រាជធានីភ្នំពេញ៖ បន្ទាប់ពីឃើញសកម្មភាពរបស់គណបក្សសម្ព័ន្ធមានគំនិតទេទៅរកគណបក្សប្រឆាំងនោះ គណបក្សប្រជាជនកម្ពុជាបានសម្រេចផ្តាច់សម្ព័ន្ធភាពជាមួយគណបក្សខ្មែររួមរួមជាតិរបស់លោក ញឹក ប៊ុន ឆៃ។ នោះបើ
រាជធានីភ្នំពេញ៖ បន្ទាប់ពីឃើញសកម្មភាពរបស់គណបក្សសម្ព័ន្ធមានគំនិតទេទៅរកគណបក្សប្រឆាំងនោះ គណបក្សប្រជាជនកម្ពុជាបានសម្រេចផ្តាច់សម្ព័ន្ធភាពជាមួយគណបក្សខ្មែររួមរួមជាតិរបស់លោក ញឹក ប៊ុន ឆៃ។ នោះបើតាមលោក សុខ ឥសាន អ្នកនាំពាក្យគណបក្សប្រជាជនកម្ពុជា។
ការប្រកាសផ្តាច់សម្ព័ន្ធភាពនេះ ត្រូវលោក លោក សុខ ឥសាន ពន្យល់ប្រាប់តាមប្រព័ន្ធតេឡេក្រាមកាលពីថ្ងៃទី ២០ កក្កដា អំពីគណបក្សសម្ព័ន្ធភាពរវាងគណបក្សដែលគាំទ្ររាជរដ្ឋាភិបាលថា នៅក្នុងសង្គមប្រជាធិបតេយ្យសេរីពហុបក្ស គណបក្សតិច ឬច្រើន អាចចងសម្ព័ន្ធភាពជាមួយគ្នាបាន អាស្រ័យលើឆន្ទៈនិងមានកម្មវិធីដូចគ្នាឬប្រហាក់ប្រហែលគ្នា ដោយឈរលើគោលការណ៍គាំទ្រគ្នាទៅវិញទៅមក ដើម្បីផលប្រយោជន៍រួម ។
លោកសុខ ឥសានបានប្រាប់កោះសន្តិភាពនៅថ្ងៃទី២១ កក្កដាឆ្នាំ២០១៧ថា«ពិតហើយ យើងបានប្រកាសផ្តាច់សម្ព័ន្ធជាមួយគណបក្សខ្មែររួបរួមជាតិរបស់លោក ញឹក ប៊ុនឆៃហើយ។ បាទ! យើងបានផ្តាច់សម្ព័ន្ធហើយ គាត់បានក្បត់សម្ព័ន្ធភាពដូចអ្វីដែលខ្ញុំសសេរខាងលើថា កាលណាភាគីណានៅក្នុងសម្ព័ន្ធភាព ហើយក្បត់សម្ព័ន្ធភាពអាញ្ចឹងគណបក្សកាន់អំណាចនៅក្នុងសម្ព័ន្ធភាពប្តេចហើយលុបចោលមន្ត្រីដែលជាសម្ព័ន្ធភាពនៅក្នុងសម្ព័ន្ធនោះចេញ។ ដូចអ្វីដែលខ្ញុំនិយាយអីុចឹង គឺមិនអាចឲ្យគាត់ស៊ីប្រាក់រាជរដ្ឋាភិបាលហើយបំរើបក្សប្រឆាំងទេ អាហ្មឹងមិនអាចទុកបានទេ គឺត្រូវតែលុបចេញហើយ »។
យ៉ាងណាក្តីអ្នកនាំពាក្យគណបក្សកាន់អំណាចមិនអាចប្រាប់ពីមន្ត្រីមកពីគណបក្សរបស់លោក ញឹក ប៊ុនញៃ ចំនួនប៉ុន្មាននោះទេ ។ ប៉ុន្តែលោកថា លុបឈ្មោះតែអ្នកដែលកំពុងនៅក្នុងគណបក្សរបស់លោកញឹក ប៊ុន តែប៉ុណ្ណោះ។
សូមជម្រាបថា ការប្រកាសជំហរកាត់ផ្តាច់សម្ព័ន្ធមេត្រីភាពបែបនេះរបស់មន្ត្រីនាំពាក្យគណបក្សប្រជាជនកម្ពុជានៅពេលនេះ ធ្វើឡើងក្រោយពេលព្រះមហាក្សត្រ ព្រះអង្គត្រាស់បង្គាប់បញ្ចប់មុខតំណែងមន្ត្រីជាន់ខ្ពស់ចំនួន ១២រូបពីទីប្រឹក្សារាជរដ្ឋាភិបាលកាលពីថ្ងៃទី១៨ កក្កដាបន្ថែមទៀត។ ទីប្រឹក្សាទាំងអស់ដែលត្រូវបានបញ្ចប់មុខតំណែងនេះ មានការលើកឡើងថា គឺជាមនុស្សដែលស្និទ្ធនឹងលោក ញឹក ប៊ុនឆៃ។
ទាក់ទិនការបញ្ចប់មុខតំណែងមន្ត្រីទាំង ១២រូបពីទីប្រឹក្សារដ្ឋាភិបាលដោយព្រះរាជក្រឹត្យនៅពេលនេះ ត្រូវគេបញ្ជាក់ថា គឺសុទ្ធសឹងតែជាមន្ត្រីដែលស្និទ្ធនឹងលោក ញឹក ប៊ុនឆៃកោះសន្តិភាពបានទាក់ទងនិងលោកញឹក ប៊ុនឆៃនៅថ្ងៃនេះដែរ ប៉ុន្តែទូរស័ព្ទរបស់គ្មានអ្នកទទួលទេ៕
ចែករំលែកព័តមាននេះ