ខេត្តសៀមរាប ៖ ដោយយោងតាមពាក្យបណ្តឹងរបស់ឪពុកម្តាយកុមារីរងគ្រោះ ទើបកម្លាំងអធិការដ្ឋាននគរបាលក្រុង បានចុះស្រាវជ្រាវ សហការណ៍ជាមួយនគបាលប៉ុស្តិ៍រដ្ឋបាលសង្កាត់នគរធំ ករណីរំលោ.ភសេពសន្ថវៈ រហូតបានសម្រេចទៅលើក្មេងស្រីរងគ្រោះ
ខេត្តសៀមរាប ៖ ដោយយោងតាមពាក្យបណ្តឹងរបស់ឪពុកម្តាយកុមារីរងគ្រោះ ទើបកម្លាំងអធិការដ្ឋាននគរបាលក្រុង បានចុះស្រាវជ្រាវ សហការណ៍ជាមួយនគបាលប៉ុស្តិ៍រដ្ឋបាលសង្កាត់នគរធំ ករណីរំលោភសេពសន្ថវៈ រហូតបានសម្រេចទៅលើក្មេងស្រីរងគ្រោះ អាយុក្រោម១៥ឆ្នាំ ព្រមទាំងធ្វើការឃាត់ខ្លួនបានជនសង្ស័យភ្លាមៗផងដែរ ក្នុងថ្ងៃតែមួយ កាលពីវេលាម៉ោង១៣និង៤០នាទី ថ្ងៃទី១២ ខែកក្កដា ឆ្នាំ២០១៧ ស្ថិតនៅក្រុមទី១១ ភូមិអញ្ចាញ សង្កាត់នគរធំ ក្រុងខេត្តសៀមរាប ខេត្តសៀមរាប ។
លោកវរៈសេនីយ៍ត្រី នួន សក្ត័ចំរើនរិទ្ធ អធិការងទទួលផ្នែកនគរបាលយុត្តិធម៍ នៃអធិការដ្ឋាននគរបាលក្រុងសៀមរាប បានប្រាប់នៅរសៀលថ្ងៃទី១៥ ខែកក្កដា ឆ្នាំ២០១៧ នេះថា មានករណីចាប់រំលោភសេពសន្ថវៈបានសម្រេចចំនួន០១លើក លើរាងកាយកុមារីរងគ្រោះ អាយុ១២ឆ្នាំ មុខរបរសិស្សម្នាក់ ។ លោកបានបន្តថា បន្ទាប់ពីទទួលបានព័ត៌មាន និងពាក្យបណ្តឹងពីអាណាព្យាបាលជនរងគ្រោះ លោកក៏បានឱ្យកម្លាំងអធិការនគរបាលផ្នែកព្រហ្មទណ្ឌក្រុង សហការណ៍ជាមួយនគបាលប៉ុស្តិ៍រដ្ឋបាលសង្កាត់នគរធំ ចុះស្រាវជ្រាវរហូតឈានដល់ធ្វើការឃាត់ខ្លួនបានជនសង្ស័យម្នាក់ឈ្មោះ ប៉ា សៀន ភេទប្រុស អាយុ៥៥ឆ្នាំ មុខរបរកម្មករសំណង់ ទីលំនៅបច្ចុប្បន្ននៅភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប រួចយកមកសួរនាំនៅអធិការដ្ឋាននគរបាលផ្នែកព្រហ្មទណ្ឌក្រុង ដើម្បីរៀបចំកសាងសំណុំរឿងបញ្ជូនទៅតុលាការ ចាត់ការបន្តទៅតាមផ្លូវច្បាប់ ។
លោកបានបញ្ជាក់ផងដែរថា ក្រោយពីបានធ្វើការឃាត់ខ្លួន ជនសង្ស័យបានសារភាពនៅចំពោះមុខសមត្ថកិច្ចយើងថា ខ្លួនពិតជាបានដើរទៅលែងផ្ទះរបស់ឪពុកម្តាយកុមារីរងគ្រោះមែន ខណៈពេលដើរទៅដល់ មិនឃើញឪពុកម្តាយរបស់កុមារីរងគ្រោះនៅផ្ទះនោះទេ ដោយឃើញតែកុមារីរងគ្រោះ និងប្អូនប្រុសម្នាក់ទៀត នៅលែងលើផ្ទះ ឃើញឱកាសស្ងាត់ល្អ ជនសង្ស័យក៏បានឡើងទៅលើផ្ទះ ហើយបានឱ្យលុយទៅប្អូនប្រុសរបស់កុមារីរងគ្រោះចំនួន១០០០រៀល យកទៅទិញនុំញ៉ាំបាត់ បន្ទាប់មកខ្លួនក៏បានធ្វើសកម្មភាពចាប់ក្មេងស្រីរងគ្រោះ រំលោភនៅលើផ្ទះ រហូតបានសម្រាច ។បច្ចុប្បន្ន ជនសង្ស័យត្រូវបានកម្លាំងជំនាញកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី ៕
ចែករំលែកព័តមាននេះ