ADផ្ទាំងផ្សព្វផ្សាយពាណិជ្ជកម្ម

Picture

ខាត់ សុ​ឃី​ម បង្ហាញ​គោលដៅ​វិ​ថី​សិល្បៈ​មួយ​ឲ្យ​កូនស្រី​របស់​លោក ខាត់ ចំរើន នា​ពេល​អនាគត

5 ថ្ងៃ មុន
  • ភ្នំពេញ

តារា​ពហុ​ជំនាញ​អ្នក​នាង ខាត់ សុ​ឃី​ម បាន​បង្ហាញ​សម្រាប់​វិ​ថី​សិល្បៈ​ទៅ​អោយ​កូនស្រី​របស់​លោក ខាត់ ចំរើន ក្នុង​ពេល​ដែល​កូនស្រី​របស់​លោក​កាន់តែ​ចម្រើន​វ័យ និង​មាន​ភាព​ស្រស់​ស្អាត​។ អ្វី​ដែល​អ្នក​នាង ខាត់ សុ​ឃី​ម ចង់បាន​នោះ គឺ​ចង់អោយ

រាជធានី​ភ្នំពេញ ៖ តារា​ពហុ​ជំនាញ​អ្នក​នាង ខាត់ សុ​ឃី​ម បាន​បង្ហាញ​សម្រាប់​វិ​ថី​សិល្បៈ​ទៅ​អោយ​កូនស្រី​របស់​លោក ខាត់ ចំរើន ក្នុង​ពេល​ដែល​កូនស្រី​របស់​លោក​កាន់តែ​ចម្រើន​វ័យ និង​មាន​ភាព​ស្រស់​ស្អាត​។ អ្វី​ដែល​អ្នក​នាង ខាត់ សុ​ឃី​ម ចង់បាន​នោះ គឺ​ចង់អោយ​កូនស្រី​របស់​លោក ខាត់ ចំរើន ដែល​មានឈ្មោះ​ថា ខាត់ ចំរើន​ចា​ស្មី​ន ចូល​ប្រឡង​បវរកញ្ញា​នា​ពេល​អនាគត​។

Picture

ពិត​ណាស់ ក្រោយ​មរណភាព​របស់​លោក ខាត់ ចំរើន កូន​ៗ​ទាំងអស់​របស់​លោក​ត្រូវ​បាន​ទទួល​ការ​មើលថែ​ពី​អ្នក​នាង ខាត់ សុ​ឃី​ម ដែល​ជា​បង ក្នុង​ពេល​ដែល​កូន​ៗ​របស់​លោក​កំពុង​តែ​ចម្រើន​វ័យ​កាន់តែ​ធំ និង​មានការ​ផ្ទ​ង់​ផ្តើម​ឲ្យ​ប្រឡូក​ក្នុង​អាជីព​សិល្បៈ​ផង​ដែរ​។

លើស​ពី​នេះ​ទៅ​ទៀត​នោះ អ្នក​នាង ខាត់ សុ​ឃី​ម ក៏​បាន​បង្ហាញ​ពី​គោលដៅ​ធំ​មួយ​សម្រាប់​កូនស្រី​របស់​លោក ខាត់ ចំរើន ដោយ​អ្នក​នាង​ចង់​ឲ្យ​ចូល​ប្រឡូក​ក្នុង​វិស័យ​សិល្បៈ​តាម​រយៈ​ការ​ត្រៀមខ្លួន​ចូលរួម​ប្រកួតប្រជែង​បវរកញ្ញា​នា​ពេល​អនាគត​។

Picture

ជាមួយនឹង​ការ​បង្ហាញ​រូបភាព​កូនស្រី​លោក ខាត់ ចំរើន តាម​បណ្តាញ​សង្គម​ហ្វេ​ស​ប៊ុ​ក អ្នក​នាង ខាត់ សុ​ឃី​ម បាន​ភ្ជាប់​ជាមួយនឹង​សំ​ណេ​រថា កូនស្រី​របស់ ខាត់​ចំរើន ពេល​ធំ​អាច​ឈាន​ចូល​ប្រឡង​ប​វក​ញ្ញ​បាន​ទេ​មើលទៅ បងប្អូន​គិត​លេង​ៗ ត្រេ​មុខ កូន​ខ្មែរ អាយុ​១៣​ឆ្នាំ កំពស់ 158 ហើយ អ៊ំ​ចង់អោយ ចា​ស្មី​ន ធំ​ឡើង​ចូល​ក្នុង​វិស័យ​១​នេះ​។ យ៉ាងណា មុន​ឈាន​ដល់​ការ​សម្រេច​គោលបំណង​នេះ អ្នក​នាង ខាត់ សុ​ឃី​ម ក៏​ត្រូវ​ព្យាយាម​ដុះខាត់​បន្ថែម​ទៅ​លើ​កូនស្រី​របស់ ខាត់ ចំរើន ដើម្បី​សម្រេច​គោលដៅ​ធំ​មួយ​នេះ​។

ជា​ការ​កត់សម្គាល់ ការ​បង្ហាញ​នូវ​គោលបំណង​ខាងលើ​របស់​អ្នក​នាង ខាត់ សុ​ឃី​ម នា​ពេល​នេះ ត្រូវ​បាន​មហាជន​ជា​ច្រើន​សម្តែង​ការ​គាំទ្រ និង​សាទរ ខណៈ​ពេល​ដែល​ពួក​គេ​ក៏​បាន​ជូនពរ​អ្នក​នាង ខាត់ សុ​ឃី​ម សម្រេច​នូវ​គោលបំណង​នេះ​នា​ពេល​អនាគត​ផង​ដែរ​។

Picture

គួ​រំលឹក​ថា តារា​កំប្លែង ចម្រៀង លោក​ខាត់ ចំរើន ជា​ប្អូនប្រុស​បង្កើត​អ្នក​នាង ខាត់ សុ​ឃី​ម បាន​ទទួលមរណភាព​នៅ​វេលា​ម៉ោង​៥​ព្រឹក ថ្ងៃ​ទី​២០ ខែវិច្ឆិកា ឆ្នាំ​២០២២​នេះ បន្ទាប់​ពី​លោក​បាន​ពើ​ប្រទះ​នូវ​ជំងឺ​ជា​ច្រើន​មុខ​។ តារា​កំប្លែង និង​ជា​អ្នកចម្រៀង ខាត់ ចំរើន បាន​ទទួល​ប្រជាប្រិយភាព និង​ការ​ចាប់អារម្មណ៍ ក៏​ដូច​ជា​មាន​ភាព​ល្បីល្បាញ​ក្នុង​ប្រទេស​ជា​ខ្លាំង បន្ទាប់​ពី​បាន​ចូល​ក្នុង​សិល្បៈ ដោយសារ​តែ​លោក​តែងតែ​ផ្ដល់​នូវ​ភាព​សប្បាយ​រីករាយ និង​ស្នាមញញឹម​ដល់​បងប្អូន​ខ្មែរ​ជា​ច្រើន​កន្លង​មក​។

លោក ខាត់ ចំរើន បាន​រៀប​ការ​មានគ្រួសារ​រយៈពេល​១៧​ឆ្នាំ​មុន​នឹង​លោក​ទទួលមរណភាព ដោយនៅ​ក្នុង​នោះ​លោក​មានកូន​ចំនួន​៣​នាក់ ក្នុង​ស្រី​ម្នាក់ និង​ប្រុស​ពីរ​នាក់ ដោយ​កូនប្រុស​ទី​មួយ ឈ្មោះ ខាត់ ចំរើន មង្គល អាយុ​១៣​ឆ្នាំ កូនស្រី​ទី​ពីរ​ឈ្មោះ ខាត់ ចំរើន ចា​ស្មី​ន អាយុ​១២​ឆ្នាំ និង​កូនប្រុស​ពៅ ឈ្មោះ ខាត់ ចំរើន សុខ​វ៉ិ​ច​បុត្រ អាយុ​៩​ឆ្នាំ​៕

Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023