រាជធានីភ្នំពេញ ៖ យុវជនម្នាក់ ក្រោយពេលឪពុកម្ដាយស្លា.ប់ចោលច្រើនឆ្នាំមកនេះ បានមករស់នៅជាមួយជីដូនក្នុងជីវភាពយ៉ាងលំបាកលំបិនបំផុត ព្រោះគ្មានការងារធ្វើ ហើយក៏គ្មានដើមទុនសម្រាប់ធ្វើជាមុខរបររកស៊ីនិងគេឡើយ រហូតដល់ពេលថ្មីៗនេះ គាត់
រាជធានីភ្នំពេញ ៖ យុវជនម្នាក់ ក្រោយពេលឪពុកម្ដាយស្លាប់ចោលច្រើនឆ្នាំមកនេះ បានមករស់នៅជាមួយជីដូនក្នុងជីវភាពយ៉ាងលំបាកលំបិនបំផុត ព្រោះគ្មានការងារធ្វើ ហើយក៏គ្មានដើមទុនសម្រាប់ធ្វើជាមុខរបររកស៊ីនិងគេឡើយ រហូតដល់ពេលថ្មីៗនេះ គាត់បានសម្រេចចិត្តទុកជីដូនចាស់ឱ្យនៅម្មាក់ឯង រួចហើយគាត់បានសម្រេចចិត្តចាកចេញពីផ្ទះសម្បែងមកភ្នំពេញ ដើម្បីរកការងារជាកម្មកររោងចក្រកាត់ដេរធ្វើនឹងគេ គ្រាន់បានប្រាក់ផ្គត់ផ្គង់ជីវភាពនៅក្នុងគ្រួសារគាត់ ។
ប៉ុន្តែអ្វីៗ មិនបានដូចជាការគិតរបស់គាត់ឡើយ ក្រោយចាកចេញពីស្រុកកំណើតជាច្រើនថ្ងៃកន្លងមកហើយ គាត់មិនអាចរកការងារបានឡើយ គាត់បានទៅសុំការងារគេធ្វើ នៅតាមរោងចក្រជាច្រើន ប៉ុន្តែត្រូវគេបដិសេធន៍ថា ប្រុសៗមិនយកទេ គឺយកតែស្រីៗប៉ុណ្ណោះ។ ដោយអសសង្ឃឹមក្នុងជីវិត ម្យ៉ាងជ្រុលជាចេញពីស្រុកកំណើតហើយថា មករកការងារធ្វើហើយនោះ គាត់បានគិតឃើញល្បិចមួយ គឺតែងខ្លួនជាស្រីដោយបានទិញសក់វែងពាក់ ព្រមទាំងទិញអាវទ្រនាប់ និងសម្លៀកបំពាក់ជាស្ត្រី រួចបានចូលទៅកាន់បន្ទប់រដ្ឋបាលរោងចក្រកាត់ដេរមួយ បង្កឲ្យមានការភ្ញាក់ផ្អើលយ៉ាងខ្លាំង ហើយត្រូវបាននគរបាលឃាត់ខ្លួនទៅសួរនាំ ។
ហេតុការណ៍នេះបានកើតឡើង កាលពីវេលាម៉ោង១២ថ្ងៃត្រង់ថ្ងៃទី១៤ កក្កដា ស្ថិតនៅក្នុងរោងចក្រកាត់ដេរមួយកន្លែង យីហោ CRCH មានទីតាំងស្ថិតនៅក្នុងភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ ។ យុវជនខាងលើនោះ ឈ្មោះបាន បុណ្យ អាយុ២៣ឆ្នាំ មានស្រុកកំណើតនៅក្នុងភូមិត្រពាំងកក់ ឃុំទ្រា ស្រុកកណ្ដាលស្ទឹង ខេត្តកណ្ដាល ។
នគរបាលបានឲ្យដឹងថា នៅមុនពេលកើតហេតុ តំណាងរោងចក្រខាងលើបានរាយការណ៍ថា មានជនសង្ស័យម្នាក់មើលទៅមានភាពមិនប្រក្រតី គួរឲ្យមានការសង្ស័យនិងភ័យខ្លាចបានបន្លំខ្លួនចូលទៅក្នុងបន្ទប់របស់បុគ្គលិករដ្ឋបាលរោងចក្ររបស់ខ្លួន ដោយពុំមានការអនុញ្ញាត ហើយពុំមាននរណាម្នាក់បានស្គាល់នោះឡើយ និងមិនដឹងថាមានបំណងអ្វីទេ ។ ភ្លាមៗនោះ កម្លាំងនគរបាលប៉ុស្ដិ៍ដង្កោ បានចុះទៅធ្វើការឃាត់ខ្លួន ភ្លាមៗរួចបាននាំទៅធ្វើការសាកសួរនៅប៉ុស្ដិ៍ទើបដឹងថា យុវជននោះមិនមែនមនុស្សចម្លែកគួរឲ្យខ្លាចអីនោះទេ តាមពិតគេគ្រាន់តែប្រុសតែងខ្លួនជាស្រីប៉ុណ្ណោះ ហើយក្រោយពេលអប់រំរួច ក៏បានឲ្យរូបគេវិលត្រឡប់ ទៅផ្ទះវិញហើយដែរមិនឲ្យនៅដើរបែបនេះទៀតឡើយ ។
ដោយឡែក បុរសនោះបាននិយាយថា គាត់គឺជាមនុស្សប្រុសទេ ប៉ុន្តែកើតមកអភ័ព្វខុសគេ និងគួរឱ្យតូចចិត្តខ្លាំងណាស់ ព្រោះត្រូវឪពុកម្ដាយស្លាប់ចោលអស់ ហើយខ្លួនត្រូវបានលោកយាយមើលថែរហូតមកដល់ សព្វថ្ងៃនេះ លោកយាយរបស់ខ្លួនមានអាយុ៧០ឆ្នាំប្លាយទៅហើយដែរ ។ ហើយរូបគេនិងលោកយាយ មានជីវភាពក្រីក្រណាស់ ខ្លួនគ្មានការងារធ្វើនិងមុខរបរ ដើម្បីរកប្រាក់សម្រាប់ផ្គត់ផ្គង់ជីវភាពក្នុងគ្រួសារនោះឡើយ ។
ដោយសារតែបែបនេះ ខ្លួនមិនអាចនៅស្រុកតទៅទៀតបានឡើយ ក៏បានសម្រេចចិត្តធ្វើដំណើរចាកចេញពីស្រុកកំណើតចោលជីដូនចាស់ជរា ដើម្បីរកការងាររោងចក្រកាត់ដេរធ្វើ ប៉ុន្តែច្រើនថ្ងៃកន្លងមកនេះ រកមិនបានទាល់តែសោះ ដោយទៅសុំនៅរោងចក្រមួយណា ក៏ត្រូវបានគេបដិសេធមិនទទួលយកឡើយ ដោយគេប្រាប់ថា យកតែស្រីៗប៉ុណ្ណោះ មិនយកទេប្រុសៗនោះ។ បុរសនោះបានរៀបរាប់បន្តទៀតថា ដោយសារតែអស់សង្ឃឹមនឹងជីវិតអភ័ព្ទបែបនេះ ទើបខ្លួនបាននឹកឃើញ ល្បិចមួយគឺតែងខ្លួនជាមនុស្សស្រី ដោយបានទិញសក់វែង អាវទ្រនាប់ស្រី និងសម្លៀកបំពាក់ស្ត្រី ស្លៀកពាក់ រួចបានបន្លំខ្លួនចូលពេលដែលកម្មកររោងចក្រខាងលើ ហូបបាយថ្ងៃត្រង់រួចត្រឡប់ចូលក្នុងរោងចក្រវិញ ។ ក្នុងបំណងទៅកាន់បន្ទប់រដ្ឋបាលរោងចក្រ ដើម្បីសុំការងារធ្វើប៉ុន្តែត្រូវបរាជ័យ ត្រូវបានតំណាងរោងចក្រកាត់ ដេរហៅនគរបាលឲ្យចុះទៅចាប់ខ្លួនតែម្ដង ។
ចែករំលែកព័តមាននេះ