រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានបញ្ជាក់ថា មិនត្រូវឲ្យមានកំហុសនយោបាយកើតមាននៅកម្ពុជាទៀតទេ។ការអះអាងនេះ សម្តេចតេជោ ក៏បានលើកឡើងថា ពីកំហុសរបស់អ្នកនយោបាយដែលជាមេដឹកនាំជំនាន់មុខដែលធ្វើឲ្យប្រទេសកម្សត់មួយនេះធ្លាក់ក្នុងភាពក្រីក្រ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានបញ្ជាក់ថា មិនត្រូវឲ្យមានកំហុសនយោបាយកើតមាននៅកម្ពុជាទៀតទេ។ការអះអាងនេះ សម្តេចតេជោ ក៏បានលើកឡើងថា ពីកំហុសរបស់អ្នកនយោបាយដែលជាមេដឹកនាំជំនាន់មុខដែលធ្វើឲ្យប្រទេសកម្សត់មួយនេះធ្លាក់ក្នុងភាពក្រីក្រ និងសង្គ្រាម។
សម្តេចតេជោ ហ៊ុន សែន បានធ្វើឡើងក្នុងពិធីចែកសញ្ញាបត្រ ជូននិស្សិតជ័យលាភីថ្នាក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិតនៃសាកលវិទ្យាល័យវេស្ទើន នាព្រឹកថ្ងៃទី២៦ ខែមករា ឆ្នាំ២០២៣ បានរំលឹកអំពីកំហុសខាងនយោ បាយរបស់មេដឹកនាំកម្ពុជាជំនាន់មុនដែលធ្វើឱ្យប្រទេសធ្លាក់ទៅជាប្រទេសក្រីក្រ និងសង្គ្រាម ហើយត្រូវបានបំផ្លាញដល់ឫសគល់។
ជាមួយគ្នានោះ សម្តេចក៏បានរលឹករឿងរ៉ាវអតីតកាលឡើងវិញនេះ សម្តេចតេជោ បានព្រមានថា កំហុសខាងនយោបាយមិនត្រូវឱ្យមាននៅកម្ពុជាទៀតឡើយ។សម្តេចតេជោ អះអាងថា ជាប្រទេសដែលមានធនធានធម្មជាតិសម្បូរបែប និងមានស្ថានភាពអំណោយផលដោយមិនមានគ្រោះធម្មជាតិរញ្ជួយផែនដី ផ្ទុះភ្នំភ្លើងខ្យល់ព្យុះដូចប្រទេសដទៃឡើយ។
សម្តេចតេជោ បានគូសបញ្ជាក់ថា ៖«បើយើងពិនិត្យអំពីស្ថានភាពរបស់ប្រទេសយើងភាពអនុគ្រោះមានច្រើនប្រៀបជាមួយនឹងប្រទេសដទៃ ប៉ុន្តែហេតុអ្វីបានជាយើងក្រ បញ្ហាចាប់ផ្តើមពីកំហុសខាងនយោបាយប្រទេសនេះ បើសិនជាមិនមានសង្គ្រាមឆ្នាំ១៩៧០ ផ្តើមដោយរដ្ឋប្រហារ១៨មីនា ឆ្នាំ១៩៧០»។
សម្តេចថា ថ្ងៃ១៨ មីនា ឆ្នាំ១៩៧០ គឺជារដ្ឋប្រហារយោធា ដែលធ្វើឡើងដោយ លោកសេនាប្រមុខ លន់ នល់ ដើម្បីទម្លាក់សម្តេចនរោត្តម សីហនុ ចេញពីប្រមុខរដ្ឋ។ រដ្ឋប្រហារនេះ គឺជាចំណុចចាប់ផ្តើម ដែលនាំឱ្យកម្ពុជាមានសង្គ្រាមស៊ីវិលរ៉ាំរ៉ៃរហូតធ្លាក់ទៅក្នុងរបបប្រល័យពូជសាសន៍ ប៉ុល ពត ដោយសម្លា.ប់ប្រជាពលរដ្ឋជិត៣លាននាក់ និងបំផ្លិចបំផ្លាញធនធានមនុស្ស និងហេដ្ឋារចនាសម្ព័ន្ធនានា។សម្តេចថ្លែងបន្តថា ៖ «កំហុសខាងនយោបាយនៃការសម្រេចចិត្តធ្វើរដ្ឋប្រហារទម្លាក់សម្តេចព្រះនរោត្តម សីហនុ នាំឱ្យប្រទេសនេះមិនត្រឹមតែមិនអាចអភិវឌ្ឍបានទេ ប៉ុន្តែប្រទេសនេះ ត្រូវបានបំផ្លាញដល់ឫសគល់តែម្តង យើងលំបាកណាស់សង្គ្រាមបានដុតរោលទូទាំងប្រទេស»។
សម្តេចបានគូសបញ្ជាក់បន្ថែមថា ៖ «អញ្ចឹងកំហុសខាងនយោបាយមួយនេះធ្វើឱ្យប្រទេសដើរថយក្រោយ ក្នុងពេលដែលប្រទេសដទៃដើរទៅមុខ យើងដើរថយក្រោយទៅវិញទេ អញ្ចឹងកំហុសខាងនយោបាយនេះត្រូវតែចៀសវាងដែលយើងតែងតែនិយាយថា ខិតខំរក្សានូវសន្តិភាពដែលយើងរកបានដោយលំបាកនេះឱ្យខាងតែបានទោះដោយតម្លៃណាក៏ដោយ ត្រូវការពារសន្តិភាពឱ្យបានសិន កំហុសខាងនយោបាយមិនត្រូវឱ្យមានបន្តទៀតនៅកម្ពុជានោះទេ»៕
ចែករំលែកព័តមាននេះ