្ខាង​តែ​ម្តង​។ ក្រោយ​ពី​មាន​ហេតុការណ៍​នេះ​កើតឡើង អាជ្ញាធរ​ឃុំ បម្រុង​នឹង​រៀបចំ​ថវិកា ដើម្បី​ចាក់​គម្រប​លូ​បំពាក់​ឡើង​វិញ តែ​ត្រូវ​បាន​មន្ទីរ​សាធារណការ និង​ដឹក​ជញ្ជូន​ខេត្ត បាន​ចាក់​ថ្មី​យក​មក​បំពាក់​ត្រង់​ចន្លោះ​គម្រប​លូ ដែល​បាត់ និង​បែកបាក់​នោះ ធ្វើ​ឲ្យ​ស្មើ​ឡើង​វិញ នឹង​លែង​ជា​បញ្ហា​ចោទ​ទៀត​ហើយ​។

ជាមួយ​នោះ កម្លាំង​ប៉ុស្តិ៍​រដ្ឋបាល​កោះមិត្ត និង​ធ្វើការ​ឃ្លាំមើល​មនុស្ស​ខិលខូច​ណា ដែល​បាន​វា​.​យ​គម្រប​លូ​បេតុង​បែកបាក់ ឬ​លើក​បោះចោល​ចូល​ទឹកទន្លេ នៅ​ពេល​ចាប់​បាន គឺ​ត្រូវ​ចាត់ការ​តាម​នីតិវិធី ដោយ​ចោទប្រកាន់​ពី​បទ​បំភ្លេច​បំផ្លាញ​ទ្រព្យសម្បត្តិ​សាធារណៈ​។ ដូច្នេះ​យើង​គប្បី​នាំ​គ្នា​ថែរក្សា​ស្ពានបេតុង​កោះ​ប៉ែន ធ្វើ​យ៉ាងណា​ប្រើប្រាស់​ឲ្យ​បាន​យូរ​ទៅ​ថ្ងៃ​មុខ ហើយ​ក្រុម​យុវជន​ដែល​មក​លេង​អង្គុយ​ហូប​នំ សូមកុំ​បោះ​សំរាម​ចោល​លើ​ស្ពាន ដើម្បី​ឲ្យ​មាន​បរិស្ថាន​ល្អ​ព្រោះ​បរទេស​ធ្វើ​ដំណើរ​ឆ្លងកាត់​តាម​នេះ​កុំ​ឲ្យ​គេ​មាក់ងាយ​។ ពេល​ដែល​ស្ពាន​កោះ​ប៉ែន​ស្ថាបនា​រួចរាល់ ប្រជាពលរដ្ឋ​រស់នៅ​ឃុំ​កោះមិត្ត និង​មួយ​ផ្នែក​នៅ​ឃុំ​កោះសូទិន ស្រុក​កោះ​ទិន បើសិនជា​មាន​ជំងឺ​ត្រូវ​ដឹក​មក​កាន់​មន្ទីរពេទ្យ​ខេត្ត​នៅ​ពេល​យប់ គឺ​មាន​លក្ខណៈ​ងាយស្រួល និង​ឆាប់រហ័ស​ផង​ដែរ​។

លោក សុខ លឹ​ម​ហៀ​ង ប្រធាន​មន្ទីរ​សាធារណការ និង​ដឹក​ជញ្ជូន​ខេត្ត បាន​ឲ្យ​ដឹង​ដែរ​ថា ចំពោះ​គម្រប​លូ​បេតុង​ថ្មី​ដែល​កម្លាំង​មន្ទីរ​សាធារណការ​ខេត្ត​ដឹក​យក​មក​បំពាក់​ឡើង​វិញ​នៅ​ថ្ងៃ​ទី​២៥ ខែមករា ឆ្នាំ​២០២៣​នេះ គឺ​សរុប​មាន​ចំនួន​២៧​គម្រប​។ ជាមួយ​នោះ រូប​លោក​សំណូមពរ​ដល់​អាជ្ញាធរ​មូលដ្ឋាន ត្រូវ​តែ​សហការ​គ្នា​ថែរក្សា ធ្វើ​យ៉ាងណា​កុំឱ្យ​បាក់បែក​បន្ត​ទៀត និង​ជួយ​ចាប់​ជនខិលខូច​ណា​ដែល​វា​.​យ​បំផ្លាញ​គម្រប​លូ​។

អត្ថបទសរសេរ ដោយ

កែសម្រួលដោយ