រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជាបានបញ្ជាក់ឲ្យមេធាវីគណបក្សប្រជាជនកម្ពុជាសិក្សាថ្លែងការណ៍គណបក្សភ្លើងទៀនកន្លងមក ដែលថ្កោលទោសចំពោះការចាប់ខ្លួនលោក ថាច់ សេដ្ឋា អនុប្រធានគណបក្សភ្លើង ទៀនពាក់ព័ន្ធនឹងចេញសែកស្អុយថា គណបក្សកាន់អំណាចគំរា.មកំហែ.ង និងកៀបសង្កត់។
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីជួបសំណេះសំណាលជាមួយកម្មករសំណង់នៅក្នុងការដ្ឋាន«មន្ទីរពេទ្យជាតិតេជោសន្ដិភាព» ប្រមាណ១,២០០នាក់ នាព្រឹកថ្ងៃទី១៩ មករា ឆ្នាំ២០២៣ ខ្ញុំសុំទទូចហើយទទូចទៀត និងអង្វរកផង ហើយក៏មានវិធានការផ្លូវច្បាប់ចំពោះអ្នកឯងផងដែរ។
សម្តេចបញ្ជាក់ថា ៖«អ្នកមិនអាចចេញសេចក្តីថ្លែងការណ៍ដោយថាគណបក្សកាន់អំណាចគំរា.មកំហែ.ងអ្នកឯងនោះទេ! អ្នកឯងប្រយ័ត្នគណបក្សប្រជាជនប្តឹង! អ្នកឯងចេញសែកអត់លុយ ហើយតុលាការចា.ប់ខ្លួនវាសំហេតុផលណាស់ ហេតុអីនិយាយថា រឿងនយោបាយ «…»អីញ្ចឹងស្អីនយោបាយទាំងអស់ឬ? ចាប់ពីពេលនេះទៅគណប្សប្រជាជនកម្ពុជាត្រូវលុបបំបាត់ទី១.ពាក្យថា ចោទគណបក្សប្រជាជនកម្ពុជាលួចសន្លឹកឆ្នោតត្រូវបញ្ចប់ បើមិនដូច្នេះគេខ្ញុំនឹងបញ្ចប់អ្នកឯងតាមផ្លូវតុលាការទាំងអស់ផ្តាំទៅអ្នកឯងឲ្យច្បាស់។ទី២.ទោះបីជាគណបក្សប្រជាជនកម្ពុជាមានប្រវត្តិពីណាក៏ដោយក៏អ្នកឯងមិនត្រូវប៉ះពាល់គណបក្សប្រជាជនឡើយ។អ្នកឯងសាកលមើលខ្ញុំនឹងធ្វើឲ្យអ្នកឃើញ!ខ្ញុំមិនដែលប៉ះពាល់គណៈបក្សអ្នកឯងទេ»។
ជាមួយគ្នានោះដែរ ប្រធានគណបក្សប្រជាជនកម្ពុជាលើកឡើងថា អ្នកដែលដើរនិយាយពីគណបក្សគេអ្នកនោះមិនទាន់ស្គាល់លទ្ធិប្រជាធិបតេយ្យច្បាស់ឬទេ?។ទោះបីជាគណបក្សគេដាក់ឈ្មោះអ្វីឈ្នោះអាព្រុញ ឬប្រែតក៏ដោយឈ្មោះស្អីក៏ដោយឲ្យតែក្រសួងមហាផ្ទៃទទួលស្គាល់ ។
សម្តេចក៏បានព្រមានដល់គណបក្សប្រឆាំង(គណបក្សភ្លើងទៀន)ថាបើអ្នកចង់ឈ្នះនិយាយតែគណបក្សខ្លួនទៅមិនចាំបាច់និយាយពីគណបក្សគេនោះទេ។សម្តេចគូសបញ្ជាក់ថា ៖«ខ្ញុំនឹងធ្វើអ្នកឯងដោយមិនខ្លាចអ្វីទាំងអស់ ប៉ុន្តែធ្វើតាមផ្លូវតុលាការដូចអ្វីដែលខ្ញុំនិយាយពីអាទិ ត្យ គឺតាមផ្លូវតុលាការ និងទៅដល់ផ្ទះវៃតែម្តង។ ចង់បានមួយណា! កុំប្រហើនពេកមើល អ្នកខ្លះចេញទៅក្រៅប្រទេស ហើយជេរ៧មករាពីខាងក្រៅវិញ សូម្បីក្បាលវារស់ដោយសារ៧មករា ដែរហ្នឹង! អត់ទេមានតែប្រើផ្លូវច្បាប់ដាក់វា ដើម្បីការពារស្អាតស្អំរបស់យើង»។
ទាក់ទង និងសេចក្តីថ្លែងរបស់គណបក្សភ្លើងទៀន ករណីចាប់ខ្លួនលោក ថាច់ សេដ្ឋា ថា គណបក្សកាន់អំណាចគៀបសង្កត់សម្តេចតេជោបានគូសបញ្ជាក់ថា ៖«ខ្ញុំចង់ឲ្យមេធាវីគណបក្សប្រជាជនសិក្សាសេចក្តីថ្លែងការណ៍ហ្នឹងឲ្យអ្នកឯងសុំទោស បើមិនសុំទោសប្តឹងអ្នក ឯងទៀត ខ្ញុំមើលឃើញថ្លែងការណ៍ហ្នឹង»។
សម្តេចបានលើកឡើងថា ថ្លែងការណ៍និយាយពីគណបក្សកាន់អំណាច គឺមានតែគណបក្សប្រជាជនកម្ពុជា ដូច្នេះមេធាវីគណបក្សប្រជាជនកម្ពុជាមើលថ្លែងការណ៍នឹងគេថា យើងគំរា.មកំហែ.ងគេតើសួរថា គំរា.មកន្លែងណាពេលណា?និយាយគ្នាឲ្យច្បាស់ បើមិនព្រម ដកពាក្យនឹងទេប្តឹងមួយទៀត។
សម្តេចបញ្ជាក់បន្ថែមថា៖«ឯកឧត្តមគី តិច មើលសេចក្តីថ្លែងការណ៍ហ្នឹង ចេញពី ថ្ងៃ១៦ មករា ថាគណបក្សប្រជាជនគំរា.មកំហែ.ង គៀបសង្កត់ តើនៅកន្លែងណា ពេលណានិយាយឲ្យច្បាស់ បើឯងសុំទោស អញ់ប្តឹង ប៉ុន្តែវប្បធម៌សុំទោសល្មមឈប់ហើយ អីញ្ចឹងទាល់តែលែងឲ្យបាន»។
សម្តេចតេជោ ក៏បានលើកឡើងថា ក្នុងនាមជាប្រធានគណបក្សប្រជាជន សម្តេចមិនឲ្យគណបក្សណា ឬអ្នកណាប្រមាថគណបក្សប្រជាជនឡើយ ខណៈសម្តេចមិនដែលប្រមាថគណបក្សណា ឬអ្នកណានោះទេ។ សម្តេចបានលើកឡើងយ៉ាងដូច្នេះថា ៖«បើអ្នកឯងចង់សាកល៎មើល! ខ្លួនចង់ឈ្នះឲ្យរៀនសូត្រតាមអ្នកឃោសនាពាណិជ្ជកម្មទៅ»៕
ចែករំលែកព័តមាននេះ